Эзэкээл 43:10 - Библи

¹⁰ Хүнэй үри Эзэкээл! Израилиин арад түмэндэ нангин үргөө тушаа дуулга. Яажа зохёогдон баригдаһыень тэдэ шэнжэлэг. Нүгэл шэбэл хэһэндээ тэдэ эшэн байг лэ.

Эзэкээл 43:10 ပူးပေါင်းရင်းမြစ်များ

1 Угай бэшэг 28:11

Давид өөрынгөө хүбүүн Соломоондо баруун үүдэнэй, тэрэнэй гэрэй, юумэ хадагалдаг газарай, тэрэнэй таһалгын, тэрэнэй досоо таһалгануудай ханзын гэрэй түхэл зурагуудые үгэбэ,

1 Угай бэшэг 28:19

«Тэрэ эдэ бүхы барилгануудые бүтээлгэдэ намда заабари үгөө, эдэ заабаринууд Эзэнһээ», – гэжэ Давид хэлэбэ.

Египедһээ гаралга 25:40

Ойлгоорой, хада дээрэ шамда яажа харуулаа һэмбиб, тон тиимээр жэншэдгүй наряар бүтээхэ ёһотойш.

Эзэкээл 16:61

Эгэшэ, дүүгээ һөөргэнь абажа байхадаа өөрынгөө хэһэн хэрэгүүдые һанажа, ши эшэхэш. Хэлсээгээр иимэ юумэ баталаагүйшье хадаа Би тэдэниие шамда басагад болгон үгэхэб.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Эзэкээл 28:12

– Хүнэй үри Эзэкээл, Тиир хотын хаанда гашуудалта дуу дуулажа, Минии, Эзэн Бурханай, иимэ айладхал тэрээндэ дуулга: хэзээ нэгэтэ ши дүрбэн тэгшэ түгэс, сэсэн мэргэн ухаатай, гоё һайхан байгаа бэлэйш.

Эзэкээл 40:4

Тэрэ хүн намда иигэжэ хэлэбэ: – Хүнэй үри Эзэкээл! Минии харуулһан юумэ ехэ анхаралтайгаар харан хадуужа абаарай. Энээнэйл түлөө ши иишээ асарагдаа ха юмши. Хараһан юумэеэ бултыень Израилиин улад зондо дуулгахаш.

Эзэкээл 43:11

Хэһэн муу муухай хэрэгүүдһээ тэдэнэй үнэхөөрөө эшэжэ, халаглажа байбалнь, Һүмын түхэл дүрсэ, түсэбые, орохо гараха үүдэ үрхыень, янза маягыень, бүхы ёһо дүримүүдыень хөөрэжэ харуулжа тэдэндэ үгэ. Эдэ бүгэдые тэдэнэй нюдэн дээрэ бэшэжэ үгэ, тиин тэдэ энэ түхэл дүрсые, бүхы ёһо гуримуудые сахижа бэелүүлжэ байг лэ.

Эзэкээл 44:5

Эзэн намда иигэжэ айладхаба: – Хүнэй үри Эзэкээл! Анхаралтайгаар шагнан, харан байгаарай. Нангин үргөө тушаа хуули ёһо айладхахам. Ямар үүдэнүүдээрнь зоной орохонь зүбшөөгдэнэб, ямар үүдэнүүдээр орохонь хорюултайб гэжэ анхаралтайгаар шагнан байгаарай.

Римэйхиндэ 6:21

Урдань үйлэдэдэг хэрэгүүдһээ таанад юу оложо абабат? Мүнөө тэдэ хэрэгүүдһээ эшэжэ улайхаһаа бэшэ ондоо юумэн үгы, тэдэтнай таанадые үхэлдэ хүтэлжэ байгаа.

Нүүнэй Иисүүс 22:28

Бидэ хэлсээбди: хэрбээ манда, манай түрэлнүүдтэ хойто үедэ тиигэжэ хэлээ һаань, бидэ: «Харагты, Эзэнэй үргэлэй шэрээдэ адли юумэ манай эсэгэнэр түгэс шатаалта үргэл тахихын тулада бэшэ, амиды үргэл асархын тулада бэшэ, манай танай хоорондо гэршэ болохын түлөө хээ», – гэхэбди.