9-10 Дотор хорёоһоо эдэ таһалганууд руу ошоһон үүдэн зүүн зүгтэнь байгаа. Баруун байшангай урда зүгтэ мүн лэ таһалганууд бии һэн.
Эзэн намда иигэжэ айладхаба: – Хүнэй үри Эзэкээл! Анхаралтайгаар шагнан, харан байгаарай. Нангин үргөө тушаа хуули ёһо айладхахам. Ямар үүдэнүүдээрнь зоной орохонь зүбшөөгдэнэб, ямар үүдэнүүдээр орохонь хорюултайб гэжэ анхаралтайгаар шагнан байгаарай.
Тэрэ хүтэлэгшэ намайе дотор хорёо руу асарба. Урда талаар ябажа, санаартадай таһалгануудай хажууда тогтобобди. Баруун талын газар намда заагаад,