Эзэкээл 42:13 - Библи

¹³ Тэрэ хүтэлэгшэ намда иигэжэ хэлэбэ: – Нангин үргөөгэй хойто болон урда талануудтань байгааша таһалганууд нангин гээшэ. Эзэнэй санаартан эгээл нангин үргэлнүүдые тэндэ үргэн байха. Талханай үргэл, нүгэл сагааруулгын үргэл, гарза харюулгын үргэл тэрэ нангин газарта үргэгдэхэ ёһотой.

Эзэкээл 42:13 ပူးပေါင်းရင်းမြစ်များ

Нэхэмьяа 13:5

арбанай нэгэ хуби гэжэ левидүүдтэ, дуушадта, үүдэнэй харуулшадта үгтэдэг орооһо, үзэмэй дараһан архи, тоһо гэхэ мэтые, санаартадта бэлэгүүдые, талхан үргэлнүүдые, уталгануудые, амһартануудые хадагалдаг байһан ехэ таһалгые Тобияада үгэбэ.

Египедһээ гаралга 29:31

Һахил хүртөөлгын үргэлэй хониной мяха абажа, майхан һүмын хорёо соо, нангин газарта, шанахаш.

Эзэкээл 40:38

Хойто хаалгануудай урдуур байһан таһалга соо дүрбэн шэрээ харагдаа һэн: хоёр шэрээ нэгэ талада, нүгөө хоёр шэрээ – нүгөөдэ талада бэлэй. Тэдэ шэрээнүүд дээрэ түгэс шатаалта, нүгэл сагааруулгын болон гарза харюулгын үргэлэй мал үүсэлэгдэхэ ёһотой. Энэ таһалгаһаа гадуур нэгэ багахан таһалга байгаа. Тэндэ үргэлэй мал угаагдадаг бэлэй.

Эзэкээл 40:46

хойто хаалгануудай дэргэдэхи таһалга үргэлэй шэрээгэй дэргэдэ алба ябуулдаг санаартанай. Тэдэ болбол бултадаа Цадоогой үри һадаһад, ганса тэдэл Левиин обогһоо Эзэндэ алба ябуулхаар нангин үргөө руу орохо зүбшөөлтэй.

Эзэкээл 41:12

Нангин үргөөһөө баруулжаа ондоо байшан байгаа. Тэрэ далан тохой үргэнтэй, ерэн тохой утатай, бүхы ханануудынь зузаанаараа табан тохой бэлэй.

Эзэкээл 42:1

Тэрэ хүтэлэгшэ намайе дахуулан, гадаа хорёо руу абаашаба. Байшангай хойто талада байгааша таһалгануудта асараа бэлэй.

Левит 10:17

– Таанад нүгэл сагааруулгын үргэлые арюун нангин газарта юундэ эдеэгүйбта? Энэ хадаа аргагүй ехэ нангинай нангин зүйл гээшэ. Тиигээд энэ арад зоной нүгэл даажа, тэрэ нүгэлыень Эзэнэй үмэнэ сагааруулхынтнай түлөө танда үгтэһэн гээшэ!

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Левит 14:13

Тиигээд нүгэл наманшалгын болон түгэс шатаалта үргэлэй мал үүсэлэн гаргадаг нангин газарта тэрэ хурьгаа гаргаха ёһотой, юундэб гэхэдэ, энэ гарза харюулгын үргэл хадаа нүгэл сагааруулгын үргэл мэтэ санаартын хубита юм, энэ хадаа аргагүй ехэ нангин зүйл мүн.

Левит 2:10

Талхан үргэлэй үлэгдэл хадаа Аһароондо ба тэрэнэй хүбүүдтэ хүртэхэ ёһотой: энэ хадаа Эзэнэй үргэлнүүдһээ абтаһан нангинай нангиниинь гээшэ.

Левит 2:3

Талхан үргэлэй үлэгдэл хадаа Аһароондо ба тэрээнэй хүбүүдтэ хүртэхэ ёһотой. Энэ хадаа нангин, юуб гэхэдэ, Эзэндэ үргэһэн үргэлнүүдһээ абтаһан мүн.

Левит 21:22

Өөрынгөө Бурханай хилээмэ, нангин болон хамагай нангин газарһаа хилээмэ эдихэдэнь болохо.

Левит 24:9

Эдэ хилээмэн Аһарооной ба уг удамайнь болохо. Эдихэдээ, нангин газарта эдихэ хэрэгтэй, юуб гэхэдэ, энэ хадаа Эзэнэй үргэлнүүдэй аргагүй ехэ нангинай нангиниинь гээшэ. Энэ хадаа мүнхэ тогтоол мүн.

Левит 6:19

Тиигээд Эзэн Моисейдэ иигэжэ айладаба:

Левит 6:29

Санаарта угтай бүхы эрэшүүл энээние эдихэ эрхэтэй: энэ хадаа нангинай нангин шүтөөн гээшэ.

Левит 7:1

Энэ хадаа гарза харюулгын үргэлэй ёһо гурим гээшэ. Энэ болбол нангинай нангин зүйл мүн.

Левит 7:6

Бүхы санаарта эрэшүүл энээниие эдихэ эрхэтэй. Эдихэдээ, нангин газарта эдихэ ёһотой: энэ хадаа аргагүй ехэ нангин шүтөөн мүн.

Тоололго 16:40

израильшуудай хэтын хэтэдэ һанажа ябахын тула һүлдэ тэмдэг болгожо хабтайлгуулба. Моисей Эзэнэй айладаһан захяаень дүүргэжэ, Аһарооной үринэрһээ бэшэ хэншье Эзэнэй урда уталга носоохо ёһогүй болобо. Хэрбэеэ ондоо хүн уталгые носоогоо һаа, Коорах болон тэрээнтэй үгэеэ үгэсэлдэгшэд мэтээр үхэхэ.

Тоололго 16:5

Коорахта болон тэрээнтэй үгэеэ нэгэдэн үгэсэлдэгшэдтэ иигэжэ хэлэбэ: – Үглөө үглөөгүүр Эзэн үнэхөөрөө хэн Тэрэнэйб, хэн арюун нангин бэ, Өөр руугаа хэниие дүтэлүүлдэг байха тухайгаа харуулха даа. Тэрэнэй шэлэһэн хүн лэ Тэрээндэ дүтэлдэг байха.

Тоололго 18:7

Гэбэшье ши, Аһароон, шинии үринэр гансал санаартын ажал хэхэт. Гансал таанад хүшэгын саана ородог, гансал таанад үргэлэй шэрээдэ дүтэлдэг байха ёһотойт. Санаартын нангин албые шамда Би бэлэг болгон үгэнэб. Шамһаа ондоо хэн нэгэн Нангинай Нангин таһалгада ороо һаа, шархияа хатааха тэрэ дары!

Хуули дабталга 21:5

Санаартан, Левиин үри һадаһад, тиишээ дүтэлэг, юуб гэхэдэ, Эзэн Бурхантнай тэдэниие өөртөө алба хүүлэхын, мүн Эзэнэй нэрээр зониие тэдэнэй юрөөхын тула шэлээ ха юм. Бүхы зарга хэрэгүүдые, гэмтэхэ хохидохо бүхы ушарнуудые эдэнэр лэ шиидхэдэг бшуу.