Эзэкээл 41:22 - Библи

²² үргэлэй модон шэрээ байгаа. Тэрэ хоёр тохой утатай ба үргэнтэй, гурбан тохой үндэр хэмжүүртэй, углуунуудынь, һууринь, хажуу талань модоор бүтээгдэнхэй бэлэй. «Энэ хадаа Эзэн Өөрынгөө нангин үргөө тушаа хододоо һанаагаа табина гэһэн һануулга гээшэ», – гэжэ хүтэлэгшэ хэлэбэ.

Эзэкээл 41:22 ပူးပေါင်းရင်းမြစ်များ

3 Хаан түрэнүүд 6:20

Хамагай нангин газар хорин тохой утатай, хорин тохой үргэнтэй, хорин тохой үндэртэй байгаа. Соломоон тэрэниие досооһоонь шэжэр алтаар хушаба, урда тээнь алтан гэнжэ татаба, үнэтэй хуша модон үргэлэй шэрээешье алтаар хушаа.

3 Хаан түрэнүүд 7:48

Эзэнэй Һүмын үшөө бусад хэрэгсэлнүүдые Соломоон хаан дархалуулба: үргэлэй алтан шэрээ, Эзэнэй урда табигдадаг талхан үргэлэй шэрээ;

2 Угай бэшэг 4:19

Бурханай гэрэй үшөө бусад хэрэгсэлнүүдые Соломоон хаан дархалуулба: үргэлэй алтан шэрээ, Эзэнэй урда табигдадаг талхан үргэлэй шэрээнүүдые;

Египедһээ гаралга 25:23

Акаци модоор хоёр тохой утатай, тохой үргэнтэй, тохой хахад үндэртэй шэрээ хэхэш.

Һургаал 9:2

Мяха бэлдэжэ, үзэмэй дараһан архи худхажа, шэрээгээ түхеэрбэ.

Дуунай дуун 1:12

Амарагни, хүхэнүүдэйм хоорондохи һайхан үнэртэй гүгэлэй багсадал аятай гоёор анхилнаш.

Эзэкээл 23:41

Шэрээ урдань табяатай гоё һайхан буйдан дээрэ тэдэ хэбтэдэг бэлэй. Тэрэ шэрээ дээрэнь Минии үршөөһэн оливын тоһон, уталганууд байдаг һэн.

Эзэкээл 44:16

Гансал тэдэ Минии нангин үргөө руу орожо, үргэл үргэхэ ёһолол хэхэ, мүргэл ябуулха болоно.

Левит 24:6

Эзэнэй үмэнэ шэжэр алтан шэрээ дээрэ тэдэниие зургаа зургаагаар багсалан, хоёр багса болгон табигты.

Малаахи 1:12

Харин таанад «Эзэнэй үргэлэй шэрээ бузарлагдаа, үргэлэй эдеэн, үрэ жэмэсынь жэрхэмээр» гэжэ хэлэхэдээ, тэрэниие бузарлажа байнат.

Малаахи 1:7

Таанар бузартай талха Минии үргэлэй шэрээ дээрэ үргэжэ байгаад, «Бидэ Танай нэрэ яажа доройтуулаабибди?» гэнэт. Иихэдээ таанар «Эзэнэй шэрээ бузарлагдаха болтогой» гэжэ хэлэнэт.

Коринфынхидтэ 1-дэхи 10:21

Таанад Эзэнэй аягаһаа ба ада шүдхэрэй аягаһаа нэгэ зэргэ уужа шадахагүйт, Эзэнэй шэрээдэ ба ада шүдхэрэй шэрээдэ нэгэ зэргэ хоол барижа шадахагүйт.

Гэршэлгэ 3:20

Энэ Би үүдэнэй хажууда ерээд, үүдэ тоншожо байнаб. Минии абяа дуулаад, үүдэ нээһэн хүнэйдэ орожо, хамта эдеэлхэб, тэрэ хүн Намтай суг эдеэлхэ.

Гэршэлгэ 8:3

Удаань баһа нэгэ Эльгээмэл дүтэлэн ерээд, үргэлэй шэрээгэй хажууда зогсобо. Тэрэ Эльгээмэл гартаа алтан бойпуур баринхай. Бурханай бүхы хүнүүдэй мүргэлтэй нэгэдүүлхын тула, хаан шэрээгэй урдахи тахилай алтан шэрээ дээрэ табяад утахынь тула обоо собоо хүжэ санзай тэрэ Эльгээмэлдэ үгтэбэ.