Эзэкээл 40:38 - Библи

^38-39 Хойто хаалгануудай урдуур байһан таһалга соо дүрбэн шэрээ харагдаа һэн: хоёр шэрээ нэгэ талада, нүгөө хоёр шэрээ – нүгөөдэ талада бэлэй. Тэдэ шэрээнүүд дээрэ түгэс шатаалта, нүгэл сагааруулгын болон гарза харюулгын үргэлэй мал үүсэлэгдэхэ ёһотой. Энэ таһалгаһаа гадуур нэгэ багахан таһалга байгаа. Тэндэ үргэлэй мал угаагдадаг бэлэй.

Эзэкээл 40:38 ပူးပေါင်းရင်းမြစ်များ

3 Хаан түрэнүүд 6:8

Дунда дабхар руу үүдэн Һүмын урда талада һэн. Мушхарһан гэшхүүрээр дунда дабхарай таһалганууд руу, тэндэһээ гурбадахи дабхар руу оромоор бэлэй.

1 Угай бэшэг 28:12

тэрэ сэдьхэлдээ наринаар абажа ябаһанаа хэлэжэ, бүхы таһалгануудай, Эзэнэй гэрэй хорёогой түхэл зурагуудые Бурханай гэрэй баялигууд, тэрээндэ зорюулагдаһан үнэтэ зүйлнүүд,

2 Угай бэшэг 4:6

Угааха арбан амһарта тэрэ хүүлэжэ, таба табаар хоёр талаар табюулба. Түгэс шатаалта үргэл үргэхэ юумэн тэндэ зайладаг һэн. Далай соо санаартад бэеэ угаадаг байгаа.

Нэхэмьяа 13:5

арбанай нэгэ хуби гэжэ левидүүдтэ, дуушадта, үүдэнэй харуулшадта үгтэдэг орооһо, үзэмэй дараһан архи, тоһо гэхэ мэтые, санаартадта бэлэгүүдые, талхан үргэлнүүдые, уталгануудые, амһартануудые хадагалдаг байһан ехэ таһалгые Тобияада үгэбэ.

Нэхэмьяа 13:9

Удаань таһалгануудые арюудхуулаад, Бурханай гэртэ хэрэгтэй юумэнүүдые, хилээмэн үргэлнүүдые, уталгануудые дахин хадагалуулдаг болобоб.

Ерэмияа 35:4

Игдаалиягай хүбүүн Ханаһаанай шабинарай таһалга руу асарааб. Тэрэ таһалга Һүмын амбан тушаалтан болохо Шаллуум гэгшын хүбүүн Маашэяагай таһалга дээрэ, бусад тушаалтадай таһалгануудай хажуугаар бэлэй.

Ерэмияа 36:10

Бүхы зоной шагнажа байтар Баруух минии хэлэһэн үгэнүүдые хуйламал ном сооһоо уншаба. Тэрэ Шапаанай хүбүүн, бэшээшэн Гэмаариягай ажалай таһалга сооһоо тунхаглаа бэлэй. Һүмын Шэнэ хаалгануудай хажууда, дээдэ хубида тэрэ таһалга оршодог байгаа.

Эзэкээл 40:12

Таһалга бүхэнэй урда тээ хажуу таһалгые илгаһан нэгэ тохой үндэртэй, нэгэ тохой үргэнтэй хана байгаа. Таһалганууд өөһэдөө тэб тэбхэгэр, тус тустаа зургаан тохой үргэнтэй байгаа.

Эзэкээл 40:17

Тэрэ хүтэлэгшэ намайе гадаа хорёо руу абаашаба. Тэндэ хорёо соогуур тойроод шулуун табсан баряатай, тэрэ табсан дээрэ гушан таһалга байгаа.

Эзэкээл 40:44

Тэрэ хүн намайе дотор хорёо руу асарба. Тэндэ хоёр таһалга: нэгэнь хойто таһалгануудай дэргэдэ, нүгөөдэнь урда хаалгануудай дэргэдэ байгаа.

Эзэкээл 40:45

Хүтэлэгшэ намда иигэжэ хэлэбэ: – Урда хаалгануудай хажуудахи таһалга нангин үргөө соо алба ябуулдаг санаартадай,

Эзэкээл 40:46

хойто хаалгануудай дэргэдэхи таһалга үргэлэй шэрээгэй дэргэдэ алба ябуулдаг санаартанай. Тэдэ болбол бултадаа Цадоогой үри һадаһад, ганса тэдэл Левиин обогһоо Эзэндэ алба ябуулхаар нангин үргөө руу орохо зүбшөөлтэй.

Эзэкээл 42:13

Тэрэ хүтэлэгшэ намда иигэжэ хэлэбэ: – Нангин үргөөгэй хойто болон урда талануудтань байгааша таһалганууд нангин гээшэ. Эзэнэй санаартан эгээл нангин үргэлнүүдые тэндэ үргэн байха. Талханай үргэл, нүгэл сагааруулгын үргэл, гарза харюулгын үргэл тэрэ нангин газарта үргэгдэхэ ёһотой.

Левит 1:13

Гэдэһэ доторыень, тагалсагуудыень уһаар угааха хэрэгтэй. Санаартан үргэлэй шэрээ дээрэ бултыень дэлгээгээд, шатааг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 1:9

Тагалсагуудыень, гэдэһэ доторыень уһаар угааха хэрэгтэй. Тиигээд санаартан эдэ бүгэдые үргэлэй шэрээ дээрэ шатаан үргэг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 8:21

Доторыень, хүлнүүдынь уһаар угааба. Тиигээд Моисей хусые бултыень үргэлэй шэрээ дээрэ шатааба. Энэ хадаа түгэс шатаалта үргэл, Эзэндэ аятай анхилал, Эзэнэй Моисейдэ захирһанай ёһоор, Тэрээндэ бэлэг болоно.

Еврейнүүдтэ 10:22

Тиимэһээ үнэн сэдьхэлтэйгээр, дүүрэн һүзэг этигэлтэйгээр, бузар һанал бодолнуудһаан сэбэрлэгдэһэн зүрхэ сэдьхэлтэйгээр, сэбэр уһаар угаагдаһан бэетэйгээр Бурханай ойро ошоёл.