Эзэкээл 40:17 - Библи

¹⁷ Тэрэ хүтэлэгшэ намайе гадаа хорёо руу абаашаба. Тэндэ хорёо соогуур тойроод шулуун табсан баряатай, тэрэ табсан дээрэ гушан таһалга байгаа.

Эзэкээл 40:17 ပူးပေါင်းရင်းမြစ်များ

3 Хаан түрэнүүд 6:5

Гадаа ханануудые тойруулан, Һүмын талануудаар, хойноньшье тэрэ барилга бариба.

4 Хаан түрэнүүд 23:11

Тиигээд тэрэ Иудын хаашуулай Наранда зорюулһан моридые, дайшалхы тэргэнүүдые галдаба. Тэдэнэр Эзэнэй һүмын үргөөндэ ородог үүдэнһээ холо бэшэ байдаг заһаагаа абхуулһан Натаан-Мээлэх харуулшанай таһалгануудта дүтэшэг байгаа.

1 Угай бэшэг 23:28

Эзэндэ алба хэхын тула Аһарооной хүбүүдэй хажууда байжа, Бурханай гэрэй дэргэдэ элдэб алба бэелүүлхын, мүргэлэй нангин Һүмэ, хашаа, мүн тэрээндэ хабаатай элдэб барилганууд соохи ариг сэбэрые сахиха,

1 Угай бэшэг 9:26

Этигэл ехэтэй левидүүд дүрбэн талын удамаршад; тэдэнэр Бурханай гэрэй үнэтэ зүйлнүүдые, бусадшье байрануудые хараха харуулшадаар томилогдоһон бэлэй.

2 Угай бэшэг 31:11

Хэзэкияа хаанай захиралтаар Эзэнэй Һүмэ соо зөөри нөөсэлхэ таһалганууд бэлдэгдэбэ.

Египедһээ гаралга 27:9

Майхан һүмэеэ тойруулаад хашаалха болоно. Урда талаһаань нарин маалинга бүдөөр хэһэн зуун тохойн шэнээн утатай далбагар хүшэгэ байха.

Эзэкээл 10:5

Херүүбүүдэй далинуудай абяае гадаа хашаа соошье дуулахаар байгаа һэн. Энэ шууяан Түгэс Хүсэтэ Бурханай хоолой мэтэ дуулдаа бэлэй.

Эзэкээл 40:18

Табсан гэбэл хаалгын хажуу ханада няалдаад, үргэнөөрөө хаалгын үргэнтэй адли һэн. Энэнь доодо табсан бэлэй.

Эзэкээл 40:38

Хойто хаалгануудай урдуур байһан таһалга соо дүрбэн шэрээ харагдаа һэн: хоёр шэрээ нэгэ талада, нүгөө хоёр шэрээ – нүгөөдэ талада бэлэй. Тэдэ шэрээнүүд дээрэ түгэс шатаалта, нүгэл сагааруулгын болон гарза харюулгын үргэлэй мал үүсэлэгдэхэ ёһотой. Энэ таһалгаһаа гадуур нэгэ багахан таһалга байгаа. Тэндэ үргэлэй мал угаагдадаг бэлэй.

Эзэкээл 40:44

Тэрэ хүн намайе дотор хорёо руу асарба. Тэндэ хоёр таһалга: нэгэнь хойто таһалгануудай дэргэдэ, нүгөөдэнь урда хаалгануудай дэргэдэ байгаа.

Эзэкээл 40:45

Хүтэлэгшэ намда иигэжэ хэлэбэ: – Урда хаалгануудай хажуудахи таһалга нангин үргөө соо алба ябуулдаг санаартадай,

Эзэкээл 40:46

хойто хаалгануудай дэргэдэхи таһалга үргэлэй шэрээгэй дэргэдэ алба ябуулдаг санаартанай. Тэдэ болбол бултадаа Цадоогой үри һадаһад, ганса тэдэл Левиин обогһоо Эзэндэ алба ябуулхаар нангин үргөө руу орохо зүбшөөлтэй.

Эзэкээл 41:10

Тэрэ сүлөө газарһаа дүтын байшан хүрэтэр хорин тохой һэн.

Эзэкээл 41:6

Гурбан шугамда тус тустаа гушан таһалгатай, шугам бүхэн нангин үргөөгэй ханануудай хажуугаар хэгдэһэн табсан дээрэ бэлэй.

Эзэкээл 42:1

Тэрэ хүтэлэгшэ намайе дахуулан, гадаа хорёо руу абаашаба. Байшангай хойто талада байгааша таһалгануудта асараа бэлэй.

Эзэкээл 42:3

Энэ байшан нэгэ талаһаа дотоодо хорёодо оршоһон хорин тохой үргэнтэй нээлтэтэй коридорой, нүгөө талаһаа гадаа хорёогой дэбисхэрэй хоорондо байгаа бэлэй. Тэрэ гурбан дабхартай һэн.

Эзэкээл 42:4

Тэрэ таһалгануудай үүдэнүүд хойто зүг руу нээгдэдэг, арабан тохой үргэн, зуун тохой ута оролгын таһалгатай байгаа.

Эзэкээл 44:1

Тэрэ хүн намайе нангин үргөөгэй зүүн талын гадаа үүдэнүүд руу асарба. Үүдэнүүд хаагдаатай байгаа.

Эзэкээл 45:5

Газарай нүгөөдэ хахадынь нангин үргөө соо хара ажал хэдэг левидүүдтэ хүртэхэ. Левидүүдэй гэрнүүд тэндэ оршохо юм.

Эзэкээл 46:21

Тэрэ хүтэлэгшэ намайе гадаа хорёо руу гаргажа, дүрбэн углуугаарнь үшөө багахан хорёонуудай байһые харуулба. Тэрэ хорёонууд дүшэн тохой ута, гушан тохой үргэн талмайтай.

Гэршэлгэ 11:2

Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.