Эзэкээл 39:6 - Библи

⁶ Магоог орон нютагые галдахаб, далайн эрьеэр хашалгүй ажаһуугша арад зон руу түймэр табихаб. Тиихэдэм тэдэ Намайе Эзэн гээд мэдэхэ.

Эзэкээл 39:6 ပူးပေါင်းရင်းမြစ်များ

Псалманууд 72:10

Иимэ зоной хойноһоо арад түмэмни дагана, дүүрэн адхан уһыень уунал!

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Ерэмияа 25:22

Тиирэй, Сидооной, далайн саадахи олтирогуудай хаашуулда;

Эзэкээл 30:16

Египедые галдахаб, Сиин амяа табин шэшэрэн байха, Тэбээс хото һандарха, Ноодой зон дайсадһаа хододоо айжа байха.

Эзэкээл 30:8

Танай орон газарые Би шатаахаб. Аршалагшадтнай бүгэдэ хосорхо. Тиихэдэл таанад Намайе Эзэн гээд мэдэрхэт.

Эзэкээл 30:9

Египедые хэһээжэ байһан тэрэ үдэртөө дүтэлжэ байгша гай тодхор тушаа соносхохыень Би юушье мэдээгүй, хашалгүй Эфиопиин улад зон руу элшэнэрые далайн онгосоор эльгээхэб. Тэдэ угаа ехээр һүрдэхэ.

Эзэкээл 37:6

Арһа шүрбэһөөр, шандааһаар таанадые бүглэхэб, таанадта ами оруулхаб, тиихэдэм Намайе Эзэн гээд мэдэхэт гэжэ Эзэн Бурхан айладхана.

Эзэкээл 38:11

Хашалан зоболонгүй, һанаа амар, хотоёо хэрэм ханаар халхалангүй, ямаршье суургагүй, үүдэ, ханагүй ажаһуужа байгааша орон нютагта добтолон орохоёо ши түсэблэхэш.

Эзэкээл 38:13

Шэбаа болон Дэдаанай, мүн тиихэдэ Таршиишэй наймаашад шинии тала бариха. Израильһаа сэрэгэйтнай дээрмэшэлһэн алта мүнгэ, мал, эд зөөриин хуби тэдэ абахаяа һанаха.

Эзэкээл 38:2

– Хүнэй үри Эзэкээл! Магоог гэдэг газар дайдада оршогшо Мээшэх болон Тубаал хан түрэнүүдэй зонхилогшо Гоогые шүүмжэлэ. Тэрээндэ Минии иимэ үгэнүүдые дуулга:

Эзэкээл 38:6

Гоомэрһээ, хойто зүгэй Бэйт-Тогармааһаашье сэрэгшэд таанадтай хамта. Юрэдөө, угаа олон сэрэгтэйт.

Эзэкээл 39:5

Хээрэ талада алдалан унахат. Энэ хадаа Би, Эзэн Бурхан, айладхана мүн!

Амоос 1:10

Тиирэй хана руу гал эльгэхэб, хэрэмүүдынь галда дүрэхэ!

Амоос 1:4

Хазаһээлэй ордон руу гал эльгэхэб, Бэн-Һадаадай хэрэмүүд галда дүрэхэ!

Амоос 1:7

Гаазай хана руу гал эльгэхэб, хэрэмүүдынь галда дүрэхэ!

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Цэпаанияа 2:11

Эзэн тэдээндэ угаа аймшагтай болохо. Юуб гэхэдэ, Тэрэ дэлхэйн бурхадые ямаршье хүндэгүй бологохо, арад бүхэн байдаг газарһаа Тэрээндэ зальбаран мүргэдэг болохо.

Гэршэлгэ 20:8

Тиигээд сатана арадуудые мэхэлхэеэ ошохо, дайн сэрэг үүдхэхын тула дэлхэйн бүхы дүрбэн зүгүүдээр ябаха, гоог, магоог гэжэ арадуудта ошохо. Далайн эрьеын элһэ хайр мэтэ үй түмэн хүнүүдые сатана гулидхан суглуулха.

Гэршэлгэ 20:9

Тэдэнэр бүхы газар дайдые алхалан гаража, Бурханай зоной байрлаһан газарые, тэрэ зоной эгээн дуратай хотые хүреэлхэ. Теэд тэрэ үедэнь тэнгэри дээрэһээ гал буужа ерээд, бултыень шатаажархиха.

Ударидагшад 18:7

Табан сэрэгшэ тэндэһээ саашаа ошожо, Лааһишта ерэбэ. Тиихэдээ тэдэнэр эндэхи арадые сидоонуудай ёһо заншал баримталжа, амгалан тайбан, аалин номгон ба һанаа амар ажаһууна, энэ орон нютагта дутаха юумэн болон засаг бариха хүн үгы гэжэ харабад. Тэдэнэр сидоонуудһаа холо байһан тула хэнтэйшье харилсаа холбоогүй байбад.