Эзэкээл 39:23 - Библи

²³ Минии урда нүгэлтэй байһандаа израильшууд сүлэгдөө гэжэ хариин зон ойлгохо. Би тэдээнһээ буруу хаража, дайсадай добтолон орон хюдахыень зүбшөөгөө һэм.

Эзэкээл 39:23 ပူးပေါင်းရင်းမြစ်များ

Эзраа 9:7

Эсэгэнэрэйнгээ үеһөө мүнөө болотор гэмэ зэмэмнай таһарнагүй, хуули буса ябадалайнгаа түлөө бидэ, хаашуулнай, санаартаднай хари газарай хаашуулай гар доро, һэлмэ доронь орожо, туулгажа, тонуулжа, мүнөө болотор доромжолуулжа ябанабди.

Псалманууд 10:1

[Дуунай бүлэгэй хүтэлбэрилэгшэдэ: Давидай зохёоһон.] Хорохо хамгаалха газарни – Эзэн! Таанар намда хандан, «Хада руугаа шубуун мэтэ ниидэ» гэжэ яажа хэлэжэ шаданабта!

Псалманууд 106:41

Харин ядуу зониие үргэжэ, зоболонһоонь татан гаргана, һүрэг хонид мэтэ үнэр бүлэтэй тэдэ болоно.

Псалманууд 30:7

Хооһон шүтээнүүдые хүндэлдэг зониие үзэн ядадагби, би Эзэндэл этигэдэгби!

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 42:24

«Хэн Яковые дээрмэшэдтэ дамжуулжа үгөөб? Хэн Израилиие һүйдхэгшэдтэ үгөөб? Эзэн бэшэ гү? Бидэ Тэрэнэй урдаһаа нүгэл үйлэдөө бэлэйлди. Тэрэнэй үгөөр ажаһуугаагүйбди, хуулииень сахяагүйбди.

Исай 59:2

Нүгэлһөөтнай боложо Тэрэ таанадые дууланагүй, таанадай гэм зэмэ Бурхантай таанадые хахасуулаа.

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 8:17

Эзэн Өөрынгөө арад түмэнһөө хоргодоо-хороо, гэбэшье би Тэрээндэ этигэнэб, Тэрээндэл найданаб.

Ерэмияа 33:5

Минии уур сухал дундаа усадхахаяа һанаһан зоной үхэһэн бэенүүдээр байшангуудые дүүргэһэн Вавилооной сэрэгтэй заримашуул тэмсэхэ. Хотын зоной муу муухай үйлэ хэрэгүүдһээ боложо, Би энэ хотоһоо буруу хараа бэлэйб.

Ерэмияа 44:22

Тиимэһээл Эзэн танай жэгшүүритэй муухай хэрэгүүдые тэсэжэ ядаа, тиимэһээл газартнай зэлүүд хооһон, үзэмжэгүй муухай болоо. Таанад энээниие мүнөө өөһэдөө хаража байна ха юмта даа.

Гашуудал 1:8

Иерусалим ехэ нүгэл хээ, тиимэһээ бузартай болоо. Тэрээндэ соло үргэн байгаашад мүнөө шоо үзэн хаража байна. Өөрөө тэрэ уйлажа, буруу хараад байна.

Эзэкээл 20:27

Хүнэй үри Эзэкээл, Минии, Эзэн Бурханай, иигэжэ айладхаһые Израилиин арад түмэндэ дуулга. Тэдэнэй үбгэ эсэгэнэрынь Намда урбажа, доромжолоо һэн.

Эзэкээл 36:36

Хүршэ арадуудтнай Минии, Эзэнэй, һандарһан хотонуудые һэргээн бодхоодогые, хооһорһон, үгырһэн газарнуудые ургаса тарин ногооруулдагые мэдэдэг болохо. Би, Эзэн, найдуулһанаа дүүргэдэг мүн!

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Эзэкээл 7:22

Минии үмэгшэлэн хамгаалдаг нангин үргөө руу дээрмэшэдэй орожо, бузарлажа байхада, Би һаалта хэхэгүйб, хамгаалхагүйб.

Левит 26:25

Хэлсээ эбдэһэнэй түлөө таанадта үһөөгэй һэлмэ эльгээхэб. Өөһэдынгөө хото соо хоргодоо һаатнай, яра шарха эльгээхэб, дайсадай гарта үгэхэб.

Хуули дабталга 32:20

Тиигээд Тэрэ иигэжэ айладхаба: «Тэдээнһээ буруу хаража, һүүлдэнь юун бологшо ааб гээд хүлеэхэмни. Тэдэ ёһоо алдаһан зон, аша харюулхаяа мартаһан үхибүүд мэтэ.

Хуули дабталга 32:30

Нэгэ хүн мянган зониие намнажа шадаха гү, хоёр хүн үй түмэниие үлдэжэ бираха гү? Тэдэ мянган зоной Хабсагайн өөһэдыень орхёо гээшэ һаа, Эзэнэй тэдээнһээ арсаа гээшэ һаань, иимэ юумэн ушархал.

Ударидагшад 2:14

Эзэн израильшуудта сухалдаад, тэдээндэ добтологты, тэдэнэй эд зөөрииень тоногты гэжэ оршон тойрон ажаһуудаг арадуудта зарлиглаба.

Ударидагшад 3:8

Эзэн израильшуудта сухалдаад, тэдэниие илагты гэжэ Месопотамай хаан Кушаан-Ришатааимда үршөөл хайраяа үгэбэ. Месопотамай хаан тэдэниие найман жэл соо зонхилбо.