Эзэкээл 39:21 - Библи

²¹ Минии хэһээлтые дэлхэйн арадууд хаража, алдар солымни һаргама хурсые мэдэрхэ.

Эзэкээл 39:21 ပူးပေါင်းရင်းမြစ်များ

Псалманууд 32:4

Юуб гэхэдэ, Эзэнэй үгэ зүб сэхэ, бүхы хэрэгүүдынь үнэн шударга.

Псалманууд 94:10

дүшэн жэлэй туршада. Би тэрэ үеынхидтэ сухалдажа, «Тэдэнэр ходо эндүүржэ ябадаг, харгы замаарни ябадаггүй» гэжэ айладааб.

Египедһээ гаралга 14:4

Үсэдтөө диилдэжэ, хойноһоотнай мүрдэн намнаха гэжэ Минии һанаһан үйлөөр тэрэ болохо, одоол тиихэдэ фараониие сэрэгтэйнь даража, түгэс илалта туйлаха ёһотойб! Эзэнэй ёһото хэн байһые Египедэй зон мэдэжэ абаг! Эзэнэй зарлигаарнь лэ Израиль угсаатан бүтээбэ.

Египедһээ гаралга 7:4

Харин таанадай үгэ фараон дуулахагүй. Одоол тиихэдэ Египет Минии гарай хүндые мэдэхэ даа! Минии арад болохо Израиль угсаатаниие сэрэг шэнгеэр жагсаан Египедһээ гаргахаб. Хэһээлтэм шанга!

Египедһээ гаралга 8:19

Египедэй эльбэшэд «Энэ Бурханай гар ха даа» гэжэ фараондо хэлэбэ. Фараон үсэд зангаа хубилгабагүй, үгэ дуулабагүй. Эзэнэй урид айладаһаарнь лэ болобо.

Египедһээ гаралга 9:16

Гэбэшье Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе амиды үлөөнэб.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 37:20

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!»

Эзэкээл 36:23

Өөрынгөө нангин байһые хариин арадуудта гэршэлхэдэм, тэдэ Намайе Эзэн Бурхан гээд ойлгохо. Энэ болбол Би, Эзэн Бурхан, айладхана мүн!

Эзэкээл 38:16

Шуургата үүлэн мэтэ хушан, Минии улад зондо добтолхош. Минии орон нютаг болохо Израиль руу нэбтэрэн орохыеш Би зүбшөөхэб. Юуб гэхэдэ, Намайе, Эзэниие, арюун нангин гэжэ дэлхэйн арад бүхэнэй мэдэдэг болохын тула иимэ юумэ эрхилхэб».

Эзэкээл 38:23

Би, Эзэн, нангин гээшэб гэжэ дэлхэйн бүхы арадуудта Өөрыгөө харуулхын тула эдэ бүгэдые эрхилхэб».

Эзэкээл 39:13

Дэлхэйн бүхы зон тэдэниие хүдөөлүүлхэдэ туһалха, Минии, Эзэн Бурханай, алдар солын мандаһан тэрэ илалтын үдэр тэдэ шагнал хайрада хүртэхэ.

Михей 2:9

Зохидхон гэрнүүдтэнь һанаашархан, арадайм эхэнэрнүүдые тэрэ гэрнүүдһээ үлдэжэ гарганат, Минии үреэлые үхи хүүгэдһээнь хэмэ мүнхэдөө буляан абанат.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Малаахи 1:5

Таанад энээниие нюдөөрөө үзэжэ, «Эзэн Израилиин хизаарта үргэмжэлэгдэхэ болтогой» гэжэ хэлэнэт.

1 Хаан түрэнүүд 5:11

Тиигээд тэдэ хүнүүдые эльгээжэ, Пилиштын бүхы ноёдые суглуулжа, иигэжэ хэлэбэ: – Маанадые болон гэр бүлэнүүдыемнай һалгаахагүйн тула Израилиин Бурханай ханзые байһан газар руунь бусаан ябуулагты. Бурханай тэдэниие угаа шэрүүнээр хэһээһэнһээ хүлгөөн бүхы хотоор боложо байгаа.

1 Хаан түрэнүүд 5:7

Энээниие Ашдоодой зон хараад, иигэжэ хэлсэбэ: – Израилиин Бурханай ханза бидэнэй дунда үлөөжэ болохогүй. Юуб гэхэдэ, тэрэ маанадта болон манай бурхан Дагоондо гай тодхор ушаруулжа байна.

1 Хаан түрэнүүд 6:9

Тэрэ ханзын өөрынгөө нютаг руу ошоһон харгы замаар Бэт-Шээмэш руу ябахые харабал, Израилиин Бурхан бидэндэ энэ ехэ гай зоболон ушаруулба гэхэбди. Харин үгы һаань, Тэрэ бидэниие дайраа бэшэ, энэнь бидэнтэй миин өөрөө тохёолдоо гэжэ мэдэхэбди.