Эзэкээл 39:17 - Библи

¹⁷ Хүнэй үри Эзэкээл, Минии таанадта гаргажа бэлдэһэн тахилда бүхы оршон тойронһоо ерэхыень ан арьяатаниие, шубуу шонхорые дууда. Энэ хадаа Израилиин хада ууланууд дээрэ аргагүй ехэ зоог болохо, тэндэ тэдэ мяха эдихэ, шуһа уухал.

Эзэкээл 39:17 ပူးပေါင်းရင်းမြစ်များ

Эхин 31:54

Һүүлээрнь тэрэ мал үүсэлэн гаргаад, шатаажа, Эзэн Бурханда үргэбэ. Удаань Яков бүгэдэндэ зорюулан, найр хэбэ. Иигэжэ тэрэ һүниндөө тэдэ бултадаа хада уула дээрэ хоноо бэлэй.

Исай 18:6

Алуулһан зонойнь бэенүүд уулын мяхаша шубуудай, зэрлиг арьяатанай хүнэһэн болохо. Зундаа шубууд тэдэниие тоншохо, үбэлдөө ан гүрөөл зулгаан эдихэ.

Исай 29:2

Харин Бурхан «Бурханай үргэлэй шэрээ» гэдэг хотодо гай тодхор татаха ёһоороол татаха. Тэндэ уй гашуудал, шаналал болохо, шуһаар дүүрэнхэй үргэлэй шэрээдэл адли энэ хото болохо.

Исай 34:6

Үргэлэй хурьга ямаанай шуһа өөхэндэ адли шуһа өөхөөр Эзэнэй һэлмэ дууһан хушагдаатай байха. Эзэн иимэ үргэл, иимэ хюдалга Боцраада, Эдоомой орон нютагта хэхэеэ түсэблэнэ.

Исай 34:7

Һарлагууд, бухануудтал адли зон алдалан газарта унаха, газар шуһаар нэбшэжэ, тооһо шорой өөхэнтэй худхалдан ялаганажа байха.

Исай 56:9

Хариин зоной ерэжэ, Өөрынь арад түмэниие хээрын ан арьяатандал адли зооглохыень Эзэн захирна.

Ерэмияа 12:9

Мяхаша шубуудта тойруулан тоншуулжа байһан эреэ-маряан шубуун мэтэл шэлэһэн арадни. Ябажа, талын бүхы арьяатаниие суглуулагты! Ерэг, залгиха юумэн олдохол.

Ерэмияа 25:33

Тэрэ үдэр Эзэндэ хюдагдаһан зоной бэенүүд дэлхэйн нэгэ захаһаа нүгөө хүрэтэр таранхай хэбтэхэ. Хэншье тэдэнэй хойноһоо гашуудахагүй, тэдэниие суглуулхагүй, хүдөөлүүлхэгүй. Газарай хүрьһэн дээрэ үтэгжүүл мэтэ тэдэ хэбтэхэ.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Эзэкээл 29:5

Тиигээд шамайе болон голойшни хамаг загаһадые элһэн сүл губида хаяхаб, ши хээрэ талада унахаш. Хэншье шамайе хүдөөлүүлхэгүй, ан арьяатан, шубуу шонхор бэеыеш таһа татан эдихэ.

Эзэкээл 39:16

Тэрэ газар «Гоогой сэрэг» гээдшье мүн лэ нэршэхэ. Ииһээр газар дахин сэбэр болохо.

Эзэкээл 39:4

Ши сэрэгтэеэ, мүн шинии түлөө хүлһөөр дайлалдажа байгааша хариин сэрэгшэдтэеэ хамта тэрэ хада ууланууд дээрэ үхэлөө олохош. Иигэжэ ан арьяатанай, шубуу шонхорой хүнэһэн болохош.

Цэпаанияа 1:7

Эзэнэй зарга шүүбэриин үдэр дүтэлөө, тиимэһээ Эзэн Бурханай хажууда абяа аниргүй байгты! Өөрын арад түмэнөөр тахил хэхэеэ Эзэн бэлдээд байна, Иудые һандарган дээрмэшэлхээр ямар дайсадые урихаб гэжэ Тэрэ тодорхойлоо.

Матвей 24:28

Үхэһэн бэеын хэбтэһэн газарта бүргэд шубууд сугларха.

1 Хаан түрэнүүд 16:3

Үргэл хэхэдээ, Ишайе дуудаарай. Юу хэхыешни шамда заажа үгэхэб. Ши Минии зааһан хүнэй толгойдо оливын тоһо түрхеэрэй.

1 Хаан түрэнүүд 17:46

Мүнөөдэр Эзэн шамайе минии гарта үгэхэ. Би шамайе алаад, толгойешни бэеһээшни таһалхаб. Мүнөөдэр би пилишт сэрэгшэдэй һэенүүдые огторгойн шубуу шонхорто, хээрын ан арьяатанда үгэхэб. Бүхы улад Израильда Бурхан бии гээд мэдэдэг болохо.

1 Хаан түрэнүүд 9:13

Таанад хото руу оромсоороо үргэлэй газарта гарахынь, хоол барихынь урда тээ тэрээнтэй золгогты. Юуб гэхэдэ, тэрэнэй үргэл үреэхэеэ ерэтэр арад зон хоол барихагүй. Үргэлые тэрэнэй үреэһэнэй удаа уригдагшад хоол барижа эхилдэг. Тиимэһээ яарагты, мүнөө үшөө тэрэниие олохолта.