Эзэкээл 39:10 - Библи

¹⁰ Модо отолжо, түлеэ суглуулжа байхын орондо тэдэ энэ зэбсэгүүдые шатааха. Дээрмэдэгшэдээ дээрмэдэхэ, тоногшодоо тэдэ тонохо. Энэ болбол Би, Эзэн Бурхан, айладхана мүн!

Эзэкээл 39:10 ပူးပေါင်းရင်းမြစ်များ

Египедһээ гаралга 12:36

Эзэн египет зоной сэдьхэл зөөлэрүүлбэ – тэдэ израильшуудай эриһэн лэ юумыень үгэбэ. Египедһээ тэдэ олзо ехэтэй гараа бэлэй.

Египедһээ гаралга 3:22

Эхэнэрнүүдтнай хүршэнүүдһээ алта мүнгэн зүүдхэл, хубсаһа хунар эрижэ абаха, абаһанаа үхи хүүгэдтээ үмдэхүүлхэт! Египедые тиигэжэ хооһолон, олзо ехэтэй гарахат.

Исай 14:2

Орон нютагтаа бусахадань олохон арадууд Израильда туһалха. Тиигээд Эзэнэй тэрэ газар нютагта тэдэ арадууд Израилиин богоолнууд болохо. Израилиие баряанда барижа байгаашад өөһэдөө баряанда баригдаха, дарлагшадаа тэдэ өөһэдөө дарлаха болоно.

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Эзэкээл 39:11

Эдэ бүгэдын тохёолдоһоной удаа Гоогые сэрэгтэйнь хамта Израильда, Дабһата далайһаа зүүлжээ, Аяншадай набтар нюруу газараар хүдөөлүүлхэб. Угаа үргэн газарые хүүрнүүдэй эзэлһэн ушар тэрээгүүр гарааша зондо һаад түбэг болохо, тэрэ газар «Гоогой сэрэгэй набтар нюруу» гээд нэршэхэ.

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Аввакуум 3:8

Моридоо унаад, абаралай тэргэнүүдтээ залараад ерэһэнтнай гол мүрэнүүдтэ сухалдаһандаа, үгышье һаа, далайда уурлаһандаа гэжэ гү?

Матвей 7:2

Ушарынь хэлэбэл, бусадые яажа зэмэлнэбта, тиигэжэл Бурхан таанадые зэмэлхэ, ямар хэмжээгээр хэмжэнэбта, тиимэл хэмжээгээр танда хэмжэжэ үгэхэ.

Гэршэлгэ 13:10

Барисада абтаха хубитай хүн барисада абтаха. Һэлмээр сабшуулжа үхэхэ хубитай хүн һэлмээр сабшуулжа үхэхэ. Бурханай табисуурта арад зон хатуу зоригтой, үнэн шударгы байха ёһотой гэжэ эдэ үгэнүүдһээ элирнэ бшуу!

Гэршэлгэ 18:6

Тэрэ ниислэлые хэһэн үйлэйнь хэмжээгээр хэһээгты, хэһэн үйлэ хэрэгүүдэйнь түлөө хоёр дахин хатуугаар хэһээгты, хоёр дахин хатуу үзэмэй дараһан архи тэрэнэй аяга руу хэгты!