Эзэкээл 38:4 - Библи

⁴ Шамайе эрьелдүүлжэ, үрүүндэш дэгээ зоогоод, сэрэгтэйш хамта холын холо руу татан гаргахаб. Халхабша хүндэ хубсаһа үмдэнхэй, һэлмэ, бамбай баринхай олон гэгшын морин сэрэгые ши зонхилнош.

Эзэкээл 38:4 ပူးပေါင်းရင်းမြစ်များ

4 Хаан түрэнүүд 19:28

Минии шэхэндэ соностоһон Намда эсэргүүсэн уурлаһанайш түлөө, дээрэлхүү ааша зангайш түлөө шинии хамарта гохо хадхаад, шинии аманда хазаар үмэдхөөд, шамайе ерэгшэ харгыгааршни бусаахаб! Тэрэ сагта гохоһоонь ооһорлоод, олзолһон хүнүүдые туужа, орон нютагаа абаашадаг байгаа.

1 Угай бэшэг 12:8

Сүл губида бүхэлэлтэ соогоо Давидай байхада, Гаадай обогой зон ерэжэ, тэрээнтэй хамтарба. Тэдэ эрэлхэг, байлдааша, бамбай, жадатай хүнүүд бэлэй. Тэдэ арсалан мэтэ шэрүүн хэрзэгы шарайтай, хадын зээрэн мэтэ хурданууд;

2 Угай бэшэг 25:5

Амацияа Иудын болон Бэньямиинэй обогуудай хори болон дээшэ наһатай бүхы эрэшүүлые суглуулаад, уг угаарнь мянганай болон зуунай бүлэгүүд болгон хубаарилаад, дээрэнь сэрэгэй ноёдые табиба. Иигэжэ эрхим, дайшалхы дүршэлтэй, жада, бамбай баридаг гурбан зуун мянган сэрэгшэд бии гэжэ тэрэ элирүүлбэ.

Исай 37:29

Минии шэхэндэ соностоһон Намда эсэргүүсэн уурлаһанайш түлөө, дээрэлхүү ааша зангайш түлөө шинии хамарта гохо хадхаад, шинии аманда хазаар үмэдхөөд, шамайе ерэгшэ харгыгааршни бусаахаб!»

Исай 43:17

Тэрэ хүсэ ехэтэ сэрэг – дайшалхы тэргэтэй, моридтой – хосороохо тээшэнь залаа. Тэдэ бултадаа унажа, дахин бодоогүй, зула мэтэ унтаржа замхаа.

Ерэмияа 46:9

Мориндоо мордожо гүйлгэлдэгты, дайшалхы тэргэнүүдээ түргөөр ябуулагты! Эфиопиһоо сэрэгшэд, Ливиһээ бамбай баригшад, Лүүдһээ һурша номоор харбагшад байлдаанда орог лэ!

Эзэкээл 23:12

Тэрэ мүн лэ Ассириин гоё һайхан түшэмэл ноёдой, һайхан хубсаһа үмдэһэн, мори унаһан сэрэгшэдэй хойноһоо гүйдэг, тэдээнтэй унтахаяа ехэ хүсэдэг бэлэй.

Эзэкээл 29:4

Би шинии үүдэндэ дэгээ хэжэ, шамайе уһанһаа гарган татахаб. Голойшни бүхы загаһад хайрһандаш няалдажа, шамтай хамта гараха.

Эзэкээл 38:15

хойто зүгһөө хүсэтэ морин сэрэгээ эльгээхэш.

Эзэкээл 38:3

Мээшэх болон Тубаал хан түрэнүүдэй зонхилогшо Гоог! Би, Эзэн Бурхан, урдаһаашни тулахаб!

Эзэкээл 39:2

Ондоо зүг шэг руу шамайе хотируулжа, холын хойто зүгһөө Израилиин хада ууланууд руу хүтэлэн абаашахаб.

Эзэкээл 39:20

Минии шэрээгэй саана тэдэ моридоор, тэдэниие унажа ябааша сэрэгшэдээр, бусадшье сэрэгшэдээр садатараа зооглохо. Энэ болбол Би, Эзэн Бурхан, айладхана мүн!

Даниил 11:40

Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Амоос 4:2

Эзэн Бурхан арюун сэбэр нэрээрээ тангариглаа: Үзөөрэйгты, ээлжээнтнай ерэхэ даа, таанарые дэгээгээр, үхи хүүгэдыетнай хахууляар татан шэрэн абаашаха!