1 Эзэн намда иигэжэ айладхаба:
Хамта тэдэ баруун зүгтэ пилиштүүдэй гүбээнүүдтэ добтолхо, зүүн зүгтэ ажаһуугшадые тонохо. Эдоом болон Моһааб руу гараа һунгаха, Аммооной зон тэдээнэй мэдэлдэ орохо.
Огторгойн сэрэг, газарай хаашуулые Эзэнэй хэһээхэ сагынь тэрэ үдэр!
Һүмымни Израильда оршодогые, Өөрын арад түмэн болгон Израилиин улад зониие шэлэн абаһыем дэлхэйн бүхы арадууд мэдэхэ».
– Хүнэй үри Эзэкээл! Магоог гэдэг газар дайдада оршогшо Мээшэх болон Тубаал хан түрэнүүдэй зонхилогшо Гоогые шүүмжэлэ. Тэрээндэ Минии иимэ үгэнүүдые дуулга:
– Хүнэй үри Эзэкээл! Гоогые шүүмжэлжэ, иигэжэ тэрээндэ дуулга: Мээшэх болон Тубаалай ноёншье һэн гэлэйш, харин Би, Эзэн, шинии урдаһаа тулахаб!
Тэрэ үдэр Би Иерусалимые шулуун шэнги бэхи бүхэ болгохоб. Тэрэниие дайлан абаха гэһэн хүнүүд хуу бэртэхэ. Дэлхэйн бүхы үндэһэтэн Иерусалимда эсэргүүсэн сугларха.
Зургаадахи Эльгээмэл өөрынгөө аяга соохиие асари ехэ Евфрат мүрэн руу адхаба. Тиихэдэнь тэрэ мүрэн хатажа, Зүүн зүгэй хаашуулай хуурай газараар ябаха харгы гаргагдашаба.
Тиигээд сатана арадуудые мэхэлхэеэ ошохо, дайн сэрэг үүдхэхын тула дэлхэйн бүхы дүрбэн зүгүүдээр ябаха, гоог, магоог гэжэ арадуудта ошохо. Далайн эрьеын элһэ хайр мэтэ үй түмэн хүнүүдые сатана гулидхан суглуулха.
