Эзэкээл 37:24 - Библи

^24-25 Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Эзэкээл 37:24 ပူးပေါင်းရင်းမြစ်များ

Псалманууд 80:1

[Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Асаапай зохёоһон.]

Һургаал 9:6

Мунхаг ябадалаа орхин амидарагты, оюун ухаанай замаар ябагты».

Экклезиаст 12:11

Мэргэдэй үгэ зүүндэ ба хадаһан хадааһанда адли хаха шуу ородог, тэдэниие бэшэгшэдынь нэгэл Адуулагшаһаа гаранхай.

Исай 32:1

Үнэн зүбөөр зонхилогшо хаан, шударга зүбөөр хэрэгүүдые шиидхэгшэ ударидагшад бии болохо.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 30:21

Ударидагшань – тэдэнэй нэгэн, захирагшань – өөһэд дундаһаань тодорхо. Минии тэдэниие урихада, тэдэ дүтэлэн ерэхэ. Урилгагүйгөөр Нам руу дүтэлхэеэ зүрхэсэхэ хэн байхаб даа?

Ерэмияа 30:9

Харин Намда, Өөрынгөө Эзэн Бурханда, мүн Минии хан шэрээдэ һуулгаһан Давидай уг удамда тэдэ алба хэжэ эхилхэл.

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 32:39

Ажамидарха сагтань ори ганса зорилго тэдээндэ заажа үгэхэб: өөһэдын болон уг удамайнгаа аша туһада тэдэ Намайе хүндэлэн байг лэ.

Ерэмияа 33:22

Огторгойн одо мүшэдые гү, али далайн эрьеын элһэ тооложо барахагүйдэл адли олон Давидай уг удамые, мүн левит санаартадые болгохоб.

Эзэкээл 20:40

Израилиин үндэр нангин Сион хада дээрэ Израилиин бүхы арад түмэн Намда мүргэдэг байха. Би таанадые Өөрын арад гэжэ абажа, асарһан бэлэгүүдыетнай, эдеэнэй дээжые, нангин үргэлнүүдыетнай абан хүлеэн байхаб.

Эзэкээл 21:27

Хото һандаргаахаар шэлэн абагшадаа Иерусалимые үгэхэб, иигэжэ хотые һандаргаахаб, һандаргаахаб, үгы хэхэб!

Эзэкээл 36:27

Өөрын һүнэһэ таанад руу оруулжа, таанадые Өөрын хуули, зарлигуудые сахигшад болгохоб.

Эзэкээл 37:22

Тэдэниие нэгэ яһатан болгон хамтадхаад, Израилиин хада ууланууд дээрэ ажаһуулгахаб. Ганса хаантай тэдэ байха, хоёр яһатан, хоёр хан түрэ боложо бэшэ таһархагүй.

Эзэкээл 45:7

Израилиин зонхилогшодо газар уһан мүн лэ үгтэхэ ёһотой. Нангин газар дээрэ оршогшо Хотоһоо баруулжаа болон зүүлжээ газарнууд тэрээндэ үгтэхэ. Нэгэ обогой зондо үгтэһэн газартал адли хэмжүүртэй газар хаанай болохо юм.

Һошээ 3:5

Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Лука 1:32

Тэрэшни агууехэ хүн болохо, Дээдэ Бурханай Хүбүүн гэжэ нэршэхэ. Эзэн Бурхан хүбүүешни үбгэ эсэгэ Давидтайнь адли хаан болгохо.

Иоанн 10:11

Би шударгуу һайн адуулагшаб, шударгуу һайн адуулагшань хонидоо абархын тула ами наһаяа үгэдэг.

Коринфынхидтэ 1-дэхи 11:2

Намайе ходо һанажа, дамжуулһан һургаалнуудыемни баримталжа байһанайтнай түлөө би таанадые магтанаб.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Хуули дабталга 6:1

Эзэмдэхэ зорилготойгоор ошожо ябаһан газартаа сахин байхыетнай Эзэн Бурхантнай таанадые иимэ захяа заабаринуудта, хуули, ёһо гуримуудта һургаха гэжэ намда захиһан байна.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Иоаннай 1-дэхи хандалга 2:6

Бурхантай нэгэн хамта байнаб гэгшэ Иисүүстэл адляар ажаһууха ёһотой.