7 Хонишод, таанад мүнөө Минии, Эзэнэй, айладхал шагнагты.
Иерусалим, удамаршад ба улад зонтнай Содом болон Гоморрын зондо адлил. Эзэнэй таанадта буулгаһан айладхал соносогты! Бурханайнгаа һургаал анхарагты!
ши тэдээндэ Минии, Эзэнэй, энэ орон нютагай бүхы ажаһуугшадые – хан шэрээдэ һуугша Давидай уг удамыень, санаартадые, лүндэншэдые, Иерусалимай бүхы улад зониие – һогтоторнь архяар дүүргэхэеэ байһан тухай дуулга.
Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.
Эзэн иигэжэ айладхана: – Янхан эхэнэр Иерусалим, Минии айладхал шагна!
Минии хонид бүхы дэлхэйгээр таран төөреэ. Хада уулаар, гүбээнүүдээр тэдэ төөрин ябаа, хэншье тэдэниие бэдэрээгүй.
Би, Эзэн Бурхан, Өөрөөрөө тангариглан тунхагланаб: Минии хонид харууһагүй орхигдожо, ан арьяатанай хүнэһэн болобо. Хонишод тэдэниием бэдэрээгүй, гансал өөһэд тушаа һанаагаа табяа.
Тиимэһээ Би, Эзэн Бурхан, таанадые хэһээхэб! Хонидоо таанадһаа холодуулхаб, адуулхыетнай дахин тэдэнээ үгэхэгүйб! Эдишэ болгон гаргахыетнай зүбшөөхэгүйб!
Таанад санаартад, энэ хадаа захяа заабари гээшэ, анхаран шагнагты.
