Эзэкээл 34:3 - Библи

³ Һү, тоһыень эдеэд, нооһоорнь хубсалаад байнат. Эгээл тарган хонидые гарганат! Харин хонин һүрэг тэжээхэ, хооллуулха тушаа һанаагаа табинагүйт.

Эзэкээл 34:3 ပူးပေါင်းရင်းမြစ်များ

4 Хаан түрэнүүд 21:16

Тэрээнһээ гадуур Мэнашшээ ямаршье гэм зэмэгүй олон хүнүүдые хюдажа, бүхы Иерусалимые улаан шуһаар бүрхөөбэ. Тэрэ Эзэндэ таарамжагүй юумэ хүүлэхэ гэжэ Иуда эсэгын хүнүүдые нүгэлтэ зам руу түлхибэ. Тиихэдэнь энэ зэбүүрхэмэ ааша тэрэнэй нүгэлдэ нэмэри боложо үгэбэ.

Һургаал 30:14

Зобоһон зониие дэлхэйһээ арилгахаар, ядуу хүнүүдые залгихаар бэлэн шүдэниинь илдэ шэнги, үргэниинь хутага шэнги хүнүүд байха.

Исай 1:10

Иерусалим, удамаршад ба улад зонтнай Содом болон Гоморрын зондо адлил. Эзэнэй таанадта буулгаһан айладхал соносогты! Бурханайнгаа һургаал анхарагты!

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Ерэмияа 2:30

Би таанадта хэһээлтэ амасуулааб, теэд таанад заһараагүйт. Лүндэншэдые таанар һэлмээр таһа сабшаат, арсалан мэтээр тэдэниие хюдабат.

Ерэмияа 22:17

Теэд ши гансал өөрынгөө аша туһа харанаш. Гэм зэмэгүй зониие аланаш, зониие харшалан, дарлан байнаш.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Эзэкээл 19:3

Тиигээд нэгэ гүлгэеэ агнаха эрдэмдэ һургаба. Тэрэнь хүниие барижа, эдижэ һураба.

Эзэкээл 19:6

Бусад арсалангуудтай хамта тэрэ агнажа ябадаг бэлэй. Олзо барижа, хүниие барин эдижэ тэрэ һураба.

Амоос 6:4

Заанай яһаар бүтээгдэһэн шэрээнүүд дээр хэбтэн һагад һуужа, зөөлэн үнжэгэн мяхатай хурьга, тарган, тобир тугал зооглон байнат.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Захарияа 11:16

Юуб гэхэдэ, энэ газарта би ондоо хонишониие табихамни. Тэрэ хадаа үхэжэ байһан хонин тухай һанаа зобохогүй, үгы болоһониие бэдэрхэгүй, үбшэнтэниие эмшэлхэгүй, элүүртэниие эдеэлүүлхэгүй һэн тула тарган хониной мяха эдижэ, гансал турууень үлөөхэ.

Захарияа 11:5

Адуулагшадынь эзэд ба мүнгэ олзо намнаашадта адли. Эзэдынь малаа алажархёод, хэһээлтэгүй үлэнэ. Хони худалдагшадынь «Эзэндэ магтаал соло дуудая! Би баяжааб» гэлсэнэ.