Эзэкээл 34:18 - Библи

¹⁸ Эгээл һайн тунга ногоондо бэлшэжэ байһан аад, заримашуултнай дашууржа, эдижэ бараагүй ногоогоо хүлөөрөө гэшхэн дэбһэн байна. Нүгөөдүүл сэбэр тунгалаг уһанһаа уужа байтараа хүлөөрөө уһа булангиртуулна.

Эзэкээл 34:18 ပူးပေါင်းရင်းမြစ်များ

Эхин 30:15

– Үбгыемни буляажа абаһаншни багадаа гү? – гэжэ Лэһаа харюусаба. – Мүнөө минии хүбүүнэй олоһон ургамал абахаяа һанаба гүш? – Хэрбэеэ та намда хүбүүнэйнгээ олоһон ургамал үгөө һаатнай, энэ һүни би танда Яковые үгэхэб, – гэжэ Рахээл хэлэбэ.

2 Хаан түрэнүүд 7:19

Энэшье Танда бага шэнгеэр һанагдаал, Эзэн Бурхамни! Өөрынгөө богоолой уг удамай ерээдүй тушаа үшөө айладхаат. Хүниие иигэжэ хүтэлнэлта, Эзэн Бурхамни!

Һургаал 25:26

Үнэн шударга хүнэй хуулигүй нүгэлтын урда һалаганан унаха гээшэ булагай уһанай булангиртаһантай, худагай бузарлагдаһантай адли.

Исай 32:6

Муу хүн удхагүй юумэ дуугардаг, муу юумэ хэхэеэ һанажа байдаг. Тэрэ үлэсхэлэн хооһон хүнһөө эдеэ хоол буляан абажа, ангаһан хүнһөө унда буляажа, Эзэниие доромжолон хэлэдэг, муу юумэ хэдэг.

Исай 7:13

Тиихэдэнь Исай иигэжэ хэлэбэ: – Давид хаанай үри һадаһад, одоо шагныта! Зоной тэсэбэри туршажа байхатнай таанадта багадаад, Бурханайшье тэсэбэри туршажа-шалгажа байхаяа һанаба гүт?!

Эзэкээл 16:20

Намда зорюулан түрэгшэ үхи хүүгэдээшье ши абажа, тэдэ онгонуудта үргэл болгон үргөөш! Өөрөө намда урбахашни багадаад,

Эзэкээл 16:47

Юрэдөө, ши тэдээнтэй адляар ажаһуугааш, тэдэнэй жэгшүүритэй үйлэ хэрэгүүдые һажаалдан хэдэг байгааш. Гэбэшье энэ шамда багадаад, ши тэдээнһээ үлүүгээр һальхайран, хэһэн хэрэг бүхэнөө тэдээнһээ бүри муухайгаар хэдэг болоош.

Эзэкээл 32:2

– Хүнэй үри Эзэкээл! Египедэй хаан фараон тушаа халаглан, Минии иимэ үгэнүүдые тэрээндэ дамжуула: Залуу арсаландал дэлхэй дээгүүр хаа-хаанагүй хэсэн ябанаш, теэд арсаланшье бэшэ, хүлөөрөө уһа булангиртуулжа байһан голой крокодил гээшэ аабзаш!

Эзэкээл 34:19

Харин үлөөшэ хонид таанадай гэшхэһэн ногоо, булангиртуулһан уһа ууха юм аал?!

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Тоололго 16:13

Эдеэ хоолоор элбэг дэлбэг газарһаа энэ сүл губида асаржа, бидэниие тураажа алахашни багадаад, маанадые зонхилхо гээбши?!

Тоололго 16:9

Таанадые Израилиин Бурхан Израилиин бүхы арад түмэнһөө шэлэжэ абаад, зондо алба хэжэ, хүнүүдэй урда зогсожо, Эзэнэй Нангин һүмэдэ албалхын түлөө шэлээл. Энэнь таанадта багадаа гү?!

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Лука 11:52

Хуули заадаг багшанар, таанад гашуудал үзэхэт! Таанад эрдэм ухаанай ордондо орохо үүдэнэй түлхюур абаһан аад, тэндэ өөһэдөөшье ороогүйт, орохо гэһэн хүнүүдтэшье һаалта хээт, – гэжэ зэмэлбэ.