Эзэкээл 34:13 - Библи

¹³ Хариин зоной дундаһаа тэдэниие суглуулан гаргахаб, түрэл орон нютаг Израиль руунь асаржа, хада уулаар, гол нюруугаар, һайн бэлшээринүүдээр адуулхаб.

Эзэкээл 34:13 ပူးပေါင်းရင်းမြစ်များ

Псалманууд 37:3

Юуб гэхэдэ, годлинуудтнай намайе нэбтэ харбаа, гартнай намайе доошоо дарана.

Исай 30:25

Дайсадые олоор алаһан, хэрэмүүдэйнь унаһан тэрэ агууехэ үдэр хада уула бүхэнһөө, гүбээ бүхэнһөө уһан урдаха.

Исай 49:9

Хаагдаатай байһан зондо «гарагты» гэжэ хэлэхэб, харанхы соо оршогшо хүнүүдтэ «наашаа үзэгдэгты» гэхэб. Харгын хажуугаар тэдэ бэлшээри олохо, гүбээнүүд бэлшэхэ газарынь болохо.

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 30:18

Эзэн айладхана: Яковай майхангуудые һайн һайханаар һэргээн бодхоохоб, гэр бүлэ бүхэниие хайрлахаб, Иерусалим дахин һэргэхэ, ордон урдынхидал адляар бодохо!

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 31:8

Үзөөрэйгты, Би тэдэниие хойто зүгтэхи нютагһаа суглуулхаб. Һохор ба дохолон зон, хээлитэй ба үхибүү түрэхэ гэжэ үбдэжэ байһан эхэнэрнүүд тэдэнэй дунда байха. Үй түмэн зон һөөргөө бусаха.

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Ерэмияа 33:12

Түмэн Сэрэгтэ Эзэн иигэжэ айладхана: – Энэ элһэн сүл губидал адли газарта бэлшээриин газарнууд, малшадай гэрнүүд бии болохо.

Ерэмияа 50:19

Израилиин улад зониие өөрынь газар уһанда бусаахаб. Кармээл уулада болон Башаан газарта ургаһан ургасые тэдэ эдихэ, Эпрааим болон Галаадай уулархаг нютагта ургадаг таряа талхаар тэдэ хооллохо.

Эзэкээл 11:17

Үшөө иигэжэ дуулгаарай: «Би, Эзэн Бурхан, таран сасааһан орон нютагуудһаа тэдэниие суглуулжа, Израилиин газар уһые үгэхэб».

Эзэкээл 20:41

Тараһан газарнуудһаатнай таанадые суглуулан асархадаа, Би үргэлэйтнай аятай үнэрые таашааһандал таанадые таашаан байхаб. Тиигэжэ бусад арадуудай нюдэн дээрэ таанадтай хэһэн үйлэ хэрэгээрээ Би нангин байдалаа элирхэйлхэб.

Эзэкээл 20:42

Үбгэ эсэгэнэртэтнай тангариглан найдуулһан Израилиин газар уһан руу таанадые оруулхадам Намайе Эзэн гээд таанад мэдэрхэт.

Эзэкээл 36:12

Израилиин арад түмэнөө Би гэртэнь һөөргэнь асархаб. Хада ууланууд, тэдэ зомни таанадые эзэлэн ажаһууха, таанад – Минии арадай угай газар гээшэт, хододоо баян ургаса үгэжэ, үхи хүүгэдые үдхэн байха эрхэ нүхэсэл тэдээндэ олгуулхат.

Эзэкээл 36:24

Арадуудай дундаһаа таанадые суглуулан, өөрынтнай газар руу асархаб.

Эзэкээл 36:29

Бузарлагша зүйлһөө таанадые аршалхаб, баян ургаса үршөөхэдэм, үлэсхэлэн байдал оройдоошье үзэхэгүйт.

Эзэкээл 36:30

Элбэг-дэлбэг үрэ жэмэс модод үгэг, баян ургаса таряалангууд хэшээг гэжэ Би үршөөхэб. Үлэн хооһон байһандаа арадуудта шоо үзүүлхэгүйт бэшэ.

Эзэкээл 38:8

Хэдэн жэлэй үнгэрөөд байхада һандарһан Израилиин газар дайда руу добтолон орохыетнай Би захирхаб. Удаан сагта тэрэ газар хооһон байгаа, харин мүнөө ажаһуугшадынь хариин оронһоо һөөргөө бусаа. Мүнөө Израилиин арад зон амгалан тайбан өөрын хада уулаар ажаһууна.

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Эзэкээл 39:27

Бусад арадуудай дундаһаа, дайсадуудай орон нютагуудһаа тэдэниие суглуулан асаржа байһыем дэлхэйн арадууд хаража, Минии нангин байһые ойлгохо.

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Михей 2:12

Би, Эзэн, Яковай уг удамые бултыень, амиды мэндэ үлөөшэ Израилиин улад зониие хамталан суглуулхаб гэжэ үгэеэ үгэнэб. Хонишон хонидоо хашаа руу оруулжа, суг болгодог. Тэрээндэл адли, Би арадаа хамтаруулхаб. Тиихэдэм тэдэ угаа олон болон шууяхал.

Михей 4:6

Эзэн иигэжэ айладхана: «Тэрэ үдэрэй болоходо, хэһээлтэ амасуулһан зониие – сүлэлгэдэ байгаашадые, эрэмдэг дохолон болоошодые – хамта суглуулхаб.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Цэпаанияа 3:13

Израилиин үлдөөсэ зон буруу хэрэг үйлэдэхэгүй, худал хэлэхэгүй, мэхэ гохо хэрэглэхэгүй. Тэдэ эдеэ хоолоо барин, амаран, аюулгүй амгалан амидарха.

Хуули дабталга 30:3

Эзэн таанадые хайрлажа, баряанһаа бусаажа, арадууд хоорондуур тарааһанаа һөөргэнь та бүгэдые суглуулан асарха, үршөөл хайраяа бэлэглэхэ.