Эзэкээл 33:8 - Библи

⁸ Муу хүниие үхэхэ гэжэ айладхахадам, тэрэ өөрын лэ нүгэлэй түлөө үхэхэ. Нүгэлтэ ябадалаа орхихо тухайнь тэрэниие һэргылээгүй гээшэ һаа, ши, Эзэкээл, үхэһэндэнь зэмэтэй болохош.

Эзэкээл 33:8 ပူးပေါင်းရင်းမြစ်များ

Эхин 2:17

Зүгөөр һайн муугай илгаае мэдэрүүлдэг модоной жэмэсэй ойронь хүрэжэ болохогүй. Тэрэниие оройдоо бү эди. Эдеэ һаа, тэрэл үдэртөө үхэхэш.

Эхин 3:4

– Үгы, үхэхэгүйт, – гэжэ могой эхэнэртэ хэлэбэ.

Һургаал 11:21

Хара һанаатан зайлашагүй хэһээлтэдэ орохо. Харин үнэн шударга хүнэй үрэ удамынь сүлөөлэгдэхэ.

Экклезиаст 8:13

Нүгэлтэ хүн өөдэлхэ гэжэ байгаагүй, Бурханиие тоодоггүй тэрэнэй үдэрнүүд һүүдэр мэтэ ходоржо, наранай ороходо һүнэдэг.

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Эзэкээл 18:18

Эсэгэнь хүниие угаа ехээр дарлажа, дээрмэшэлжэ, бүхы зондо муу юумэ хэжэ байһанайнгаа түлөө, юрэдөө, өөрынгөөл гэм зэмэй түлөө үхэхэ.

Эзэкээл 18:20

Хэн нэгэн нүгэл хэбэл, үхэхэ, харин хүүгэдынь эхэ, эсэгынгээ гэм зэмые амасахагүй, эхэ, эсэгэ хүүгэдэйнгээ түлөө хэһээгдэхэгүй. Һайн хүнэй һайн хэрэгынь өөртэнь туһалха, муу хүнэй муу хэрэгынь өөрыень тушаха.

Эзэкээл 18:4

Хүн бүхэнэй – эхэ, эсэгын, үхибүүнэйнь – ами наһан Минии мэдэлэй. Нүгэл үйлэдэгшэ хэн нэгэн өөрынгөөл хэһэнэй түлөө хосорхо.

Эзэкээл 3:18

Муу ябадалтай хэн нэгэниие «хосорхош!» гэжэ һэргылхэдэмни, ши тэрэниие муу муухай ябадалһаань болюулха гэжэ оролдон һэргылээгүй һаашни, тэрэ нүгэл шэбэлтэеэ зандаа үхэхэ. Гэбэшье тэрэнэй үхэлэй түлөө ши харюусахаш.

Эзэкээл 33:14

Муу хэрэг үйлэдэгшэдэ «үхэхэш» гэжэ айладхахадам, тэрэ нүгэл хэхэеэ болижо, һайн, үнэн юумэ үйлэдэжэ эхилбэ гэел даа.

Эзэкээл 33:6

Харин тэрэ харуулшан дайсанай дүтэлжэ байһые хараашье һаа, улад зониие һэргылэн бүреэгээр үлеэбэгүй гэел даа. Дайсанай ерэжэ, нүгэлтэй зонииень алахада, тэдэнэй хосорһондо харуулшан лэ зэмэтэй гээд Би тоолохоб.

Тоололго 27:3

– Бидэнэй эсэгэ сүл губида наһа бараа. Тэрэ өөрынгөө нүгэлэй түлөө нүгшөө юм. Тэрэ Коорахтай үгэеэ үгэлсэгшэдтэй ниилээгүй. Хүбүүдые үлөөгөөгүй.