Эзэкээл 33:3 - Библи

³ Дайсанай ерэжэ байһые обёорходоо, тэрэ бүреэгээр үлеэжэ, улад зониие һэргылхэ ёһотой.

Эзэкээл 33:3 ပူးပေါင်းရင်းမြစ်များ

Нэхэмьяа 4:18

Барилгашан бүхэн һэлмэ зүүгээд хүдэлбэ. Минии дэргэдэ бүреэгээр дохёо үгэгшэ байгаа.

Нэхэмьяа 4:20

Таанад эбэр бүреэгэй абяа хаанашье дуулахадаа, тэрэ абяан руу гүйжэ, манда суглархат. Манай Бурхан манай түлөө тэмсэлдэ зогсохо!

Исай 58:1

Эзэн иигэжэ айладхана: «Шадахысаа шангаар хашхарагты! Дуу хоолойтнай үхэр бүреэгэй дуундал шанга байг! Минии арад түмэн, Яковай зондо нүгэл тушаань дуулгагты!

Ерэмияа 4:5

Иудын улад зондо соносхогты, Иерусалимда дуулгагты, бүхы нютагуудаар бүреэ үлеэн, шангаар хашхаран, иигэжэ хэлэгты: «Сугларагты! Бүхэлэгдэһэн хотонууд руу гүйжэ хороёл!»

Ерэмияа 51:27

Добтолхо тухай тэмдэг үгэгты! Үндэһэ яһатадай бултадаа дуулахаар бүреэ үлеэгты! Вавилооной урдаһаа дайлалдахаар арадуудые зэһүүлэгты! Арараат, Миннии болон Ашхэнааз хаан түрэнүүдые тэрээндэ добтолхыень дуудагты! Байлдаае ударидаха жанжиниие томилогты! Үй түмэн таршаа шумуул мэтээр олон моридые бодхоогты!

Ерэмияа 6:1

Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Эзэкээл 3:19

Харин иимэ муу ябадалтаниие шинии һэргылхэдэ, тэрэ муу ябадалһаа эрьеэгүй һаа, өөрөөл нүгэл шэбэлтэй зандаа үхэхэ, ши ямаршье гэм зэмэгүйш!

Һошээ 8:1

Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Ёһээл 2:1

Сиондо бүреэгээ үлеэжэ, Минии нангин уулада түгшүүрил зарлагты. Эзэнэй үдэр ерэжэ байһан тула хамаг зон шэшэрэгты. Үнэхөөр тэрэ үдэр дүтэлөө.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Коринфынхидтэ 1-дэхи 14:8

Дохёо үгэдэг бүреэгэй тодо бэшэ абяануудые гаргадаг байбалнь, хэн тулалдаанда бэлдэхэ байгааб?