Эзэкээл 31:18 - Библи

¹⁸ Египедэй фараон! Эдээмэй сэсэрлигэй али модонтой ши алдар солоороо, һүр жабхалангаараа зэргэсэхэ аргатайбши? Иимэ ушар шамтай болон улад зонтойш тохёолдохо. Дэлхэйн зонһоо эгээл хүсэтэй, үндэр байхадаш шамайе тэрэ модонтой жэшэхээр бэлэй. Эдээмэй Минии сэсэрлигэй мододой үхэн хатадагтал ши мүн лэ үхэхэш, үхэлэй орон руу эльгээгдэхэш, Бурхан гэжэ мэдэхэгүй, мүн дайн дажарта алуулһан зоной дунда хэбтэхэш. Энэ болбол Би, Эзэн Бурхан, айладхана мүн!

Эзэкээл 31:18 ပူးပေါင်းရင်းမြစ်များ

2 Хаан түрэнүүд 1:20

Пилиштүүдэй басагадые баярлуулхагүйн, бэлгэеэ отолуулаагүй зоной үхидые хүхеэхэгүйн тула энээн тушаа Гаадта бү мэдүүлэгты, Ашхэлооной гудамжануудташье бү тунхаглагты.

2 Угай бэшэг 28:22

Гай гасаланта үе сагай тохёолдоодшье байхада Ахааз хаан Эзэнэй урда гэм зэмэ хэһээр зандаа байба.

Псалманууд 52:7

Израилиин абарал Сионһоо ерэхэнь болтогой! Арад зоноо баряанһаа Бурханай бусаахада, Яков баярлаха, Израиль баясаха!

Эзэкээл 28:10

Зон шамайе алаха, иигэжэ ши Намда шүтэдэггүй хүнүүдтэ алуулха болонош. Иигэжэ Би, Эзэн Бурхан, айладхаа мүн!

Эзэкээл 31:14

Уһаар оройдоошье дутангүй ургаашье хадаа ямаршье модон иимэ үндэр болохоёо, оройгоо үүлэд хүрэтэр үргэхэеэ бэшэ һанахагүй. Зоной нүгшэжэ, үхэлэй орон руу ошоһондол модон бүхэн мүн лэ һалаха юм.

Эзэкээл 31:16

Тэрэ модоной шууяа гарган унажа, Эдээмэй Минии тэрэниие үхэлэй орон руу шэглүүлхэдэ, дэлхэйн үндэһэ яһатад айн шэшэрэлдэхэ. Үхэлэй орондо оршогшо модод – Минии сэсэрлигэй болон Ливаанай эрхим модод тэрэ модоной унахада сэдьхэлээ ханаха, баясаха.

Эзэкээл 31:2

– Хүнэй үри Эзэкээл! Египедэй фараондо болон албатандань иигэжэ дуулга: шамдал адли хүсэ шадалтай хэншье байхагүй. Мүнөө нэгэ иимэ түүхэ шагна.

Эзэкээл 31:8

Минии сэсэрлиг соо ямаршье хуша модон тэрээнтэй зэргэсэхэгүй. Ямаршье нарһан тэрээндэл адли гэшүүһэгүй, ямаршье агар модон тэрээндэл адли мүшэргүй, юрэдөө, Минии сэсэрлигэй ямаршье модон гоё һайханаараа тэрээндэ хүрэхэгүй һэн.

Эзэкээл 31:9

Би тэрэниие олон һайхан мүшэрнүүдтэй болгооб, Эдээмэй Минии сэсэрлигэй бүхы модод тэрээндэ атаархадаг бэлэй.

Эзэкээл 32:10

Олон үндэһэ яһатад айжа эхилхэ. Шамайе диилэжэ, илалта туйлаһандаа һэлмээ үргэн ялагануулхадам, тэдэ арадуудай хаашуул угаа айжа, шэшэрэн һалганан байха.

Эзэкээл 32:19

Тэдээндэ иигэжэ дуулгаарай: «Бусадһаа үлүү һайхамби гэжэ һанаа гүт? Үхэхэдөө, доодо замбида ошоод, Бурхангүй зонтой хамта хэбтэхэт.

Эзэкээл 32:21

Эгээл ехэ баатарнууд болон танай тала барин дайлалдагша зон үхэлэй орон руу таанадые урин байна».

Матвей 13:19

Бурханай хаан түрэ тухай мэдээсэл шагнаад, юумэ ойлгоогүй хүнүүд – харгын хажууда сасагдаһан үрэһэндэ адли юм. Тэдээндэ шолмос ерээд, сэдьхэл зүрхэндэнь таригдаһые абаад арилдаг.

Коринфынхидтэ 1-дэхи 10:14

Тиимэһээ, инаг хайрата аха дүүнэрни, онгонуудта шүтэхэһөө зайсажа байгты.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:36

Танай богоол болохо би арсалан, баабгайн али алинииньшье алаһан байхаб. Тэрэ бэлгэеэ отолуулаагүй пилишт хүндэ амиды Бурханай сэрэгые доромжолһонойнь түлөө тэдээндэл адли юумэн болохо, – гэбэ.