Эзэкээл 30:4 - Библи

⁴ Египедтэ дайн дажар болохо, Эфиопидо гай тодхор ушарха. Египедэй зон, таанад алуулхат, эд баялигтнай тоногдон абтаха, гэр байратнай һандарха.

Эзэкээл 30:4 ပူးပေါင်းရင်းမြစ်များ

Исай 16:7

Тиимэһээ Моһаабай зон уйлалдаха. Киир-Харээсэдэй үзэмтэй һайхан лепёошхонуудые һанажа, зобон, уйлыт!

Исай 18:1

Ай даа, Эфиопиин голнуудай саада тээ далинуудай абяагаар дүүрэһэн орон нютагта гай тодхор болохонь!

Исай 19:2

Эзэн иигэжэ айладхана: «Египедэй зониие өөһэд өөһэдтэйнь мүргэлдүүлэн, урда урдаһаань тухирхаб. Тэдэ аха дүүгэйнгөө урдаһаа, хүршынгөө урдаһаа, хотонь хотын урдаһаа хаанта засаг барихын тула хоорондоо дайлалдаха.

Исай 20:3

Эзэн иигэжэ айладхал буулгаба: – Минии зараса Исайн гурбан жэлэй туршада салдаган, хүл нюсэгэн ябаһаниинь Египет болон Эфиопитой юун болохо байһанайнь дүлгэ тэмдэг юм.

Ерэмияа 46:9

Мориндоо мордожо гүйлгэлдэгты, дайшалхы тэргэнүүдээ түргөөр ябуулагты! Эфиопиһоо сэрэгшэд, Ливиһээ бамбай баригшад, Лүүдһээ һурша номоор харбагшад байлдаанда орог лэ!

Ерэмияа 50:15

Хотые тойрон дайнай оог хашхараа суряатуулагты! Вавилоон абтаа, тэрэнэй хананууд хамхаран унаа, бута сохигдоо. Би тэрээнһээ үһөөгөө абахам, таанадшье өөһэдтэтнай тэрэнэй хандаһанай хэмээр үһөөгөө абыт.

Эзэкээл 28:23

Таанад руу тахал үбшэ эльгээхэб, үйлсэнүүдээр шуһан гол урдахуулхаб. Бүхы зүгһөө таанадые хүреэлэн, таанадта добтолхо, тиигээд алуулхат. Тиихэдээ Намайе Эзэн гэжэ ойлгохот.

Эзэкээл 29:12

Дэлхэйн эгээл хооһон, эзэгүй газар тэрэ болохо. Египедэй хотонууд дүшэн жэлэй туршада һандаранхай хооһон хэбтэхэ. Арад зонииеш дэлхэй дээгүүр тараан сасахаб.

Эзэкээл 29:19

Харин мүнөө Би Египет орониие Вавилооной Навуходоносор хаанда үгэхэм. Тэрэ баялигынь тонон абажа, сэрэгтээ хүлһэн болгон үгэхэ.

Эзэкээл 29:8

Тиимэһээ Би, Эзэн Бурхан, шам руу добтолхыень сэрэг эльгээхэм. Тэдэ зониииеш, адуу малыеш үгы хэхэ.

Эзэкээл 38:5

Персиин, Эфиопиин болон Ливиин сэрэгшэд бамбай баринхай, дуулга үмдэнхэй юумэд танай сэрэгтэй нэгэдэн ябана.

Даниил 11:43

Нөөсэлэгдэһэн алта, мүнгэ, Египедэй бүхы баялиг гартаа абаха, Ливиин болон Эфиопиин зон хүл доронь мүлхин байха.

Цэпаанияа 2:12

Эзэн Эфиопиин арад зониие һэлмээр сабшан усадхаха.