Эзэкээл 30:18 - Библи

¹⁸ Танай хүсэ шадалые бууруулжа, омогорходог хүсыетнай һалгаахадам, Тахпанхээс хото дээрэ харанхы бууха. Баряанда туугдан ошоходотнай бүрэгэр хара үүлэн орон нютагыетнай бүрхөөхэ.

Эзэкээл 30:18 ပူးပေါင်းရင်းမြစ်များ

Египедһээ гаралга 10:15

Газарай нюруу огто харагдахаяа болибо. Таршаа шумуул дайдын бүхы ногоо, бүхы модо жэмэс эдижэ һалгааба. Египет орондо ногоо набша гэхэ юумэн үгы болобо.

Исай 10:27

Тэрэ сагай ерэхэдэ, тэрэнэй ашагша хүндэ ашаан мүр дээрэһээтнай унаха, хүзүүндэтнай үмдэхүүлһэн хөөмэгшэнь хухаран һалаха».

Исай 13:10

Хаб харанхы болохо, тэнгэриин одод гэрэлтэхэгүй, нараншье мандахаяа болихо, һарашье харагдахагүй.

Исай 14:11

Ятагай хүгжэмөөр дууряагдан, үхэлэй орон руу доошоо буулгагдаһан, хорхойнуудаар хүреэлэгдэһэн тухайнь тэдэ дуулана.

Исай 14:25

Минии газар дайда Израиль соо Ассириин зониие хюдан һалгаахаб, хада ууланууд дээрээ тэдэниие дэбһэн гэшхэхэб. Өөрынгөө улад зониие Ассириин хүндэ хөөмэгшэһөө сүлөөлхэб, мөөрһөөнь хүндэ ашаа абан буулгахаб!»

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 5:30

Тэрэ үдэр тэдэ олзо дээгүүрээ далай мэтэ хүрхирхэ. Энэ орон нютагые харабал, Хаб харанхы ба уй гашуудал тэндэ үзэхэш. Гэрэл унтаржа, шэб харанхы болохо.

Исай 9:19

Түмэн Сэрэгтэ Эзэнэй уур хилэн газар дэлхэйгээр хаа-хаанагүй бушаганаха, зониие шатаан һалгааха, хэншье хэнииешье хайрлахагүй.

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Ерэмияа 2:16

Мүн Ноот болон Тахпанхээсэй зон нэрыень хухалжа дэбһээ.

Ерэмияа 27:2

Хөөмэгшэ болон уялаануудые өөртөө хэжэ, хүзүүндээ үмдэхыемни Эзэн намда захирба.

Ерэмияа 28:10

Тиихэдэ Ханаанияа лүндэншэн минии хүзүүнһээ хөөмэгшэ шүүрэн абажа хаяад, бута сохибо.

Ерэмияа 28:13

– Ошожо, Ханаанияада иигэжэ дуулга «Ши модон хөөмэгшэ эбдэхэдээ бэрхэш, теэд Би тэрэниие түмэр хөөмэгшөөр һэлгэхэб гэжэ Эзэн айладхана.

Ерэмияа 30:8

Түмэн Сэрэгтэ Эзэн айладхана: Тэрэ дүтэлжэ байгаа үдэр Би тэдэнэй хүзүүн дээрэхи хөөмэгшые эбдэхэб, гэнжыень таһалхаб. Тиихэдэм тэдэ хариин зоной богоол болохоёо болихо.

Ерэмияа 44:1

Египедэй орон нютагта, Мигдоол, Тахпанхээс, Ноот болон Патроос хотонуудта ажаһуудаг иудей зон тушаа Эзэн намтай хөөрэлдөө бэлэй.

Ерэмияа 46:14

Египедэй хотонууд соо энээн тухай соносхогты – Мигдоол, Ноот, Тахпанхээстэ, бэеэ аршалхаяа зэһэгты, бүхы юумэншни һалгаагдахал.

Гашуудал 2:1

Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Эзэкээл 29:15

Хан түрэнүүдэй эгээл доройтонги байдалтайнь тэдэ байха, хэзээдэшье бусад арадуудые бэшэ зонхилхогүй. Би тэдэниие иимэ тулюур, хүсэгүй болгохоб.

Эзэкээл 30:23

Египедэй улад зониие бүхы дэлхэйгээр тараахаб.

Эзэкээл 30:3

Хилэнсэгтэ үдэр дүтэлөө, Эзэнэй хэһээлтэ амасуулха үдэр! Үндэһэ яһатадай хосорхо бүрэнхы саг дүтэлбэ.

Эзэкээл 31:18

Египедэй фараон! Эдээмэй сэсэрлигэй али модонтой ши алдар солоороо, һүр жабхалангаараа зэргэсэхэ аргатайбши? Иимэ ушар шамтай болон улад зонтойш тохёолдохо. Дэлхэйн зонһоо эгээл хүсэтэй, үндэр байхадаш шамайе тэрэ модонтой жэшэхээр бэлэй. Эдээмэй Минии сэсэрлигэй мододой үхэн хатадагтал ши мүн лэ үхэхэш, үхэлэй орон руу эльгээгдэхэш, Бурхан гэжэ мэдэхэгүй, мүн дайн дажарта алуулһан зоной дунда хэбтэхэш. Энэ болбол Би, Эзэн Бурхан, айладхана мүн!

Эзэкээл 32:7

Нара, һарын ялархаяа болиторынь огторгой болон мүшэдые халхалхаб.

Эзэкээл 34:27

Талын модод үрэ жэмэс үгэн байха, газар баян ургаса бэлэглэхэ. Би таанадые богоол байдалһаа сүлөөлжэ, өөрын газар дээрэ амгалан ажаһуухыетнай зүбшөөхэб. Тиихэдэм Намайе Эзэн гээд мэдэхэт.

Эзэкээл 38:9

Ши һалхи шуурган мэтэ сэрэгтэеэ хамта тэдээндэ добтолхош. Бар хара үүлэн мэтэ тэдэниие хүреэлхэш.

Ёһээл 3:15

Һара наран харанхыдажа, ододой гэрэл бүхэхэ.

Левит 26:13

Би Эзэнтнайб, таанадые богоол болоод, Египедэй газарта зобохогүйн түлөө хөөмэгшыетнай бута сохёоб, толгойетнай дээрэ үргүүлэн, таанадые дахуулжа, тэндэһээ гаргаа бэлэйб.

Матвей 24:29

– Тиигээд зоболонто тэдэ үдэрнүүдэй үнгэрһэн хойно гэнтэ наран балартаха, һарашье гэрэлтэхэеэ болихо, одо мүшэдшье тэнгэриһээ унаха, тэнгэриин хүсэнүүдшье тэнсүүриеэ алдаха.