Эзэкээл 30:13 - Библи

¹³ Эзэн Бурхан Египедэй зондо иигэжэ айладхана: – Ноодто байгша онгонуудые болон хүрэгүүдые үгы хэхэб. Египедые хүтэлбэрилэн зонхилхо хүн танай дунда бэшэ олдохогүй. Ииигэжэ таанад бултадаа угаа ехээр һүрдэн айхат.

Эзэкээл 30:13 ပူးပေါင်းရင်းမြစ်များ

Египедһээ гаралга 12:12

Харин Би тэрэ һүниндөө Египет орониие һэтэ гаража, тэндэхи хамаг зоной гэр бүлэдэ түрэһэн ехэ хүбүүдэйнь, малайнь түрүүшын эрэ түлнүүдэй ами таһалан нэрбэхэб. Египедэй бурхан шүтөөнгүүдые бүгэдые хэһээхэ Эзэн мүн гээшэб.

Ерэмияа 10:11

Таанад, улад зон, үндэһэ яһатанда иигэжэ хэлыт: «Огторгой болон газарые бүтээгээгүй бурхад үгы хэгдэжэ, хүрьһэтэ дэлхэй дээрэһээ халиха».

Ерэмияа 2:16

Мүн Ноот болон Тахпанхээсэй зон нэрыень хухалжа дэбһээ.

Ерэмияа 43:12

Египедэй бурхадай һүмэнүүдые Би гал дүлэндэ шатаахаб. Вавилооной хаан бурхадыень шатааха. Хонишодой бөөһэгүй сэбэр хубсаһа шэлэн үмдэдэгтэл, Вавилооной хаан Египедэй газар дайдые сэбэрлэн, шэлэжэ эдлээд, тэрэнээ илан орхихо.

Ерэмияа 43:13

Тэрэ Египедэй газар дайдадахи Бэт-Шээмэшэй шулуун хүшөөнүүдые хэмхэлхэ, Египедэй бурхадай һүмэнүүдые галдан шатааха.

Ерэмияа 44:1

Египедэй орон нютагта, Мигдоол, Тахпанхээс, Ноот болон Патроос хотонуудта ажаһуудаг иудей зон тушаа Эзэн намтай хөөрэлдөө бэлэй.

Ерэмияа 46:14

Египедэй хотонууд соо энээн тухай соносхогты – Мигдоол, Ноот, Тахпанхээстэ, бэеэ аршалхаяа зэһэгты, бүхы юумэншни һалгаагдахал.

Ерэмияа 46:19

Баряанда туугдан ошохоёо бэлдэгты, Египедэй улад зон. Ноот зэлүүд хооһон болохо, хэншье тэндэ амидархагүй.

Ерэмияа 46:25

Түмэн Сэрэгтэ Эзэн, Израилиин Бурхан, иигэжэ айладхана: – Би Тэбээсэй бурхан Аммоониие Египедэй бурхадтай, хаашуултай, фараонтой хамта хэһээхэеэ бэлдэжэ байнаб. Египедэй хаан, фараониие, тэрээндэ найдадаг бүхы зониие хэһээхэ һанаатайб.

Ерэмияа 46:5

«Юу харана гээшэбиб?» – гэжэ Эзэн асууна, – тэдэ ухаа мэдээ алдан һөөргөө эрьебэ, сэрэгшэдынь сохигдоод, һөөргөө харангүй тэрьедэнэ.

Эзэкээл 30:16

Египедые галдахаб, Сиин амяа табин шэшэрэн байха, Тэбээс хото һандарха, Ноодой зон дайсадһаа хододоо айжа байха.

Һошээ 9:6

Аюул боложо, арад зоной тэрьедэн гүйхэдэ, Египедэй зон тэдэниие суглуулаад, Мээмпис хүдөөлүүлхэ! Үнэтэ мүнгэн хэрэгсэлнүүдынь болон гэрнүүдынь адаалхай һөөгүүдээр дүүрэн ургашанхай, хаясаанай болоод байха.

Цэпаанияа 2:11

Эзэн тэдээндэ угаа аймшагтай болохо. Юуб гэхэдэ, Тэрэ дэлхэйн бурхадые ямаршье хүндэгүй бологохо, арад бүхэн байдаг газарһаа Тэрээндэ зальбаран мүргэдэг болохо.

Захарияа 10:11

Бурханай тэдэниие Египедһээ гаргаһан сагтал адли, үндэр уһан хана урдань хажуу тээшээ эбхэрэн зайлажа, зоболонгой далай гаталһан сагай үедэ шэнги Ассириин бардамыень номгоруулан, Египедэй шадал хүсэ буурааха.

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.