Эзэкээл 3:20 - Библи

²⁰ Үнэн зүб хэрэгүүдые эрхилдэг хэн нэгэн гэм хэжэ, Минии тэрэниие хэһээхэдэм, хосорхо, урид үйлэдэһэн һайн хэрэгүүдыньшье хараада абтахагүй. Ши тэрэниие һэргылээгүй һаа, тэрэ үйлэдэһэн нүгэлэйнгөө түлөө үхэхэ, тиин үхэлэйнь түлөө шишье зэмэтэй болохош.

Эзэкээл 3:20 ပူးပေါင်းရင်းမြစ်များ

2 Угай бэшэг 24:2

Ёядаа санаартанай амиды мэндэ байгаа сагта Ёһааш Эзэндэ таарамжатай хэрэгүүдые бүтээжэ ябаа.

2 Угай бэшэг 25:15

Эзэн Амацияада уурлажа, лүндэншые эльгээбэ. – Танай добтолходо өөрын арадые абараагүй хариин бурхадта юундэ мүргэнэбта? – гэжэ лүндэншэ Амацияада хэлэбэ.

Псалманууд 125:5

Нёлбоһо урасхуулан үрэ таряашад баяртай ургаса хуряаха юм.

Псалманууд 36:3

Эзэндэ этигэжэ, һайе үйлэдэ, газар дээр оршин һуужа, үнэн зүбые сахин байгаарай.

Һургаал 25:12

Зэмэлэлгын мэргэн үгэ гээшэ шэхээ табин соносогшодо алтан һиихэ ба шэжэр алтан зүүдхэл мэтэ.

Исай 64:6

Бидэ бултадаа бузартай зүйлнүүдтэ адли болообди, бидэнэй һайн хэрэгүүд муухай болоһон хубсаһандал адли. Набша мэтэ хатажа байнабди, гэмтэ хэрэгүүднай һалхин мэтэ маанадые тууна.

Исай 8:14

Би зониие арюудханаб, Иудын, Израилиин хан түрэнүүдтэ бүдэрдэг шулуун, торожо унадаг шулуун мэтэ байхаб. Иерусалимай улад зониие бариха урьха занга мэтэб.

Ерэмияа 34:16

Теэд дахин таанад ондоо болон, Намайе доромжолбот. Һанаһан тээшэнь табиһан богоолнуудаа таанад дахин һөөргэнь бусаабат, дахин богоолнууд болгобот.

Ерэмияа 6:21

«Тиимэһээ Би энэ арадта ехэ бэрхэшээлнүүдые эльгээхэб. Бэрхэшээлнүүд шулуун мэтэ зониие бүдэрүүлхэ. Эсэгэнэр үхи хүүгэдтэеэ хамта, хүршэнэр нүхэдтэеэ хамта унажа, үхэхэ!» – гэжэ тунхаглаба.

Эзэкээл 14:3

– Хүнэй үри Эзэкээл! Эдэ зон зүрхэ сэдьхэлээ онгонуудта зорюулжа, гэмтэ зам шэлэнхэй. Тиигээд мүнөө болоходо тэдээндэ зүбшэл үгэхэ гэжэ Намайе һанана гү?

Эзэкээл 18:24

Үнэн зүбые үйлэдэдэг хүн үнэн зүбһөө буруу хаража, муу зоной хэдэг жэгшүүритэй муухай хэрэгүүдые хэжэ эхилээ гээшэ һаа, амиды мэндэ байха гү? Үгы! Бүхы үнэн зүб хэрэгүүдынь мартагдаха, урбаһанайнгаа, нүгэл хэһэнэйнгээ түлөө тэрэ хосорхо.

Эзэкээл 18:26

Һайн хүн һайе үйлэдэхэеэ болижо, мууе хэжэ эхилээ һаа, өөрынгөө гэм зэмэй түлөө хосорхо.

Эзэкээл 3:18

Муу ябадалтай хэн нэгэниие «хосорхош!» гэжэ һэргылхэдэмни, ши тэрэниие муу муухай ябадалһаань болюулха гэжэ оролдон һэргылээгүй һаашни, тэрэ нүгэл шэбэлтэеэ зандаа үхэхэ. Гэбэшье тэрэнэй үхэлэй түлөө ши харюусахаш.

Эзэкээл 33:18

Һайн хүн муу юумэ хэжэ эхилээ һаа, тэрэнэйнгээ түлөө хосорхо.

Эзэкээл 33:6

Харин тэрэ харуулшан дайсанай дүтэлжэ байһые хараашье һаа, улад зониие һэргылэн бүреэгээр үлеэбэгүй гэел даа. Дайсанай ерэжэ, нүгэлтэй зонииень алахада, тэдэнэй хосорһондо харуулшан лэ зэмэтэй гээд Би тоолохоб.

Эзэкээл 7:19

Алта, мүнгэеэ тэдэ бог шорой мэтээр газаа хаяха, юуб гэхэдэ, Эзэн Бурханай хилэнсэгтэ үдэр алта, мүнгэниинь тэдэниие абархагүй. Баялигаар тэдэ хүсэлөө бэелүүлжэ шадахагүй, гэдэһээ садхааха бэшэ, алта, мүнгэнһөө боложо тэдэ нүгэл үйлэдөө бшуу.

Даниил 9:18

Бурхамнай, шагныт, Танай нэрээр нэрлэгдэһэн хотын хэр хооһороод байһые харыт! Бидэ Танда гуйжа хандахадаа өөрын үнэн зүб байһанда түшэглэнэ бэшэбди, харин Танай агууехэ энэрэл хайрада найданабди!

Левит 19:17

Аха дүүнэртэеэ эбээ бү таһарагты. Дүтынгөө хүнэй үйлэ хэрэгые зүб мүрөөр шиидхэгты, тэрэнэй түлөө нүгэл даажа абахагүйт.

Цэпаанияа 1:6

Намһаа буруу харагшадые, Намайе бэдэрээгүй, һурагшалан Нам руу ерээгүй зониие усадхахаб.

Матвей 18:15

Хэрбээ һүзэглэгшэ аха дүүнэрэйшни нэгэн шамда харша нүгэлтэ юумэ хээ һаань, тэрээндээ ошожо, гансаарандань буруу байһыень заажа үгэ. Хэрбээ тэрэ хэлэһыешни дуулабал, ши һүзэглэгшэ аха дүүгээ һөөргэнь бусаабаш.

Лука 2:34

Симеон тэдэ хоёрые адислаад, Иисүүсэй эхэ Марияда хэлэбэ: – Израильда олониие унагаажа һүнөөхын, мүн олониие һэргээжэ абархын тула Бурхан энэ Хүбүүниие шэлэжэ абаа. Энэ Хүбүүн һэргылһэн һүлдэ тэмдэг болохо. Олон зон Энээниие буруушаажа,

Лука 8:15

Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Римэйхиндэ 11:9

«Эдеэнэй шэрээнь тэдэндэ занга, урьха болог, бүдэржэ унагааг, хэһээлтэдэ оруулаг!

Коринфынхидтэ 1-дэхи 1:23

Харин бидэ саазалуулагдаһан Христоос тухай, еврейнүүдэй дурые гутаадаг, бусад арадуудта, ямаршье удхагүй байдаг мэдээсэлые номнонобди.

Хуули дабталга 13:3

Тэрэ лүндэншые гү, али зүүдэндээ юумэ харадаг хүниие бү шагнагты; юуб гэхэдэ, Эзэн Бурхантнай Намда бүхы зүрхэ сэдьхэлһээ дуратай гээшэ гүт гэжэ мэдэхын тула таанадые туршажа байна гээшэл.

Еврейнүүдтэ 10:38

Үнэн сэдьхэлтэн этигэл һүзэгэйнгөөл ашаар амидарха, хэрбээ хэн нэгэнэй таталзабалнь, Би тэрэниие һайшаахагүйб.

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.

Пётрой 1-дэхи хандалга 2:8

хүнүүдэй бүдэрдэг шулуун, хүнүүдэй торожо унадаг шулуун болоо. Һайн Мэдээсэлдэ этигэдэггүйл хадаа тэдэнэр бүдэржэ байна. Тэдэнэр тиимэ табилантай.

Иоаннай 1-дэхи хандалга 2:19

Христоосой дайсад маниие орхёод ябаа һэн, тэдэниие манай хүнүүд байгаа гэхын аргагүй. Хэрбээ манай хүнүүд байгаа һаа, тэдэнэр бидэнтэй суг үлэхэ һэн. Теэд бидэниие орхёод ошоһон ушарынь тодоруулбал, тэдэ манай хүнүүд бэшэ һэн.