Эзэкээл 3:17 - Библи

¹⁷ – Хүнэй үри Эзэкээл! Би шамайе Израилиин арад зониие харууһалха хүн болгон табибаб. Минии һэргылэлтэнүүдые ши тэдээндэ дамжуулжа байхаш.

Эзэкээл 3:17 ပူးပေါင်းရင်းမြစ်များ

2 Угай бэшэг 19:10

Шуһа урдахуулһан гү, хуули еһын, захяа гуримай, дүримэй, ёһо заншалнуудай гү – элдэб арсалдаата хэрэгүүд арад зонһоомнай орожо байха. Зүбөөр шиидхэжэ байгты, Эзэнэй урда нүгэлтэй тэдэниие бү болгогты. Уур хилэнгынь таанадта, мүн арад зондотнай бү хүрэг. Иигэжэ үйлэ ябуулбал, нүгэл абахагүйт.

Дуунай дуун 3:3

Һүниин харуултай уулзаад, би «Сэдьхэлэйм амарагые хараа гүт?» гээб.

Дуунай дуун 5:7

Хотын гудамжаар эрьен ябадаг һүниин харуулшад намтай дайралдаад, хүхэржэ нязартар намайе сохёод, хубсаһымни тоножо абаа.

Исай 21:6

Эзэн намда иигэжэ айладхаба: «Яба, харуул таби, хараһанаа мэдээсэжэ байг!

Исай 21:8

Манааша хашхарба: «Өө, Эзэн! Би бүхэлиин үдэр харуулай самхаг дээрэ зогсоноб, һүни бүри манаанда үлэжэ мананаб.

Исай 52:8

Хотын харуулай дуу хоолой дуулдана! Тэдэ хамта баяртайгаар хашхарба. Тэдэ Эзэнэй Сион руу дахин бусажа ерэһые өөһэдынгөө нюдөөр хаража байна бшуу.

Исай 56:10

Тэрэ иигэжэ айладхана: Арад зониием һэргылхэ үүргэтэй ударидагшадынь һохор! Юушье мэдэнэгүй! Тэдэ бултадаа хусажа шададаггүй, гансал унтадаг, һанаандаа гоёор зураглан хэбтэдэг нохойнуудта адли!

Исай 58:1

Эзэн иигэжэ айладхана: «Шадахысаа шангаар хашхарагты! Дуу хоолойтнай үхэр бүреэгэй дуундал шанга байг! Минии арад түмэн, Яковай зондо нүгэл тушаань дуулгагты!

Исай 62:6

Иерусалим, шинии хананууд дээрэ Би харуулшадые табибаб. Тэдэ үдэр, һүнигүй зальбарал уншажа, дуугаа хуряахагүй. Тэдэ Эзэндэ найдуулганууд тушаань һануулдаг байха, хэзээдэшье дуугаа таһалдуулхагүй.

Ерэмияа 1:7

Теэд Эзэн намда: – Үшөө залууб гэжэ бү хэлэ. Хайшаашье шамайе эльгээбэлни, ошохош. Захирһан бүхы юумыемни хэлэхэш.

Ерэмияа 31:6

Зүб даа, Эпрааимай гүбээнүүд дээрэ харуулшадай «Бодогты, Сион өөдэ Эзэн руу, өөһэдынгөө Бурхан руу, ошоё» гээд дуудаха саг дүтэлөө.

Ерэмияа 6:10

Би: «Хэндэ хэлэхэбиб, хэндэ заабарилхабиб, хэн намайе дуулахаб? Тэдэ үсэд, Танай захяа дуулахаяа арсана. Айладхаһан үгэнүүдыетнай дүүргэнэгүй.

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Эзэкээл 11:25

Эзэнэй намда харуулһые, айладхаһые би сүлэлгэдэ байгааша зондо дууһан хөөрэжэ үгөө бэлэйб.

Эзэкээл 11:4

Энээнэйнь түлөө ши, хүнэй үри Эзэкээл, тэдэниие гэмнэн, лүндэн таби!

Эзэкээл 2:7

Дуулаа, үгышье һаань, Минии үгэнүүдые тэдээндэ дамжуула. Зүрилдөөтэй зон гээд бү мартаарай.

Аввакуум 2:1

Би манаанай үндэр самхаг руу абиран гаража, Эзэнэй намда харюусахые хүлеэн, гомдолоо юун гэжэ ойлгуулхаяа бодон зогсобоб.

Хаггай 1:13

Эзэнэй мэдээсэгшэ Хаггай айладхалынь арад түмэндэ дамжуулба: «Би таанадтай байхаб, энэ Минии найдуулга мүн гэжэ Эзэн айладхана!»

Матвей 3:7

Уһанда арюудхуулхаяа олон фарисейнүүдэй, саддукейнэрэй ерэжэ ябахые хараад, Иоанн тэдээндэ иигэжэ хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Коринфынхидтэ 1-дэхи 4:14

Эшээхэ улайлгаха зорилготойгоор энээниие таанадта бэшэнэ бэшэб, харин инаг хайрата үхибүүдээ һургаһандал адляар таанадта ухаа заанаб.

Коринфынхидтэ 2-дохи 5:11

Эзэнһээ айн һүрдэхэнь ямар удхатайб гэжэ мэдэжэ байгаад, бидэ бусад зониие Тэрээндэ хандахаар идхаха гэжэ оролдонобди. Бурхан бидэниие бүрин мэдэхэ, тиин таанадшье бидэниие ямархан хүнүүд байһыемнай һайн мэдэнэт гэһэн найдалтай байнаб.

Коринфынхидтэ 2-дохи 5:20

Бидэ Христоосой бүрин эрхэтэ түлөөлэгшэд мүн, тиин Бурхан бидэнэрээр дамжан таанадта хандана. Бурхантай эбээ нэгэдхэгты гэжэ бидэ Христоосой нэрээр таанадые гуйнабди.

Колоссынхидтэ 1:28

Тиимэһээ бидэ Христоосые хүн бүхэндэ номнонобди. Иисүүс Христоостой нэгэдэһэн хүн бүхэниие Бурханай урда байлгахын тула бидэ бүхы ухаан бодолоороо тэдэниие һурганабди, идханабди.

Фессалоникиинхидтэ 1-дэхи 5:14

Аха дүүнэрни, залхуу хүнүүдтэ ухаан заагты, зориггүй хүнүүдые урмашуулжа байгты, һулахан хүнүүдтэ дэмжэлгэ үзүүлэгты, хүн бүхэндэ ехэ тэсэбэритэй хандажа байгты гэжэ бидэ баһа гуйнабди.

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.