Эзэкээл 28:26 - Библи

²⁶ Тэдэ амар амгалан ажамидарха, гэр байрануудые бариха, үзэм модоной сэсэрлиг ургуулха. Израилиин арад зониие үзэн ядадаг хүршэ арадуудые Би шүүжэ, хэһээлтэ амасуулхаб. Тиихэдэм Израилиин Эзэн Бурхан байһыем бүгэдэ зон ойлгохо.

Эзэкээл 28:26 ပူးပေါင်းရင်းမြစ်များ

3 Хаан түрэнүүд 4:25

Даанһаа Бэһээр-Шээбэ хүрэтэр нэмжыдэг газар дайдатай Иудын болон Израилиин зон Соломооной амиды байгаа сагта ажана амгалан, өөрын үзэмэй модоной һөөгүүд, инжир модод дороо ажаһуугаа.

Псалманууд 149:9

бэшэгдэһэн шүүхын шиидхэбэриие тэдэнэй талаар гүйсэдхэхын тула. Энэ хадаа Тэрээндэ үнэн сэхэ зондо хүндэтхэл мүн. Эзэниие магтагты!

Египедһээ гаралга 29:46

Тэдэнэй дунда оршохын тула Минии, Эзэн Бурханайнь, Египедһээ тэдэниие гаргаһые тэдэ һанадаг байха. Би хадаа тэдэнэй Эзэн Бурхан мүн!

Һургаал 14:26

Эзэнһээ бэшэрэл найдамтай хамгаалал, шинии ба үри хүүгэдэйш хорохо газар болодог.

Исай 17:14

Манай газар дайда хооһоруулагша дайсад үдэшэ алалсаа-хюдалсаа үүдхэнэ, харин үглөө болоходо, үгы болошоно. Тэдэ иимэл хубитай юм.

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Ерэмияа 12:14

Эзэн иигэжэ айладхана: – Минии арад түмэн болохо Израильда заяаһан газар орондом добтологшо хүршэнэр тухайнь: хараарайгты, ургамал үндэһөөрнь таһа татажа гаргаһандал, Би тэдэниие газар нютагһаань гаргахаб, Иудын хан түрые тэдээнһээ абархаб.

Ерэмияа 29:28

Тэрэ Вавилоон руу, зондо «Баряанда байхатнай удаан үргэлжэлхэ. Гэрнүүдые барижа, тэндээ ажаһуугты, сэсэрлиг тарижа, үрэ жэмэсээрнь хооллогты» – гэжэ хэлээ.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 32:15

Энэ газар дайдада гэр байшангууд, таряалангууд, үзэмэй модоной сэсэрлигүүд дахин худалдан абтадаг болохо гэжэ Түмэн Сэрэгтэ Эзэн тунхаглана».

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Ерэмияа 32:43

Амиды юумэгүй сүл губи мэтэ энэ газар болохо, Вавилооной һабарта орохо гээд зон хэлсэнэ. Гэбэшье энэ газар дайда дахин худалдагдан абтаха юм.

Ерэмияа 33:16

Тэрэ сагта Иудын хан түрын улад зон абарагдаха, Иерусалимай зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Гашуудал 1:8

Иерусалим ехэ нүгэл хээ, тиимэһээ бузартай болоо. Тэрээндэ соло үргэн байгаашад мүнөө шоо үзэн хаража байна. Өөрөө тэрэ уйлажа, буруу хараад байна.

Эзэкээл 28:22

Зондонь Минии иимэ үгэнүүдые дуулга: Би, Эзэн Бурхан, танай дайсамби! Таанадтай үйлэдэһэн хэрэгэйнгээ ашаар Би алдар солоёо элирхэйлхэб.

Эзэкээл 28:24

Израильда дээрэлхүүгээр хандадаг байһан хажуугаархи үндэһэ яһатадынь саашадаа хадхуур, үүргэнэ мэтэ байхаяа болихо. Тиихэдэ Израилиин зон Намайе Эзэн Бурхан гээд мэдэдэг болохо.

Эзэкээл 34:14

Тунга ногоон бэлшээридэ Израилиин хада уулаар тэдэ бэлшэхэ, аюулгүй амгалан тиирэхэ.

Эзэкээл 34:31

Таанад хонидни, Би танай Бурхамби, таанад тушаа хододоо һанаагаа зобоноб.

Эзэкээл 36:9

Би таанад тушаа һанаагаа табихаб. Тиихэдэм газартнай хахалагдажа, ургаса таригдаха.

Эзэкээл 38:11

Хашалан зоболонгүй, һанаа амар, хотоёо хэрэм ханаар халхалангүй, ямаршье суургагүй, үүдэ, ханагүй ажаһуужа байгааша орон нютагта добтолон орохоёо ши түсэблэхэш.

Эзэкээл 38:8

Хэдэн жэлэй үнгэрөөд байхада һандарһан Израилиин газар дайда руу добтолон орохыетнай Би захирхаб. Удаан сагта тэрэ газар хооһон байгаа, харин мүнөө ажаһуугшадынь хариин оронһоо һөөргөө бусаа. Мүнөө Израилиин арад зон амгалан тайбан өөрын хада уулаар ажаһууна.

Эзэкээл 39:10

Модо отолжо, түлеэ суглуулжа байхын орондо тэдэ энэ зэбсэгүүдые шатааха. Дээрмэдэгшэдээ дээрмэдэхэ, тоногшодоо тэдэ тонохо. Энэ болбол Би, Эзэн Бурхан, айладхана мүн!

Һошээ 11:11

Тэдэ шубуудтал адли хөөрсэгэнэн-шэшэрэн, Египедһээ, тагтаануудтал Ассириин газарһаа бусаха. Тиихэдэнь Би тэдэниие гэр руунь оруулан һуурижуулхаб. Энэ болбол Би, Эзэн, айладхана мүн!

Һошээ 2:15

Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал.

Һошээ 2:18

Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Захарияа 1:15

Амар тайбан һууһан арадуудта Би маша ехээр уурлажа байнаб. Сухалаа номгоруулхадам, тэдэнэй хоро шараниинь бусална.

Хуули дабталга 12:10

Харин Иорданиие гаталаад, Эзэн Бурханайтнай эзэлхыетнай үгэжэ байһан газар дайдада түбхинэхэдөө, тойроод байһан дайсадһаатнай Тэрэнэй амаруулхада, амгалан тайбан, аюулгүй ажаһуужа эхилхэдээ,