Эзэкээл 28:23 - Библи

²³ Таанад руу тахал үбшэ эльгээхэб, үйлсэнүүдээр шуһан гол урдахуулхаб. Бүхы зүгһөө таанадые хүреэлэн, таанадта добтолхо, тиигээд алуулхат. Тиихэдээ Намайе Эзэн гэжэ ойлгохот.

Эзэкээл 28:23 ပူးပေါင်းရင်းမြစ်များ

Ерэмияа 15:2

Тэдэнэй шамһаа: «Бидэ хайшаа ябаха болонобибди?» – гэжэ асуухадань, Минии иигэжэ айладхажа байһые тэдээндэ дуулга: Үхэхэнь үхэл тээшээ – дайн дажарта үхэхэнь дайн дажар руу, туража үхэхэнь үлэсхэлэн хооһон руу, баряанда абтахань баряан руу ябаг!

Ерэмияа 51:52

Тиимэһээ Вавилооной шүтөөнүүдые Минии шиидхэхэ саг ерэжэ байна. Шархатаһан зон бүхы орон нютагаар ёололдон байха.

Эзэкээл 21:14

Хүнэй хүбүүн Эзэкээл, ши арад зониием һэргылэ. Илаһандам альгаа ташагты гээд хэлэ. Алуурта һэлмэмни дахин-дахин сабшаха, энэ хадаа тэдэниие хүреэлһэн, агууехэ алалсаанай һэлмэ мүн!

Эзэкээл 21:16

Минии һэлмэ! Эриингээ эрьеһэн зүг бүхэн руу – барууншье, зүүншье талаар, сабшан бай!

Эзэкээл 25:11

Иигэжэ Моһаабые хэһээхэдэм, Намайе Эзэн гээд зон мэдэдэг болохо.

Эзэкээл 25:17

Угаа ехээр тэдэниие хэһээжэ, дүүрэн хэмжээгээр үһөөгөө абахаб. Иигэжэ шанга уур сухал дундаа хэһээхэдэм, тэдэ Намайе Эзэн гээд мэдэдэг болохо.

Эзэкээл 25:7

Тиимэһээ Би таанадые үндэһэ яһатадта олзо болгон үгэхэб. Дууһан таанадые усадхахаб. Тиихэдэм таанад дахин арад гэжэ тоологдохо мүртэй зонгүй байхат. Тиигээд Минии, Эзэнэй, эдэ бүгэдые үйлэдэһые ойлгохот.

Эзэкээл 26:6

Далайн эрьеэр оршогшо һууринуудайнь ажаһуугшад һэлмээр усадхагдаха. Тиихэдэнь тэдэ Намайе Эзэн гээд мэдэдэг болохо.

Эзэкээл 30:4

Египедтэ дайн дажар болохо, Эфиопидо гай тодхор ушарха. Египедэй зон, таанад алуулхат, эд баялигтнай тоногдон абтаха, гэр байратнай һандарха.

Эзэкээл 32:30

Хойто зүгэй зонхилогшодой, мүн Сидоонойшье зоной хүүрнүүд бултадаа тэндэ юм. Хэзээ нэгэтэ шадалтай ехэ сэрэгынь дайсадаа угаа һүрдөөгшэ бэлэй. Мүнөө тэдэ үхэлэй орондо хүдөөлүүлэгдэн, дайн дажарта унаһан бусад сэрэгшэдтэл адли нэрээ хухаранхай юм.

Эзэкээл 38:22

Үбшэ тахал, үхэл хатал эльгээн, шамайе хэһээхэб. Бороо хура, мүндэр, хүхэр шам дээрэ болон сэрэг дээрэш адхарха.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Эзэкээл 5:17

Үхи хүүгэдыетнай үгы хэхыень Би үлэсхэлэн хооһон байдал, ан арьяатаниие таанад руу эльгээхэб. Таанадые хосороохын тула үбшэ хабша, дайн дажар эльгэхэб. Энэ болбол Би, Эзэн, тунхаглана мүн!