Эзэкээл 28:22 - Библи

²² Зондонь Минии иимэ үгэнүүдые дуулга: Би, Эзэн Бурхан, танай дайсамби! Таанадтай үйлэдэһэн хэрэгэйнгээ ашаар Би алдар солоёо элирхэйлхэб.

Эзэкээл 28:22 ပူးပေါင်းရင်းမြစ်များ

Псалманууд 9:16

Үндэһэтэнүүд өөһэдын малтаһан нүхэндэ унаа, өөһэдын нюуһан торон зангада хүлөөрөө орошоо.

Египедһээ гаралга 14:17

Уланхатаһан египет сэрэгэй хойноһоотнай хушууран орохые баадхаһан үйлэ хэхэб – одоол тэндэ фараоной сэрэг суур, тэдэнэй дайшалхы тэргэнүүд болон морин сэрэгые һүнөөжэ, илалта туйлахалби!

Египедһээ гаралга 14:18

Фараониие дайшалхы тэргэнүүдтэйнь, морин сэрэгтэйнь хамта түгэс дарахадамни, Эзэн хэн гээшэб гэжэ египет угсаатан одоол ойлгохо!

Египедһээ гаралга 14:4

Үсэдтөө диилдэжэ, хойноһоотнай мүрдэн намнаха гэжэ Минии һанаһан үйлөөр тэрэ болохо, одоол тиихэдэ фараониие сэрэгтэйнь даража, түгэс илалта туйлаха ёһотойб! Эзэнэй ёһото хэн байһые Египедэй зон мэдэжэ абаг! Эзэнэй зарлигаарнь лэ Израиль угсаатан бүтээбэ.

Египедһээ гаралга 15:21

Мириам мэдэлшэ дуугаа дуулаба: – Эзэндэ магтаал дуулаял! Һүр жабхаланта хүсэеэ Тэрэ харуулба! Сэрэгшые моритойнь далай руу шэдэбэ!

Египедһээ гаралга 9:16

Гэбэшье Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе амиды үлөөнэб.

Исай 23:4

Сидоон, эшхэбтэр бузар байдалда ороош! Далай ба тэнгисэй ехэ уудам таанадһаа арсана: «Бидэ ямаршье үхи хүүгэдые түрөөгүйбди, хүбүү, басага хүмүүжүүлэн ехэ болгоошьегүйбди».

Исай 37:20

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!»

Ерэмияа 21:13

Иерусалим хото, Би урдаһаашни тулахаб. «Хэн маанадта хүрэжэ шадахаб? Хэн манай бэхижүүлгые сохин гаража, манай гэр байрануудта орожо ерэхэ юм?» гэлдэнэт.

Ерэмияа 50:31

Вавилооной улад зон, таанад бардам зантайт. Тиимэһээ Би, Түмэн Сэрэгтэ Эзэн Бурхан, таанадай урдаһаа тулахаб. Таанадые Минии хэһээхэ саг ерэбэ.

Эзэкээл 20:41

Тараһан газарнуудһаатнай таанадые суглуулан асархадаа, Би үргэлэйтнай аятай үнэрые таашааһандал таанадые таашаан байхаб. Тиигэжэ бусад арадуудай нюдэн дээрэ таанадтай хэһэн үйлэ хэрэгээрээ Би нангин байдалаа элирхэйлхэб.

Эзэкээл 21:3

Минии тэдэнэй урдаһаа тулахаяа, һэлмэеэ хуйһаань һугалаад, һайн, муушье зониие бултыень хюдахаяа байһан тухайм дуулга.

Эзэкээл 26:3

Энээнэйнь түлөө Би, Эзэн Бурхан, Тиирэй урдаһаа тулахаб! Далайн долгинуудаа туун асардагтал мэтэ Би Тииртэ добтолхыень олон үндэһэ яһатадые эльгээхэб!

Эзэкээл 29:10

Тиимэһээ Би шинии болон голойш урдаһаа тулахаб! Би Египедэй газарые хойто зүгэй Мигдоол хотоһоо эхилээд, урда зүгэй Сиһээн хото хүрэтэр, юрэдөө, дууһан Эфиопиин хилэ хүрэтэр ханха зайдан хооһон тала болгохоб.

Эзэкээл 29:3

Иигэжэ тэрээндэ хэлэ: Египедэй фараон, голой дунда хэбтэжэ байгша мантан крокодил мэтэш, «энэ Нил мүрэн минии, би тэрэниие өөрөө бүтээгээб» гэжэ хэлэнэш. Харин Би, Эзэн Бурхан, шинии урдаһаа тулахаб!

Эзэкээл 30:19

Египедые хэһээжэ дүүргэхэдэм, таанад Намайе Эзэн гээд ойлгохот.

Эзэкээл 36:23

Өөрынгөө нангин байһые хариин арадуудта гэршэлхэдэм, тэдэ Намайе Эзэн Бурхан гээд ойлгохо. Энэ болбол Би, Эзэн Бурхан, айладхана мүн!

Эзэкээл 38:16

Шуургата үүлэн мэтэ хушан, Минии улад зондо добтолхош. Минии орон нютаг болохо Израиль руу нэбтэрэн орохыеш Би зүбшөөхэб. Юуб гэхэдэ, Намайе, Эзэниие, арюун нангин гэжэ дэлхэйн арад бүхэнэй мэдэдэг болохын тула иимэ юумэ эрхилхэб».

Эзэкээл 38:23

Би, Эзэн, нангин гээшэб гэжэ дэлхэйн бүхы арадуудта Өөрыгөө харуулхын тула эдэ бүгэдые эрхилхэб».

Эзэкээл 38:3

Мээшэх болон Тубаал хан түрэнүүдэй зонхилогшо Гоог! Би, Эзэн Бурхан, урдаһаашни тулахаб!

Эзэкээл 39:13

Дэлхэйн бүхы зон тэдэниие хүдөөлүүлхэдэ туһалха, Минии, Эзэн Бурханай, алдар солын мандаһан тэрэ илалтын үдэр тэдэ шагнал хайрада хүртэхэ.

Эзэкээл 5:8

Би, Эзэн Бурхан, таанадта иигэжэ дуулганаб: Би таанадай дайсан болооб. Үндэһэ яһатадай хараһаар байтар Би таанадые шүүбэрилэн хэһээхэб.

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Наум 2:13

«Харагты даа, Би таанадые хэһээхэб! – гэжэ Түмэн Сэрэгтэ Эзэн айладана. – Дайшалхы тэргэнүүдыетнай гал дүлэндэ шатаахаб, һэлмээр сабшан, үхи хүүгэдыетнай усадхахаб, олзо оршыетнай хүрьһэтэ дэлхэйһээ үгы хэхэб. Дэлхэйн арадуудые баадхажа, занажа байдаг элшэнэрэйтнай абяа дуун бэшэ дуулдахаяа болихо».

Наум 3:5

– Үзөөрэй даа, Би шамайе хэһээхэб! – гэжэ Түмэн Сэрэгтэ Эзэн айладхана. Хормойеш нюур хүрэтэршни шуужа, арадуудта шинии нюсэгэн бэе, хаан түрэнүүдтэ эшхэбтэр юумыеш харуулхаб!