Эзэкээл 27:6 - Библи

⁶ Башаанай сарса модоор һэльбэнүүдыеш хээ. Киттиимһээ асарагдаһан нарһан модоор шалануудшни хэгдэжэ, заанай һоёогоор гоёогдоо.

Эзэкээл 27:6 ပူးပေါင်းရင်းမြစ်များ

Эхин 10:4

Яваанай хүбүүд: Элишаа, Таршииш, Киттиим, Доданиим.

Исай 2:13

Тэрэ Ливаанай үндэр, өөдөө ербыһэн үнэтэ хуша мододые болон Башаан газарай бүхы сарса мододые үгы хэхэ.

Исай 23:1

Тиир тушаа зүн. Шангаар уйлалдыт, хүсэтэ онгосоор Таршиишһээ бусажа байгааша зон! Танай бусадаг Тиир хото үгы хэгдээ, орохо гэр байранууд һандарал болонхой! Киттиимэй нютагһаа тамаран бусахадаа иимэ һураг суу таанад дуулаат.

Исай 23:12

«Сидооной хотонууд, жаргаха-сэнгэхэ сагтнай һалаа! Таанад дарагдаат! Зонтнай Киттиим руушье зориходоо, тэндэ амгалан тайбан ажаһуухагүй», – гэжэ Эзэн айладхаба.

Ерэмияа 2:10

Киттиимэй олтирогууд руу далай гаталан ошогты, Кэдаар руу хүниие эльгээжэшье наринаар ажаглагты, энээндэл адли зүйлэй урдань боложо байгаагүйе таанад лаб харахат.

Ерэмияа 22:20

Иерусалимай улад зон, Ливаан өөдэ үгсэн гаража, шангаар бархиралдагты, Башаан руу ошон, уй-хай бологты. Абариим дээрэһээ уйлалдагты. Юуб гэбэл, танай тала баримталагша бүхы нүхэдтнай диилдээ.

Даниил 11:30

Тиишээ Киттиимэй онгосонууд ерэхэ, тиихэдэнь тэрэ айжа, һөөргэлхэ. Тэрэ нангин хэлсээнэй шажан мүргэлдэ уурлажа, үгы хэхэ талаар хэрэг ябуулха. Энэ шажанһаа буруу харагшадай зүбшэл заабари даган,

Захарияа 11:2

Агар зандан уйлаха, юуб гэхэдэ хуша модон хосороо. Башаанай сарса модон уйлаха, үдхэн ой усадхагдаа.

Тоололго 21:33

Тиигээд израильшууд һөөргөө хотиржо, Башаан тээшэ дабшаба. Башаанай хаан Оог бүхы сэрэгээ дахуулан, Эдрей хотын шадар тэдэнтэй тулалдахаяа урдаһаань гараба.

Тоололго 24:24

Онгосонууд Киттиимһээ ерэхэ. Одоол тиихэдэнь Ассири болон Ээбэр диилдэжэ, булта хосорхо!