2 – Хүнэй үри Эзэкээл, Тиир хото тушаа гашуудалай дуу татыш.
Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.
Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.
Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.
Эзэн намда иигэжэ айладхаа:
Тиигээд тэдэ шам тушаа иимэ гашуудалай дуу дуулаха: Далайн хажууда оршоһон суутай мантан хото һалаа, һандараа! Хотын ажаһуугшад бүхы эрье зонхилон, бусад зониие айлган һүрдөөн байгаа бэлэйл.
Эзэн намда иигэжэ айладхаба:
Гашуудан тэдэ иигэжэ уйлалдан дуулаха: «Тиир, ши бусад хотонуудһаа мантан бэлэйш, харин мүнөө далайн оёорто абяа шэмээгүй хэбтэнэш.
– Хүнэй үри Эзэкээл, Тиир хотын хаанда гашуудалта дуу дуулажа, Минии, Эзэн Бурханай, иимэ айладхал тэрээндэ дуулга: хэзээ нэгэтэ ши дүрбэн тэгшэ түгэс, сэсэн мэргэн ухаатай, гоё һайхан байгаа бэлэйш.
– Хүнэй үри Эзэкээл! Египедэй хаан фараон тушаа халаглан, Минии иимэ үгэнүүдые тэрээндэ дамжуула: Залуу арсаландал дэлхэй дээгүүр хаа-хаанагүй хэсэн ябанаш, теэд арсаланшье бэшэ, хүлөөрөө уһа булангиртуулжа байһан голой крокодил гээшэ аабзаш!
Эдэ үгэнүүдые шагныта! Израильшууд, хүдөөлүүлгын дуу таанад дээрэ дуулан байнаб.
Тиимэһээ Түмэн Сэрэгтэ Эзэн Бурхан иигэжэ айладана: Бүхы талмайнуудаар хүдөөлүүлгын гашуудал, бүхы гудамжануудаар «гай тодхор тудалдаа!» гэһэн ёолоонууд дуулдаха. Гашуудалай ёһололдо ажалшадые, хүдөөлгэндэ уйлагша эхэнэрнүүдые дуудаха!
