Эзэкээл 25:4 - Библи

⁴ Тиимэһээ Би мүнөө зүүн зүгэй обогуудта таанадые диилдүүлхэб. Тэдэ хотон хүреэнээ газар уһан дээрэтнай табиха, үрэ жэмэсыетнай эдихэ, һүыетнай ууха.

Эзэкээл 25:4 ပူးပေါင်းရင်းမြစ်များ

Эхин 29:1

Яков тэндэһээ зүүн тээшээ ошобо.

2 Хаан түрэнүүд 12:26

Раббаа гээшэ аммоонуудай ниислэл хото бэлэй. Ёһааб Раббаагай урдаһаа тулажа, тэрэниие эзэлэн абахаяа байба.

3 Хаан түрэнүүд 4:30

Зүүн зүгэй сэсэн мэргэшүүлһээ, Египедэй сэсэшүүлһээ тэрэ һураггүй дээгүүр мэргэн ухаатай һэн.

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 41:2

Хэн хойто зүгһөө баатарые эльгээгээб? Хэн үнэн зүбые тэрээнтэй хамта, ошоһон лэ газартань байгуулнаб? Үндэһэ яһатаниие, хаашуулые диилэхэ хүсэ хэн тэрээндэ үгэнэб? Тэрэ һэлмээрээ тэдэниие тооһон мэтэ, һурша номоороо һалхинда хиидэһэн хагда үбһэн мэтэ болгобо.

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Гашуудал 1:14

Нүгэлөөрни Тэрэ хөөмэгшэ хэжэ, гартаа уян баряа, тэрэ хөөмэгшэ хүзүүем дарана, тэрээн доро хүсэгүй бүдэрэн байнаб. Мултархын аргагүй гарта намайе Эзэн дамжуулаа!

Эзэкээл 25:10

Аммоон руу добтолон орогшо зүүн зүгэй обог зон Моһааб руу добтолон орохо, тиигэжэ Аммоондол адли Моһааб дэлхэй дээрэ хэзээдэшье бэшэ дурсагдахагүй.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Тоололго 23:7

Балаһаам Балаагта иимэ өөрын һургаал үгүүлэлые дуугаран хэлэбэ: – Моһаабай хаан Балаак, алас дурнын хадануудһаа, Араамһаа намайе эндэ асараад, аргагүй ехээр иигэжэ бааланал: Ерээд эндэ Яковые тарнидажа үгэ, ерээд эндэ Израильда муу юумэ айлада!

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 28:51

Таанадые хооһоруултараа тэдэнэр хони малыетнай, ургасыетнай буляажа абан эдихэ. Орооһо таряа, үзэмэй дараһан архи, оливын тоһо, тугал, хурьгашье таанадта тэдэнэр үлөөхэгүй. Туража үхэтэртнай бүхы юумыетнай абаха.

Ударидагшад 6:33

Израильшуудтай тэмсэхэ гэжэ зүүн зүгтэ ажаһуудаг мидиан, амалээг болон бусад арадууд бултадаа нэгэдэбэ. Тэдэнэр Иордан мүрэн гаталаад, майхан хүреэнүүдээ Езрээлэй хүнхэртэ татаба.

Ударидагшад 7:12

Мидианууд, амалээгүүд болон зүүн зүгтэ ажаһуугшад мүрэнэй тэрэ гол газарта байрлан тогтобо. Таршаа мэтэ олон тэдэниие, далайн эрьеын элһэн мэтэ олон тэмээнүүдыень тоолохын аргагүй үй түмэн байба.

Ударидагшад 8:10

Зээбах Цалмуннаа хоёр арбан таба мянган сэрэгшэдтэеэ суг хамта Каркоор хотодо саг зуура байрлаба. Эдэ сэрэгшэд зүүн зүгтэ ажаһуугшадай зуун хори мянган сэрэгшэдһээ амиды үлэһэн байба.