Эзэкээл 24:7 - Библи

⁷ Хото дотор хүниие алаха ушар гаража, шуһаниинь шоройдо дарагдахаар газар руу бэшэ, хатуу шулуун дээрэ адхараа бэлэй.

Эзэкээл 24:7 ပူးပေါင်းရင်းမြစ်များ

3 Хаан түрэнүүд 21:19

Тэрээндэ иигэжэ хэлээрэй: «Ши алаад, угайнь зөөриие эзэмдэхэ гэжэ байна гүш? Набоодой шуһые нохойнуудай долёожо байһан тэрэ газарта нохойнууд шинии шуһа долёохо», – гэжэ Эзэн айладана.

Иоов 16:18

Минии арюун шуһые газар шорой нюуха ёһогүй. Үнэн шударга бэшэ байдалда эсрэг би бодожо байнам. Минии дуу хоолой хэншье таглаха ёһогүй.

Исай 26:21

Гэм хэһэнэйнь түлөө дэлхэйн зониие хэһээхэеэ Эзэн Өөрынгөө огторгойн ордонһоо гаража байна. Дэлхэй дээрэ нюусаар хүниие алаһан ушарнууд эли тодо боложо, дахин далдалагдахагүй.

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Ерэмияа 2:34

Мүн дэгэлэйтнай хормой дээрэ гэм зэмэгүй, үгытэй ядуу зоной шуһан харагдана. Теэд тэдэ зоной дээрмэдэжэ байхань үзэгдөөгүйл.

Ерэмияа 6:15

Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Эзэкээл 22:4

Шуһа урдахуулжа гэмтэн болоош, онгонуудта мүргэжэ, өөрыгөө бузарлааш. Хэһээлтэ амасаха сагаа иигэжэ дүтэлүүлбэш. Тиимэһээ Би шамайе бусад үндэһэ яһатадай энеэдэ наадан, бусад орон нютагуудай шоо үзэхэ зүйл болгооб.

Эзэкээл 23:45

Гэбэшье үнэн сэхэ зон тэдэ хоёр эгэшэнэрые алууршад байһандань, мүн урбан забхайран байһанайнь түлөө шүүхэ.

Левит 17:13

Хэрбэеэ израильшуудай болон таанадай дунда ажаһуудаг ерүүл зоной али нэгэн агнуурида гараад, эдижэ боломоор ан гү, али шубуу баряа һаа, тэрэнэй шуһыень гоожуулаад, шоройгоор булаха ёһотой.

Цэпаанияа 1:17

Эзэн иигэжэ айладана: «Зониие хашан зобооходом, тэдэ һохор мэтэ тэмтэрэн ябадаг болохо. Тэдэ Минии урдаһаа нүгэл хээ, тиимэһээ шуһаниинь уһан мэтэ адхагдаха, үхэһэн бэень шабааһан мэтэ шобторогдохо».

Хуули дабталга 12:16

Гансал шуһыень эдихэ ёһогүйт, уһан шэнгеэр тэрэниие газарта адхагты.

Хуули дабталга 12:24

Шуһа бү эди, уһан мэтээр тэрэниие газарта адха.