Эзэкээл 23:8 - Библи

⁸ Египедтэ һальхай һамуу ябадал үйлэдэжэ эхилһээр тэрэ иимэ ябадалаа бэшэ орхёогүй бэлэй. Залууһаань эхилжэ эрэшүүл тэрээнтэй унтажа, бүри забхайруулжа һургаа һэн.

Эзэкээл 23:8 ပူးပေါင်းရင်းမြစ်များ

3 Хаан түрэнүүд 12:28

Зүбшэһэнэй удаа хаан хоёр алтан тугал бүтээбэ. Тиигээд тэрэ улад зондо иигэжэ хэлэбэ: – Иерусалим руу бэшэ ябаһанай хэрэггүй. Израилиин улад зон, таанадые Египедһээ гаргаһан бурхадтнай гэбэл, эдэ мүн!

4 Хаан түрэнүүд 10:29

Еһүү Израилиин газар дээрэ үйлэдэһэн Набаадай хүбүүн Еробоһаамай хэһэн нүгэл хилэнсэгүүдһээ дууһан арсангүй, Бэт-Ээл ба Даанда байһан алтан тугалнуудые үгы хэнгүй, орхёо юм.

4 Хаан түрэнүүд 17:16

Теэд тэдэнэр Эзэнэй, өөрынгөө Бурханай бүхы зарлиг захяануудые хайхарбагүй. Тиигээд тэдэнэр өөһэдтөө тугалнуудые шудхаад, Ашэраагай модон сэргэнүүдые табяад, наран, һара болон тэнгэриин одо мүшэдтэ мүргэжэ, Баалда алба хэжэ,

Египедһээ гаралга 32:4

Аһароон тэдэнииень хайлуулжа, тугалай хүрэг бүтээбэ. – Израиль, шамайе Египедһээ гаргаһан Бурханшни бэеэрээл! – гэжэ зон дуугаралдаба.

Эзэкээл 20:7

Жэгшүүрилтэй муухай онгонуудаа хаяжа, Египедэй бурхадта мүргэхэеэ, бэеэ бузарлахаяа болигты гэжэ Би тиихэдэ тэдээндэ захираа һэм.

Эзэкээл 23:19

Залуудаа Египет орон нютагта забхайрдагаа һанан, Оһолибаа забхай һальхай ябадалаа бүри олошоруулжал байгаа.

Эзэкээл 23:21

Египедэй амарагуудайнгаа тэрээнтэй унтадагые Оһолибаа һанажа, дахин тэрэ сагаа эрьен ерүүлхые хүсэдэг бэлэй.

Эзэкээл 23:3

Тэдэ хоёр Египедтэ ажаһуухадаа, залуу наһандаа һальхай һамуу ябадалтай байгаа.

Эзэкээл 23:34

Тэрэниие дууһан уужа, хатаагаад, удаань бута сохижо, хэлтэрхэйнүүдээрнь үбсүүгээ таһа татан байхаш. Энэ болбол Би, Эзэн Бурхан, айладхана мүн!»

Гэршэлгэ 11:8

Тэдэнэй үхэһэн бэень Содом гү, али Египедтэл адли муу суутай хотонуудай нэгэ тон ехэ хотын гудамжада хэбтэхэ. Тэрэ хотодо мүн тэдэнэй Эзэн хэрээһэндэ хадагдажа саазалуулаа.