Эзэкээл 23:4 - Библи

⁴ Тэдэнэй нэрэнь гэбэл, эгэшэнь Оһолаа, дүүнь Оһолибаа бэлэй. Тэдэ Намда хадамда гаража, үхибүүдые түрөө һэн. Оһолаа болбол Самари, Оһолибаа Иерусалим болоно гээшэ.

Эзэкээл 23:4 ပူးပေါင်းရင်းမြစ်များ

3 Хаан түрэнүүд 12:20

Еробоһаамай бусаһан тушаа Израилиин улад зон дуулахадаа, тэрэниие суглаандаа дуудажа асаруулаад, Израилиин хаан болгобо. Гансал Иудын обог зон Давидай уг удамда үнэн зандаа үлөө бэлэй.

3 Хаан түрэнүүд 8:29

«Эндэ Минии нэрэмни оршохо» гэжэ Та айладхаа бэлэйт. Үдэр, һүнигүй энэ газарые – Һүмые мэлмытнай хаража байг лэ! Танай зарасын тэрэ газарта зальбархада, тэрэниие анхаржа, шагнажа байгыт!

Псалманууд 76:2

Бурханда ханданаб, Бурханиие дууданаб, Тэрэ намайе дуулана.

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 3:7

Эдэ бүгэдые үйлэдэһэнэй удаа тэрэ Нам руу бусаха гэжэ һанаа һэн. Теэд тэрэ бусажа ерээгүй. Энээниие тогтууригүй зантай Иуда эгэшэнь хараа бэлэй.

Эзэкээл 16:20

Намда зорюулан түрэгшэ үхи хүүгэдээшье ши абажа, тэдэ онгонуудта үргэл болгон үргөөш! Өөрөө намда урбахашни багадаад,

Эзэкээл 16:40

Тэдэ олониитые тухиран, шам руу үхэтэрыш шулуу шэдүүлхэ, бэеыеш һэлмээр сабшаха.

Эзэкээл 16:46

Шамһаа хойшоо зүгтэ һууринуудтаяа хамта оршогшо Самари болбол шинии эгэшэ мүн, шамһаа урагшаа зүгтэ һууринуудтаяа хамта оршогшо Содом болбол дүүшни мүн.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Эзэкээл 23:3

Тэдэ хоёр Египедтэ ажаһуухадаа, залуу наһандаа һальхай һамуу ябадалтай байгаа.

Эзэкээл 23:36

Эзэн намда айладхаба: – Хүнэй үри Эзэкээл! Оһолаа Оһолибаа хоёрые шүүхэ һанаатай гүш? Жэгшүүрилтэй муухай хэрэгүүдыень тэдээндэ һануулаарай.

Эзэкээл 23:44

Теэд тэдэ зон янхан эхэнэрнүүд болохо Оһолаа Оһолибаа хоёрто һамгадтаа ерэһэндэл адляар дахин-дахин ерэжэл байгаа.

Эзэкээл 23:5

Оһолаа Минии һамган байгаашье хадаа хүршэ Ассириин амарагуудтаяа һальхай забхай ябадал гарган, инаглаба.

Һошээ 1:3

Һошээ ошоод, Диблааһимай басаган Гоомэрые һамга абаба. Гоомэр хээлитэй боложо, тэрээндэ хүбүү түрэбэ.

Һошээ 2:7

Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл».

Иоанн 4:22

Хэндэ һүзэглэн мүргэдэгөө таанад мэдэнэгүйт, харин бидэ хэндэ һүзэглэн мүргэжэ байдагаа мэдэнэбди: юртэмсэ дэлхэйн абаралга еврейнүүдһээ ерэхэ.

Римэйхиндэ 7:4

Аха дүүнэрни, таанадай нүхэсэл тон тиимэ. Таанад мүнөө Христоосой бэеын эрхэтэн болоод, Хуулитай холбоогоо таһалбат. Мүнөө таанад Бурханда алба хэжэ аша туһатай байхын тула үхөөд амидырһан Христоосой хүнүүд болобот.