Эзэкээл 23:38 - Библи

³⁸ Үшөө юу хээб гэхэдэ, Минии нангин үргөөе бузарлаа, субботын үдэрыем сахяагүй.

Эзэкээл 23:38 ပူးပေါင်းရင်းမြစ်များ

4 Хаан түрэнүүд 21:4

Иерусалимда Минии нэрэ алдар оршохо гэжэ Эзэнэй айладхаһан Һүмэ соо тэрэ үргэлэй шэрээнүүдые байгуулба.

4 Хаан түрэнүүд 21:7

Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха гэжэ Эзэнэй Давидта, Соломоон хүбүүндэнь айладхаһан эгээл тэрэ Һүмэ соо Мэнашшээ һиилэмэл хэмэл Ашэраагай дүрсэ табиба.

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Эзэкээл 20:13

Харин Израилиин улад зон элһэн сүл губида Намда һөөргэдэбэ. Хуули ёһонуудыем, зарлигуудыем тэдэ сахибагүй. Субботын үдэрыем ехээр бузарлаба. Тиихэдэнь Би байһан газартань, элһэн губида, тэрэ дары Израилиин арад түмэниие үгы хэхэеэ һанабаб.

Эзэкээл 20:24

Минии хуули ёһонуудые, захиралтануудые дүүргэдэггүй, субботын үдэрые сахидаггүй, үбгэ эсэгэнэрэйнгээ дархалһан онгонуудта мүргэдэг байһанайнь түлөө Би тэдээнтэй иимээр хандаха гэжэ һанаа һэм.

Эзэкээл 20:39

Израилиин арад түмэн, онгонуудтаа мүргөө хадаа мүргэжэл байгты! Тэдээндэ бэлэг-сэлэг үргэжэ, Минии нэрэ гутаажа байхыетнай тииһээр Би болюулхаб! Миниил захиралта дууладаг болохот.

Эзэкээл 22:26

Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Эзэкээл 22:8

Нангин газарнуудыем хүндэлнэгүйт, субботын үдэрые сахинагүйт.

Эзэкээл 5:11

Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

Эзэкээл 7:20

Тэдэ алта, мүнгөөрөө ехэ омогорходог, бардамладаг бэлэй. Жэгшүүрилтэ онгонуудые тэрээгээр бүтээгээ. Тиимэһээ Эзэн баялигыень өөһэдтэнь таарамжагүй жэгшүүрилтэ муухай болгобо.