Эзэкээл 23:36 - Библи

³⁶ Эзэн намда айладхаба: – Хүнэй үри Эзэкээл! Оһолаа Оһолибаа хоёрые шүүхэ һанаатай гүш? Жэгшүүрилтэй муухай хэрэгүүдыень тэдээндэ һануулаарай.

Эзэкээл 23:36 ပူးပေါင်းရင်းမြစ်များ

Исай 58:1

Эзэн иигэжэ айладхана: «Шадахысаа шангаар хашхарагты! Дуу хоолойтнай үхэр бүреэгэй дуундал шанга байг! Минии арад түмэн, Яковай зондо нүгэл тушаань дуулгагты!

Ерэмияа 1:10

Арад уласуудые, хаан түрэнүүдые үндэһөөрнь үгы хэхын, үрижэ байхын, һандаргаахын, һалгаахын, байгуулан барижа, һуулган үндэһэлхыншни тула мүнөө Би шамда эрхэ түлөөлгэнүүдые үршөөнэб, – гэжэ айладхал буулгаба.

Ерэмияа 11:14

Ерэмияа, эдэ зоной түлөө бү зальбара, бү уйла, бү гуй Намайе! Гай тодхорто ороходоо Намайе тэдэнэй дуудахада, Би шагнахагүйб.

Ерэмияа 14:11

Эзэн намда айладхаба: – Эдэ зоной һайн байха тухай Намда ши бү зальбара!

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 16:2

– Хүнэй үри Эзэкээл! Иерусалимда жэгшүүрилтэ хэрэгүүдыень мэдүүлжэ хэлэ.

Эзэкээл 20:4

Тэдэниие һэргылхэеэ һанана гүш, хүнэй үри Эзэкээл? Үбгэ эсэгэнэрэйнь жэгшүүрилтэ муухай үйлэ хэрэгүүд тухай һануулаарай.

Эзэкээл 22:2

– Хүнэй үри Эзэкээл, алууршадаар дүүрэһэн хотые ши шүүхэеэ һанана гүш? Хэһэн бүхы жэгшүүрилтэ муухай хэрэгүүдынь тэрээндэ һануулаарай.

Эзэкээл 23:4

Тэдэнэй нэрэнь гэбэл, эгэшэнь Оһолаа, дүүнь Оһолибаа бэлэй. Тэдэ Намда хадамда гаража, үхибүүдые түрөө һэн. Оһолаа болбол Самари, Оһолибаа Иерусалим болоно гээшэ.

Һошээ 2:2

Эхэеэ зэмэлэн урдаһаань тулагты, зэмэлэгты! Тэрэ минии һамган бэшэ, Би тэрэнэй нүхэр бэшэ болооб. Тэрэ забхай ябадалаа болюулжа, урбахаяа бэшэ болиг лэ!