Эзэкээл 22:28 - Библи

²⁸ Тиихэдэнь лүндэншэдынь тэрэ нүгэлыень бүглэжэ, худал үзэгдэл хаража, уридшалан хэлэхэдээ, хуурмаг юумэ дуулгана. Дээдэ Эзэн иигэжэ айладхаа гээд тэдэ хэлэнэ, харин Би тэрэ юумыень оройдоошье айладхаагүй бэлэйб.

Эзэкээл 22:28 ပူးပေါင်းရင်းမြစ်များ

Исай 28:15

Үхэл хаталтай хэлсээ хэнхэйбди, үхэлэй оронтой үгэеэ ойлголсонхойбди гэжэ һайрхан дуугарнат. Гай тодхор таанадые зайлан гараха, худал хуурмаг, мэхэ гохо таанадые аршалха гээд һананат.

Исай 30:10

Тэдэ үзэлшэдтэ «үзэл бү үзэгты» гэнэ, мэдэлшэдтэ «мүн болохо юумэ бидэндэ бү харуулагты, бидэнэй дуулахаяа һанаһан юумэ хэлэгты, аятай юумэ мэргэлэгты.

Ерэмияа 23:21

Эзэн айладхана: – Би энэ худал лүндэншэдые эльгээгээгүйб, тэдэ өөһэдөө ошоо. Би тэдээндэ ямаршье айладхал буулгаагүйб, тэдэ өөһэдөө Минии нэрэһээ тунхаглал тараана.

Ерэмияа 28:15

Энээниие би лүндэншэн Ханаанияада дуулгажа, үшөө: – Ханаанияа, шагна! Эзэн шамайе эльгээгээгүй. Зониие худал юумэндэ этигүүлжэ байнаш!

Ерэмияа 28:2

– Израилиин Бурхан, Түмэн Сэрэгтэ Эзэн иигэжэ айладана: – Вавилооной хаанай хүсэ шадалые бута сохин бууруулхаб.

Ерэмияа 37:19

Вавилооной хаан танда болон орон нютагтамнай добтолхогүй гэжэ хэлэдэг лүндэншэдтнай хаана гээшэб?

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 13:2

– Хүнэй үри Эзэкээл! Минии бэшэ, өөһэдын үгэнүүдые хэлэжэ, лүндэн табижа байгааша худал лүндэншэдые гэмнэн хэлэ. Минии, Эзэнэй, үгэ дуулахыень баадха.

Эзэкээл 21:29

Харадаг үзэгдэлтнай буруу, уридшалан хэлэдэгтнай худал. Таанад зэмэтэйт, тиимэһээ хэһээлтын үдэр мандахань, һэлмэмни толгойетнай таһа сабшан абаха!

Эзэкээл 22:25

Олзоёо зулгаажа, архиржа байһан арсаланда адлил удамаршадынь! Тэдэ зониие алана, үнэтэ сэнтэй юумэ бултыень өөрын болгоно, эрэшүүлые алажа, бэлбэһэн эхэнэрнүүдэй тоо олошоруулна.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.