Эзэкээл 22:26 - Библи

²⁶ Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Эзэкээл 22:26 ပူးပေါင်းရင်းမြစ်များ

2 Угай бэшэг 36:14

Иудын удамаршад, санаартад, улад зон тойрон ажаһуугша ондоо арадуудай жэгшүүритэй муухай жэшээ даган, нүгэлөө олошоруулба, Иерусалимда Эзэнэй Өөрөө арюудхаһан Һүмые бузарлаба.

Ерэмияа 15:19

Энээндэ Эзэн иигэжэ харюусаба: – Ерэмияа, бусаа һаашни, Би шамайе бусаахаб, тиигээд ши Минии дэргэдэ зарасам байхаш. Хэрэггүй хооһон үгэһөө үлүү ехээр ши үнэтэй шухала үгэ үнэлдэг байгаа һаа, Минии захяа хүргэгшэ дахинаа болохош. Улад зон өөһэдөө шамда бусаха, ши тэдээндэ өөрөө ошожо байхагүйш.

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Эзэкээл 22:8

Нангин газарнуудыем хүндэлнэгүйт, субботын үдэрые сахинагүйт.

Эзэкээл 23:38

Үшөө юу хээб гэхэдэ, Минии нангин үргөөе бузарлаа, субботын үдэрыем сахяагүй.

Эзэкээл 36:20

Туугдан ошоһон газар нютаг бүхэндөө тэдэ Минии нангин нэрэ бузарлаа: «Эзэн Бурханай арад аад, орон нютагһаа гаран ошохо баатай болоо гэжэ хариин зон хэлсэнэ».

Эзэкээл 42:20

Иигэжэ нангин үргөө дүрбэн талаһаа тэб тэбхэр, алишье хажууһаа табан зуун тохой байба. Хананууд иигэжэ нангин зүйлые нангин бэшэһээ илгадаг бэлэйл.

Эзэкээл 44:10

Левит зарим зон Намһаа буруу хаража, онгонуудта мүргэжэ байгааша Израилиин зарим зонтой хамтаран мүргэдэг байгаа. Тэдэ левидүүд хэһээгдэхэ!

Эзэкээл 44:23

Нангин болон юрын, сээртэй болон арюун зүйлнүүдэй хоорондохи илгаае зондо тэрэ ойлгуулха ёһотой.

Эзэкээл 44:24

Зарга хэрэгүүдэй гарабал, тэдэ Минии хуули ёһоор хэрэг шиидхэхэ. Тогтоол, һургаалнуудайм ёһоор тэдэ шажанай нангин һайндэрнүүдые үнгэргэхэ, амаралтын үдэр сахидаг байхые жэншэдгүй харгалзалан байха юм.

Эзэкээл 7:26

Гай тодхор дээрэ дээрэһээ ерэжэ байха, муу һураг суу хойно хойноһоо дуулдаха. Лүндэншэдые үзэл үзэхыень гуйжа байхат. Санаартан зониие һургаха юушьегүй, аха захатан хэлэхэ нэгэшье зүбшэл заабаригүй байха.

Левит 10:10

Таанад арюун ба бузарые, сэбэр ба сэбэр бэшые илгаха ёһотойт.

Левит 11:47

Энэ хуули бол бузартай бузаргүйень илгахын тухай, ямар амитадые эдижэ болохоб, ямарнуудыень эдижэ болохогүйб гэһэн тухай хуули болоно.

Левит 13:43

Санаарта тэрэнииень хараад, халзан газартань сагаан гү, али улаабтар үнгэтэй хабдар байгаа һаань, арһанай һэлхэ үбшэндэ адли,

Левит 20:25

Сээртэй, сээргүй мал, шубуудые таанад илгаруулдаг байха ёһотойт. Сээртэй ан амитадые, шубуудые бү эдигты. Би тэдэниие сээртэй, сээргүй гээд илгаа бэлэйб.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Малаахи 2:8

Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Римэйхиндэ 2:24

«Еврей таанадһаа боложо бусад арадууд Бурханиие муудхана», – гэжэ Нангин Бэшэг соо хэлээтэй байдаг.

1 Хаан түрэнүүд 2:22

Элии үндэр наһатай болоо. Өөрынь хүбүүдэйнь бүхы Израилиин зондо юу хэжэ байдагыень, мүн Суглаанай майхан һүмын үүдэнэй хажууда хүдэлдэг эхэнэрнүүдтэй тэдэнэй унтадаг тухай тэрэ дууладаг бэлэй.

1 Хаан түрэнүүд 2:29

Теэд Намда үргэхэ үргэлнүүдые, бэлэгүүдые юундэ хүндэлнэгүйбта? Минии арад түмэн Израилиин үргэлнүүдэй хамагай һайгаарнь өөрынгөө хүбүүдые таргалуулан, тэдэ хүбүүдээ Намһаа үлүүгээр юундэ һанажа байнабши?