Эзэкээл 22:11 - Библи

¹¹ Нэгэнь хүршынгөө һамгантай жэгшүүритэй хэрэг үйлэдэжэ, унтана, нүгөөдынь забхайран, бэреэ бузарлан, унтана, гурбадахинь эгэшэ, дүүгээ хүсөөрөө эдлэнэ.

Эзэкээл 22:11 ပူးပေါင်းရင်းမြစ်များ

2 Хаан түрэнүүд 13:1

Удаань иимэ юумэн болобо. Давидай хүбүүн Абшалоом Тамаар нэрэтэй, сэбэр һайхан дүү басагантай байгаа. Давидай нүгөөдэ һамганайнь хүбүүн Амноон тэрээндэ дурлаба ха.

2 Хаан түрэнүүд 13:11

Урдань табихадань, Амноон тэрэниие саб тэбэреэд: – Намтай хэбтэ, – гээ бэлэй.

2 Хаан түрэнүүд 13:14

Теэд Амноон тэрэнэй үгые дуулабагүй. Үлүү хүсэтэй байһан тула тэрэниие хүсөөр эдлэбэ.

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Ерэмияа 9:2

Элһэн сүл губида аяншадай хонохо газар намда байгаа гээшэ һаань, өөрын арад түмэнөө орхижо, тэдэнһээ ошохо байгааб. Тэдэ бултадаа забхайрагшад, урбагшадай үүр гээшэл!

Эзэкээл 18:11

Хэдэг муу муухай юумыень эсэгэньшье оройдоо хээгүйл. Хүбүүниинь обоонуудта тахигдаһан үргэлһөө хүртэдэг, ондоо хүнэй һамгантай унтадаг,

Эзэкээл 18:6

Обоонуудта тахигдаһан үргэлэй хоол тэрэ баридаггүй, Израилиин онгонуудта мүргэдэггүй гэел даа. Ондоо хүнэй һамгантай унтадаггүй, һарынхияа үзэжэ байхадань һамгандаа хүрэдэггүй гэе.

Эзэкээл 33:26

Һэлмэ далайн, хүсэрхэлгэ үүдхэнэт, жэгшүүритэй муухай хэрэг үйлэдэнэт. Ондоо хүнэй һамгантай унтанат. Иимэ байгаад, газар эзэмдэн байхаяа һананат!

Левит 18:15

Өөрынгөө бэритэй ташаяан бү үйлэдэ. Тэрэшни шинии хүбүүнэй һамган болоно, тэрээнтэй ташаяан бү үйлэдэ.

Левит 18:20

Ондоо хүнэй һамгантай ташаяан бү үйлэдэ, бузартахаш.

Левит 18:6

Хэншье өөрынгөө ойрын түрэл хүнтэй ташаяангы хурисал үйлэдэхэ ёһогүй. Би хадаа Эзэнби.

Левит 18:9

Эсэгынгээ гү, али эхынгээ басагантай, гэртэшье түрэһэн, үгы һаа, гаднашье түрэһэн өөрынгөө эгэшэ дүүнэртэеэ ташаяан бү үйлэдэ.

Левит 20:10

Хэн хадамтай һамгантай унтанаб, хэн танилайнгаа һамгантай унтанаб, тэдэ урбагшад хоюулан алуулха ёһотой.

Левит 20:12

Хэн нэгэн өөрынгөө бэритэеэ унтаа һаа, тэдэ зэбүүрхэмэ муухай юумэ үйлэдэһэнһөө боложо, хоюулаа алуулха ёһотой.

Левит 20:17

Хэн эгэшэ дүүтэеэ хурисал үйлэдөөб, эсэгынгээ басагантай гү, али эхынгээ басагантай хурисалдааб, тэдэ жэгшүүритэй муухай юумэ үйлэдөө, тэдэниие хүн зоной урда алаха ёһотой.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Коринфынхидтэ 1-дэхи 6:9

Харата хэрэг үйлэдэгшэд Бурханай хаан орониие залгамжалхагүй гэжэ таанад мэдэхэгүй аалта? Бү эндүүрэгты: забхайралдагшад, онгонуудта шүтэгшэд, нүхэртөө, али эхэнэртээ урбагшад, эрэшүүлтэй гүйлдэдэг эрэ хүнүүд,

Галадуудта 5:19

Бэеын хүсэлэнгүүд иимэ: эрэдээ гү, али эхэнэртээ урбаха, забхай зальхай, һамуу һэбхи ябадал гаргаха,

Хуули дабталга 22:22

Үбгэнтэй һамгантай хэбтэжэ байһан хэн нэгэнэй олдоо гээшэ һаань, хоюулыень – тэрэ һамгые, мүн тэрээнтэй хэбтэжэ байһан эрэ хүниие алаха хэрэгтэй. Иигэжэ муу юумэ Израильһаа зайсуулагты.

Хуули дабталга 27:22

«Түрэһэн эгэшэтэеэ гү, али дүү басагантаяа, үгышье һаа, эсэгэ нэгэтэй гү, али эхэ нэгэтэй эгэшэ, дүүтэеэ унтаһан хүн хараалай ехэ хараал шэнгээхэ!» Бүхы арад зон харюусаха: «Болтогой!»

Еврейнүүдтэ 13:4

Гэр бүлэ алишье талаһаа үнэн сэхэ байг, үбгэн һамган хоёр бэе бэедээ шударга байг. Бурхан забхай ба ташаяаралдадаг зониие гэмнэхэ.