Эзэкээл 21:22 - Библи

²² Баруун гартань «Иерусалим руу» гэжэ зааһан дүлгэ тэмдэг дайралдаха. Тиихэдэнь тэрэ байлдаа эхилхэ тухай захиралта хашхаран үгэжэ, хотын бартаа, ханануудай дэргэдэ далан бодхоохо, хэрэм, ханануудые эбдэхэ тухай захирха.

Эзэкээл 21:22 ပူးပေါင်းရင်းမြစ်များ

4 Хаан түрэнүүд 25:1

Цэдэкииягай хан түрэеэ юһэдэхи жэлээ засаглажа байхада, арбадахи һарын арбанай үдэр Вавилооной хаан Навуходоносор өөрынгөө бүхы сэрэгүүдтэй хамта Иерусалимда дүтэлэн ерэбэ. Тэрэ сэрэгүүдээрээ Иерусалимые тойрожо хүреэлөөд, тэрэниие тойруулжа бүһэлэлтын хэрэм бодхобо.

Ерэмияа 32:24

Вавилооной сэрэг хотые бүһэлхэ далангуудые барина, хото дайсадай һабарта орохонь. Танай айладхал бэелүүлэгдээ, Та энээниие харанат.

Ерэмияа 33:4

Би, Израилиин Эзэн Бурхан, Иерусалимай болон Иудын хаанай ордон бүһэлэгдэн, добтолгодо ороод, һандаргагдаха гээд айладханаб.

Ерэмияа 4:16

Алас холын оронуудһаа дайсад ерэжэ ябана, шангаар хашхаралдан, Иудын хотонуудые бүһэлхэеэ байна гэжэ арад зониие һэргылхын, Иерусалимда дуулгахын тула тэдэ хүрэжэ ерээл.

Ерэмияа 51:14

Түмэн Сэрэгтэ Эзэн хадаа Вавилоон руу үй түмэн хорхой мэтэ олон зониие добтолуулан асарха, оог шууяа урдаһаань тэдэнэй татаха тухай Өөрөөрөө тангариглаа.

Ерэмияа 52:4

Цэдэкииягай хан түрэеэ юһэдэхи жэлээ засаглажа байхада, арбадахи һарын арбанай үдэр Вавилооной хаан Навуходоносор өөрынгөө бүхы сэрэгүүдтэй хамта Иерусалимда дүтэлэн ерэбэ. Тэрэ сэрэгүүдээрээ Иерусалимые тойрожо хүреэлөөд, тэрэниие тойруулжа бүһэлэлтын хэрэм бодхобо.

Эзэкээл 26:8

Далайн эрьеэр оршогшо һууринуудайнь улад зониие тэрэ һэлмээр сабшан усадхаха, хотын ханануудай үндэр хүрэтэр далан бодхоохо, мантан халхабша байгуулха.

Эзэкээл 26:9

Хэрэм хана сохин эбдэдэг түхеэрэлгэнүүдээ тэдэ хэрэглэхэ, самхагуудые түмэр һүхэнүүдээр сабшан унагааха.

Эзэкээл 4:2

Тэрэниие тойроһон бүһэлэлтэ, ханануудые, тойроод обоолһон шорой, хотон хүреэнүүдые, хэрэм эбдэдэг түхеэрэлгэнүүдые зураарай.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Эзэкээл 5:13

Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

Амоос 1:14

Раббаагай ханада гал табихаб! Байлдаата үдэр хашхараан дундуур, шуургата үдэр һалхин дундуур хэрэмүүдынь галда дүрэхэ!

Нүүнэй Иисүүс 6:10

Тиигээд Эзэнэй хэлсээнэй ханзые хото тойрон ябажа хүдэлөөд, нэгэ тойроо; хонодог газартаа ерэжэ хоноо.

Нүүнэй Иисүүс 6:20

Хотодо байһан хараалда хүртэһэн бүхы юумэ – үбгэд һамгадынь, үтэлһэн залуутайнь, үхэр, хони, элжэгэнүүдынь һэлмэ жадаар усадхаа.

1 Хаан түрэнүүд 17:20

Давид эртэ үглөөгүүр бодожо, хонин һүрэгөө нүгөө хонишондо даалгаад, хүнэһэ абаад, Ишайн захирһанай ёһоор ошобо. Тэрэнэй хотон хүреэндэ ерэхэдэ, сэрэгшэд шууян, хашхаралдан, жагсажа байба.