Эзэкээл 21:15 - Библи

¹⁵ Тэдэ зоригоо мохожо, бүри олоор алдалан унаха. Сахилгаан мэтэ ялалзаһан, алахаар бэлэн Минии һэлмэ хотын бартаа бүхэндэ хүлеэн байха.

Эзэкээл 21:15 ပူးပေါင်းရင်းမြစ်များ

2 Хаан түрэнүүд 17:10

Тиигэбэл, арсаландал адли зоригтой хүнэйшье зоригынь мохохол. Юуб гэбэл, танай эсэгын зоригтойнь, тэрэниие дахаад ябаһан зоной эрэлхэгынь бүхы Израильда мэдээжэ.

Исай 59:10

Бидэ һохор зон мэтэ хана тэмтэрэн, нюдэгүй мэтэ гараараа барин ябанабди, үдын тэн багаар бүрэнхы байдалда байһандал бүдэрнэбди, элүүр энхэ зоной дунда үхэһэн хүнүүдтэ адлибди.

Ерэмияа 13:16

Харанхы болгохынь урда тээ, бүрэнхы хада ууланууд дээгүүр хүлэйнгөө торохын урда тээ үрдижэ, найдаһан гэгээн гэрэлыетнай Тэрэнэй гүн харанхы, үнэгэнэй төөримэ шэб харанхы болгохынь урда тээ үрдижэ, Эзэндэ, өөрынгөө Бурханда, магтаал соло дуудагты!

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Эзэкээл 15:7

Хэһээхэб тэдэниие. Нэгэ гал дүлэнһөө гарахадаа, тэдэ нүгөө гал дүлэн руу орожо шатаагдаха. Минии тэдэниие хэһээжэ эхилхэдэ таанад Намайе Эзэн гээд мэдэхэт.

Эзэкээл 20:47

Түймэр табихадам, ногооржо байгаашашье, хуурайшье модон бүхэн галда абтаха, хэншье, юуншье тэрэ түймэрые саража шадахагүй, юуб гэхэдэ, урда зүгһөө эхилээд, хойто зүг хүрэтэр гал бүхыдөө соробхилон үргэлжэлхэ гэжэ Минии, Эзэн Бурханай, айладхаһые урда зүгэй ой модондо соносхо.

Эзэкээл 21:10

Таанадые алахын тула тэрэ хурсадхагдаа, сахилгаан мэтэ ялаганахын тула мэлигдээ. Хэншье бү баярлаг, юуб гэхэдэ, хүн бүхэнтнай һэргылэлтэнүүдыем анхараагүй, тоогоогүй.

Эзэкээл 21:16

Минии һэлмэ! Эриингээ эрьеһэн зүг бүхэн руу – барууншье, зүүншье талаар, сабшан бай!

Эзэкээл 21:19

– Хүнэй үри Эзэкээл, Вавилооной хаанай һэлмэ далайн ябаха хоёр харгы ойндоо зураглаад үзэ. Тэдэ харгынууд нэгэл орон нютагһаа гаран эхилхэ ёһотой. Харгын асатаһан газарта тэмдэг таби.

Эзэкээл 21:22

Баруун гартань «Иерусалим руу» гэжэ зааһан дүлгэ тэмдэг дайралдаха. Тиихэдэнь тэрэ байлдаа эхилхэ тухай захиралта хашхаран үгэжэ, хотын бартаа, ханануудай дэргэдэ далан бодхоохо, хэрэм, ханануудые эбдэхэ тухай захирха.

Эзэкээл 21:28

Хүнэй үри Эзэкээл, лүндэн табижа, Израилиие доромжолһон Аммооной арад зон тушаа Минии, Эзэн Бурханай, айладхал тунхагла: «Һэлмэ, һэлмэ һугалаатай, сахилгаан мэтэ түргөөр алахын тула тэрэ мэлигдээтэй.

Эзэкээл 21:7

Тэдэнэй шамһаа «Юундэ ёолонобши?» гэжэ асуухада, зүрхэ алдахуулха, гар һуларуулха, зориг мохоохо, үбдэг шэшэрүүлхэ аймшагтай юумэнэй болохоёо байһан тухай мэдээтэйб гээд хэлэ.

Нүүнэй Иисүүс 2:11

Энээн тухай дуулахадаа, зүрхэмнай һулараа, танда эсэргүүсэхэ хэндэмнайш үгы болоо, юундэб гэхэдэ, Эзэн, танай Бурхан дээрэ тэнгэришье, доро газарташье захирна.