Эзэкээл 20:7 - Библи

⁷ Жэгшүүрилтэй муухай онгонуудаа хаяжа, Египедэй бурхадта мүргэхэеэ, бэеэ бузарлахаяа болигты гэжэ Би тиихэдэ тэдээндэ захираа һэм.

Эзэкээл 20:7 ပူးပေါင်းရင်းမြစ်များ

2 Угай бэшэг 15:8

Лүндэншэн Одээдэй хүбүүн Азаарияа гэгшын айладхаһан лүндэн шагнахадаа, Асаа зоригжон, Иудын болон Бэньямиинэй нютагуудһаа онгон хүрэгүүдые, Эпрааим гэдэг хадалиг газарта оршогшо хотонуудһаа онгонуудые үгы хэбэ. Һүмын досоо хорёо соо оршодог Эзэнэй үргэлэй шэрээ тэрэ заһабарилба.

Египедһээ гаралга 16:12

– Би Израиль угсаатанай гэмэрэлдээ сонособоб. Тэдээндэ иигэжэ хэлэ: «Үдэшэндөө мяха, үглөөдэрынь садатараа талха хилээмэ эдихэт. Таанадай Бурхан болодог Эзэн гэжэ тиихэдэ мэдэхэт».

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Египедһээ гаралга 20:4

Өөртөө шүтөөниие бү зохёо, дээдэ тэнгэридэ байһан ба газар дээрэ, мүн газарһаа доогуур уһан соо байһан алибаа юумэнэй дүрсэ бү дархала.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 22:20

Мал амитантай хурисагшын ами хороохо ёһотой.

Исай 31:7

Нүгэл үйлэдэн, алта, мүнгөөр шүтөөнүүдые хээт. Гэбэшье хүн бүхэнэй тэдэ шүтөөнүүдээ хаяха саг ерэжэ байна.

Эзэкээл 14:6

Тиимэһээ мүнөө Минии, Эзэн Бурханай, иигэжэ тунхаглаһые тэдээндэ дуулгагты: гэмээ наманшалагты, жэгшүүритэй муухай онгонуудаа орхигты.

Эзэкээл 18:15

обоонуудай үргэлһөө эдидэггүй, Израилиин онгонуудта мүргэдэггүй, ондоо хүнэй һамгантай унтадаггүй,

Эзэкээл 18:31

Муу муухай юумэ өөрһөө зайсуулагты, сэбэр, арюун бодолтой, Намда үнэн сэхэ бологты. Тиигэбэл, Израилиин арад түмэн, таанад хосорхогүйт!

Эзэкээл 18:6

Обоонуудта тахигдаһан үргэлэй хоол тэрэ баридаггүй, Израилиин онгонуудта мүргэдэггүй гэел даа. Ондоо хүнэй һамгантай унтадаггүй, һарынхияа үзэжэ байхадань һамгандаа хүрэдэггүй гэе.

Эзэкээл 20:19

Тэдэнэй Эзэн Бурхан байһан тушаа, Минии захиралтануудые, хуули ёһонуудые сахин дүүргэдэг байха тухайнь Би һануулбаб.

Эзэкээл 20:8

Теэд тэдэ намда һөөргэдэжэ, үгыем дуулахаяа арсаба. Жэгшүүрилтэ муухай онгонуудта, Египедэй олон бурхадта тэдэ мүргэһөөр зандаа бэлэй. Уур сухал дундаа Би тэдэниие үшөө Египедтэ байхадань хэһээлтэ амасуулхаяа һанабаб.

Эзэкээл 23:3

Тэдэ хоёр Египедтэ ажаһуухадаа, залуу наһандаа һальхай һамуу ябадалтай байгаа.

Эзэкээл 23:7

Ассириин дээдэ түшэмэлнүүдтэй тэрэ забхайралдадаг, жэгшүүритэй муухай онгонуудтань мүргэдэг һэн.

Эзэкээл 23:8

Египедтэ һальхай һамуу ябадал үйлэдэжэ эхилһээр тэрэ иимэ ябадалаа бэшэ орхёогүй бэлэй. Залууһаань эхилжэ эрэшүүл тэрээнтэй унтажа, бүри забхайруулжа һургаа һэн.

Эзэкээл 34:24

Минии албатан Давид ударидагшатнай, харин Би, Эзэн, танай Бурхан болохоб. Энэ болбол Би, Эзэн, айладхана мүн!

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Левит 11:44

Юундэб гэхэдэ, Би танай Эзэнтнайб: бэеэ арюудхагты, арюун сэбэр бологты, юундэб гэхэдэ, Би танай Эзэн гэгээнби; газар дээгүүр мүлхидэг амитадаар һүр һүлдэеэ бү бузарлагты.

Левит 17:7

Саашадаа Бурханда урбан, альбан шүдхэртэ һүгэдэжэ, үргэл хэхэгүйнь тула, энэ хадаа тэдэнэртэ угайнь хэтэ мүнхын захяа тогтоол болоно гээшэ.

Левит 18:2

– Израильшуудта иигэжэ үгүүлэ: Би хадаа танай Эзэнби.

Левит 18:3

Танай һуужа байһан Египет газарай ёһо заншалаар бү ябагты. Минии таанадые абаашажа ябаһан Ханаһаан газарай ёһо заншал бү баримталагты. Тэдэнэй тогтоолнуудаар бү ябагты.

Левит 20:7

Өөрыгөө арюудхагты, арюун сэбэр байгты, юуб гэхэдэ, Би Эзэнби, Бурхантнайб.

Нүүнэй Иисүүс 24:14

Эзэнһээ айгты, сэбэрээр, үнэн сэхээр Тэрээндэ алба хэгты. Голой саана Египедтэ танай эсэгэнэрэй алба хэһэн бурхадта бү шүтэгты, Эзэндэ алба хэгты.