Эзэкээл 20:47 - Библи

⁴⁷ Түймэр табихадам, ногооржо байгаашашье, хуурайшье модон бүхэн галда абтаха, хэншье, юуншье тэрэ түймэрые саража шадахагүй, юуб гэхэдэ, урда зүгһөө эхилээд, хойто зүг хүрэтэр гал бүхыдөө соробхилон үргэлжэлхэ гэжэ Минии, Эзэн Бурханай, айладхаһые урда зүгэй ой модондо соносхо.

Эзэкээл 20:47 ပူးပေါင်းရင်းမြစ်များ

Исай 13:8

Тэдэ айжа, гар-хүлынь таталдажа, үбдэжэ эхилхэ. Тэдэ түрэжэ байһан эхэнэртэл зобохо. Бэе бэеэ айжа хараха, нюурынь эшэһэндээ улайха.

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 66:24

Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Эзэкээл 16:35

Эзэн иигэжэ айладхана: – Янхан эхэнэр Иерусалим, Минии айладхал шагна!

Эзэкээл 17:24

Хээрын бүхы модод Намайе Эзэн гээд мэдэдэг болохо. Үндэр модо набтар болгоноб, набтар модо үндэр болгон ургуулдагби. Ногооржо байгша модо хатаанаб, хатаһан хуурай модо һагсайлган ургуулдагби. Эзэн Би айладхабал, тэрэнээ заабол бэелүүлдэгби!

Эзэкээл 19:14

Мүшэрһөөнь гал гаража, гэшүүһэдынь, жэмэсынь дууһан шатаба. Иигэжэ хүдэр гэшүүһэд, мүн тиихэдэ хаанай баягшье бэшэ байхаа болёо һэн.

Эзэкээл 21:10

Таанадые алахын тула тэрэ хурсадхагдаа, сахилгаан мэтэ ялаганахын тула мэлигдээ. Хэншье бү баярлаг, юуб гэхэдэ, хүн бүхэнтнай һэргылэлтэнүүдыем анхараагүй, тоогоогүй.

Эзэкээл 21:32

Таанад галда түлеэн боложо, өөрын орон нютагтаа хосорхот. Хэншье таанад тушаа бэшэ дурсахагүй, мартагдахат. Энэ болбол Би, Эзэн Бурхан, айладхана мүн!»

Эзэкээл 24:5

Хонин һүрэгэй эгээл шэлдэгые абаарай. Тогоон дороо түлеэ обоолоод, һайса шана, яһа һайса бусалга.

Лука 23:31

Зэмэгүй хүнтэй тиимэ юумэнэй боложо байхада зэмэтэй хүнтэй юун болохоб гэжэ һананат?

Хуули дабталга 32:22

Гал дүлэн мэтээр Минии уур сухал бужаганаа, үхэлэй орон хүрэтэр дүлэтэнэ, газарые болон хэшэгыень шатаан залгижа, хада уулын үндэһэ һуури хайрана.