Эзэкээл 20:42 - Библи

⁴² Үбгэ эсэгэнэртэтнай тангариглан найдуулһан Израилиин газар уһан руу таанадые оруулхадам Намайе Эзэн гээд таанад мэдэрхэт.

Эзэкээл 20:42 ပူးပေါင်းရင်းမြစ်များ

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 31:34

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Эзэкээл 20:15

Тэрэнэй орондо юумээр элбэг-дэлбэг эгээл һайхан газар нютаг руу таанадые оруулхагүйб гэжэ элһэн губи дотор Би тэдээндэ тангариглаа һэм.

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Эзэкээл 20:44

Муу муухай хэрэгүүдэйтнай түлөө таанадые хэһээхэ хэрэгтэй. Гэбэшье Би нэн түрүүн энээнэй түлөө бэшэ, Өөрынгөө нэрэ хүндэ хаража таанадые хэһээхэб. Тиихэдэм Намайе Эзэн Бурхан гээд таанад ойлгохот.

Эзэкээл 20:6

Эгээл тиихэдээ тэдэниие Египедһээ гаргажа, өөһэдтэнь гэжэ шэлэһэн орон нютаг руу абаашахаб гээд тангариглаа һэм. Тэрэ газар нютаг һүөөр, зүгын балаар дэлбэржэ, бусад газарнуудһаа эгээл һайханиинь бэлэй.

Эзэкээл 24:24

Би, Эзэкээл, таанадта дүлгэ тэмдэг болохоб, намдал адляар таанад байхат. Эдэ бүгэдые гүйсэдхэгшэ Эзэн Бурханаа тиихэдэ таанад мэдэдэг болохот.

Эзэкээл 26:13

Энээнэй удаа дуу дуулаха, ятагаар наадан хүгжэмлэхэ абяан бэшэ дуулдахагүй.

Эзэкээл 34:13

Хариин зоной дундаһаа тэдэниие суглуулан гаргахаб, түрэл орон нютаг Израиль руунь асаржа, хада уулаар, гол нюруугаар, һайн бэлшээринүүдээр адуулхаб.

Эзэкээл 37:21

Минии иимэ үгэнүүдые тэдээндэ тунхагла: «Би, Эзэн Бурхан, Израилиин улад зониие тарагша хариин гүрэнүүдһээнь суглуулжа, өөрынь газар уһан руу бусаахаб.

Эзэкээл 38:23

Би, Эзэн, нангин гээшэб гэжэ дэлхэйн бүхы арадуудта Өөрыгөө харуулхын тула эдэ бүгэдые эрхилхэб».

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.