37 Таанадые наринаар хинажа, хэлсээ сахихыетнай баадхахаб.
Уулархаг нютагташье, нюруу газарташье, Иудын урда хан түрэдэшье, Бэньямиинэй газар дайдада, Иерусалимые тойроод байһан хүдөө нютагуудааршье, Иудын хан түрын хотонуудааршье хонишод хонидоо тоолохол байха. Энэ болбол Би, Эзэн, айладхана мүн!
Хэлсээгээ һэргээн сахин байхадам, ши Намайе Эзэн гэжэ мэдэрхэш.
Эзэн Бурхан хонидынь болохо Израилиин арад түмэндэ иигэжэ айладхана: – Таанад Минии һүрэг гээшэт. Би Өөрөө һүрэгэйнгөө хонидой дунда, хонидой ба тэхэ ямаануудай дунда зарга шүүбэри шиидхэхэб. Алинтнай тэнхээ тамир һайтайб гэжэ мэдэхын тула ехэ наринаар хойноһоотнай адаглан байхаб.
Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.
Амгалан тайбан байдалаар Израилиин улад зониие хэтэ мүнхэдөө үршөөн үреэн байхаб гэжэ найдуулан, хэлсээ баталнаб. Тэдэниие аршалжа, угаа олон зонтой яһатан болгохоб. Минии Һүмэ орон нютагтань хэтын хэтэдэ оршохо.
Хэлсээ эбдэһэнэй түлөө таанадта үһөөгэй һэлмэ эльгээхэб. Өөһэдынгөө хото соо хоргодоо һаатнай, яра шарха эльгээхэб, дайсадай гарта үгэхэб.
Бодо, жэжэ малай арбанай нэгэ хуби, юрэдөө, малшанай модоор заажа тоолоһон малай арбанай нэгэ хубинь Эзэнэй нангин зөөри гээшэ.
Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.
