Эзэкээл 20:32 - Библи

³² Бусад үндэһэ яһатадтал, уг угсаатанда адли боложо, модо, шулуугаар бүтээһэн онгонуудта мүргэжэ, һайн байхабди гэжэ тэдэ һанана. Теэд иимэ юумэн хэзээшье бүтэхэгүй!

Эзэкээл 20:32 ပူးပေါင်းရင်းမြစ်များ

Псалманууд 139:2

Эзэн, намайе муу зонһоо абарыт, хүсэрхэгшэдһээ аршалыт.

Псалманууд 33:10

Эзэнэй гэгээн зон, Эзэниие хүндэлыт, хүндэлдэг зон юугээршье дутахагүй. כ Каап

Һургаал 19:21

Хүнэй зосоо олон һанаан байбашье, Эзэнэй түсэбөөр лэ болохо.

Исай 37:19

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Ерэмияа 2:25

Израиль, ши шүтөөнүүдэй хойноһоо ябахаяа боли! Хоолойнгоо ангатар тэдэниие хүсэхэшни хүрөө! Харин ши: «Үгы! Би һөөргөө бусахагүйб, хариин бурхадта дуратайб, тэдэниие дахан ябахаб», – гээ бэлэйш.

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Ерэмияа 44:29

Энэ газар дээрэ таанадые Минии хэһээхэ байһанай, таанадта гай тодхор минии татаха байһанай дүлгэ тэмдэг харуулхаб.

Гашуудал 3:37

«Эзэнэй захираашьегүй юумэн боложо магад» гэжэ хэн хэлэхэб?

Эзэкээл 11:5

Эзэнэй Һүлдэ намда халин орожо, улад зондо иимэ мэдээсэл дамжуулхыемни Эзэн захирба: – Израилиин арад түмэн, таанадай нэгэ юумэ хэлэжэ байдагые, теэд ондоо юумэ сэдьхэжэ байдагые Би мэдэнэб.

Эзэкээл 38:10

Тэрэ үдэрэй ерэхэдэ, муу муухай түсэб зохёожо эхилхэш.

Даниил 5:4

Үзэмэй дараһан архи уужа байгаад, тэдэ алтан, мүнгэн, гуулин, түмэр, модон болон шулуун бурхадаа магтан байба.

Һошээ 4:12

Минии арад түмэн модон онгонһоо зүбшэл заабари асуужа байна! Тэдэ Намһаа буруу хаража, ондоо бурхадта мүргэжэ, янхан эхэнэртэл адли, забхай зальхай хэрэгүүдые эрхилнэ.

Римэйхиндэ 12:2

Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 29:17

Модоор, шулуугаар, мүнгөөр, алтаар хэһэн жэгшүүритэй шүтөөнүүдыень хараа бэлэйт.

Хуули дабталга 4:28

Тэндэ модоор болон шулуугаар хүнэй дархалһан, юумэ харадаггүй, дууладаггүй, юушье эдидэггүй ба үнэршье ойлгодоггүй бурхадта зальбаржа байхат.

Гэршэлгэ 9:20

Иимэ ехэ аюул зоболондо орожо үхөөгүй үлэһэн хүнүүд өөһэдынгөө нүгэлтэ хара хэрэгүүдые үйлэдэжэл байгаа. Тэдэнэр алта мүнгөөр, гуули зэдээр, шулуу модоор хэгдэһэн худал хуурмаг шүтөөнүүдтэ, ада шүдхэрнүүдтэ урдынхидаал адляар һүгэдэн мүргэһөөр байгаа. Харин тиихэдэ тэдэ хуурмаг шүтөөнүүдынь юумэ үзэжэ харажашье, дуулажа шагнажашье, ябажа хүдэлжэшье шадахагүй.

1 Хаан түрэнүүд 8:5

Тиигээд тэрээндэ тэдэ: – Та үбгэрөөт. Хүбүүдтнай танай замаар ябанагүй. Тиимэһээ мүнөө бусад арадуудтал адли бидэниие зонхилхо хааниие маанадта табин томилжо үгыт, – гэжэ хэлэбэ.