Эзэкээл 20:31 - Библи

³¹ Онгонуудта бэлэг сэлэг, үнгэрхэдөө, өөрын үхи хүүгэдые үргэжэ, өөһэдыгөө бузарлаад, мүнөө болоходо Минии хүсэл, түсэб мэдэхэеэ һананат. Ямаршье харюу таанадта үгэхэгүйб гэжэ Би, Эзэн Бурхан, амиды мэндэ байһаараа тангариглан соносхоноб.

Эзэкээл 20:31 ပူးပေါင်းရင်းမြစ်များ

Иоов 27:10

Түгэс Хүсэтын ойро байхадаа ярихые түбэгшөөһэн аад, үхэхынгөө урда гуйхадаа өөдэтэй харюу абаха гү?

Иоов 27:8

Тэрэнэй харгые дахаагүй хүнүүд наһа бараха туйлдаа хүрэхэдөө, юундэ найдаха гээшэб?

Һургаал 28:9

Эзэнэй Хуули тоодоггүй хүнэй зальбаралшье зэбүүрхэмээр.

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 57:5

Һаглагар модод доро хурисал хэжэ байһандал, шүтөөнүүдтэ мүргэл хэжэ, хадын жалгаар, горхоной хажуугаар үхи хүүгэдээ аладаг бэшэ гүт?

Ерэмияа 14:12

Тэдэнэй масаг баряашье хадань, Би уйлаха-бархирхыень дуулахагүйб. Түгэс шатаалта болон таряан үргэлнүүдые тэдэнэй үргөөшье хадань, Би тэдээндэ талархалтай болохогүйб. Харин дайн дажарта, үлэсхэлэн хооһон байдалда болон тахал үбшэндэ тэдэниие хюдан һалгаахаб!

Ерэмияа 19:5

Түгэс шатаалта үргэл болгон үхи хүүгэдээ галда шатаахын тула тэдэ Баалда обоонуудые бариһан юм. Энэнь Минии хэзээшье захираагүй, хэлээгүй, Минии һанаандашье ороогүй зүйл лэ.

Ерэмияа 7:31

Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.

Эзэкээл 16:20

Намда зорюулан түрэгшэ үхи хүүгэдээшье ши абажа, тэдэ онгонуудта үргэл болгон үргөөш! Өөрөө намда урбахашни багадаад,

Эзэкээл 16:36

Зондо мүнгэ сасажа, түлэжэ, удаань тэдэнэй урда нюсэгэлөөд, хурисал тэдээнтэй хэдэг байгааш. Жэгшүүрилтэй муухай онгонуудта мүргэжэ, хүүгэдээ тэдээндэ үргэн алааш.

Эзэкээл 20:26

Жэгшүүрилтэй муухай үргэлнүүдые, тэрэ тоодо ууган хүбүүдээ үргэл болгон үргэхые Би тэдээндэ зарлан байгааб. Энэ хадаа тэдээндэ хэһээлтэ ушаруулха, Минии Эзэн байһые тэдээндэ гэршэлхэ ёһотой бэлэйл.

Эзэкээл 20:3

– Хүнэй үри Эзэкээл! Эдэ ахамадуудтай хөөрэлдэжэ, Минии хүсэл тушаа мэдэхэеэ һанаа гүт, ямаршье харюу таанарта үгэхэгүйб гэжэ Минии, Эзэн Бурханай, Өөрөөрөө батадхан айладхаһые дуулга.

Эзэкээл 23:37

Тэдэ онгонуудта мүргэжэ, өөһэдынгөө үхи хүүгэдые алажа, тэрэ муухай онгонуудта үргэдэг байгаа.

Эзэкээл 33:30

Хүнэй үри Эзэкээл, танай арад зон Вавилоондо байһан мүнөө үе сагтаа хотын хэрэм ханануудай гү, али гэрэй үүдэндэ уулзахадаа шам тушаа хөөрэлдэнэ. «Эзэнэй мүнөө юун гэжэ айладхаһые Эзэкээлһээ асууя» гээд тэдэ хэлсэнэ.

Амоос 8:12

Тиихэдээ зон Эзэнэй үгэ бэдэрэн, өмнө далайһаа өрнө далай руу, умара зүгһөө дорно зүг руу ябаха, түгэншэлхэ, теэд олохогүй.

Захарияа 7:13

«Минии дуудахада, тэдэ дуулаагүй һэн. Тэрээн шэнги харюудань тэдэнэй дуудахада, Би дуулахагүйб.