Эзэкээл 20:27 - Библи

²⁷ Хүнэй үри Эзэкээл, Минии, Эзэн Бурханай, иигэжэ айладхаһые Израилиин арад түмэндэ дуулга. Тэдэнэй үбгэ эсэгэнэрынь Намда урбажа, доромжолоо һэн.

Эзэкээл 20:27 ပူးပေါင်းရင်းမြစ်များ

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Эзэкээл 14:13

– Хүнэй үри Эзэкээл! Хэрбээ ямар нэгэ улас түрын Намда урбажа, нүгэл үйлэдөө һаань, Би тэрээн руу гараа һарбайжа, эдеэ хоолыень абажа, үлэсхэлэн хооһон байдал тогтоохоб. Иигэжэ Би улад зонииень, мал адууень хюдажа эхилхэб.

Эзэкээл 18:24

Үнэн зүбые үйлэдэдэг хүн үнэн зүбһөө буруу хаража, муу зоной хэдэг жэгшүүритэй муухай хэрэгүүдые хэжэ эхилээ гээшэ һаа, амиды мэндэ байха гү? Үгы! Бүхы үнэн зүб хэрэгүүдынь мартагдаха, урбаһанайнгаа, нүгэл хэһэнэйнгээ түлөө тэрэ хосорхо.

Эзэкээл 2:7

Дуулаа, үгышье һаань, Минии үгэнүүдые тэдээндэ дамжуула. Зүрилдөөтэй зон гээд бү мартаарай.

Эзэкээл 3:11

Сүлэлгэдэ байгааша түрэл арадайнгаа хүн зондо ошожо, тэдэнэй дуулаа, үгышье һаа, Минии, Эзэн Бурханай, айладхал дамжуула.

Эзэкээл 3:27

Гэбэшье Би шамда айладхал буулгаха үедөө амыеш нээхэб, тиихэдэм ши «Эзэн Бурхан иигэжэ айладхажа байна» гэжэ үгүүлжэ байхаш. Шагнахань шагнаг, үгынь үгы, юрэдөө, тэдэ ехэл буһалгаа хүлгөөтэй арад түмэн гээшэл даа.

Эзэкээл 3:4

Тиигээд Эзэн Бурхан намда иигэжэ айладхал буулгаба: – Хүнэй үри Эзэкээл, Израилиин улад зондо ошожо, Минии айладхаһан үгэнүүдые дуулга.

Эзэкээл 39:23

Минии урда нүгэлтэй байһандаа израильшууд сүлэгдөө гэжэ хариин зон ойлгохо. Би тэдээнһээ буруу хаража, дайсадай добтолон орон хюдахыень зүбшөөгөө һэм.

Эзэкээл 39:26

Тэдэ аюулгүй амгалан орон нютагтаа ажаһуужа эхилхэдээ муу муухай хэрэгүүдээ, Намда урбадаг байһанаа һанажа, эшэхэ.

Тоололго 15:30

Хэрбэеэ нютагай зоной нэгэн гү, али хариһаа нүүжэ ерүүл зоной нэгэн зорюута Хуулида харша ябадал хээ һаа, хооһон сүл губи руу сүлэгдэхэ гү, али хюдан усадхагдаха ёһотой.

Римэйхиндэ 2:24

«Еврей таанадһаа боложо бусад арадууд Бурханиие муудхана», – гэжэ Нангин Бэшэг соо хэлээтэй байдаг.

Гэршэлгэ 13:5

Өөрыгөө магтаха, Бурханиие доромжолхо эрхэ засаг тэрэ арьяатанда үгтэһэн байна. Дүшэн хоёр һара соо тиимэ юумэ хэжэ байха эрхэ тэрээндэ олгогдоһон юм.