Эзэкээл 20:20 - Библи

²⁰ Маанадай хоорондохи хэлсээнэй дүлгэ тэмдэг байхын тула, Намайе өөһэдэйнь Эзэн Бурхан гэжэ хододоо һанадаг байхынь тула субботын үдэр жэншэдгүй сахихыень захирааб.

Эзэкээл 20:20 ပူးပေါင်းရင်းမြစ်များ

Египедһээ гаралга 20:11

Юуб гэхэдэ, Эзэн огторгой, газар, далай бүтээгээд, досоонь байгааша бүхы юумэ зургаан үдэрэй туршада байгуулаа, харин долоодохи үдэртэ амараа. Тиимэһээ Эзэн гарагай долоое үреэлдөө хүртөөгөөд, нангин үдэр болгоо.

Египедһээ гаралга 20:8

Субботые нангин үдэр гээд сахидаг бай.

Исай 56:2

Амаралтын үдэрые хазагайруулангүй сахигша, муу үйлэ хэхэһээ тэбшэгшэдые юрөөн байхаб».

Исай 58:13

Эзэн иигэжэ айладхана: «Хэрбээ таанад амаралтын үдэрые нангин гэжэ сахин, өөрынгөө дураар юушье тэрэ үдэр хэхэһээ татагалзабал, амаралтын үдэрые хүндэлжэ, ажал хэнгүй, аян замда гарангүй, миин хии дуугаржа байнгүй байбал,

Ерэмияа 17:22

Таанад амаралтын үдэр гэрһээ ямар нэгэн ашаа зөөжэ бү гаргагты, ямаршье ажал бү хэгты. Элинсэг хулинсагуудтатнай захирһанайм ёһоор, амаралтын үдэрые арюун нангин үдэр гэжэ сахин байгты.

Ерэмияа 17:24

Хэрбээ амаралтын үдэр энэ хотын бартаануудаар ямаршье ашаа зөөжэ оруулангүй, ямаршье ажал хэнгүй, амаралтын үдэрые нангинаар сахин, Минии үгэнүүдые дуулабалтнай,

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Эзэкээл 20:12

Би, Эзэн, тэдэниие Өөртөө зорюулааб гэжэ эли байхын тула Намтай баталһан хэлсээнэй дүлгэ тэмдэг болгон Би тэдээндэ субботые тогтоогооб.

Эзэкээл 20:26

Жэгшүүрилтэй муухай үргэлнүүдые, тэрэ тоодо ууган хүбүүдээ үргэл болгон үргэхые Би тэдээндэ зарлан байгааб. Энэ хадаа тэдээндэ хэһээлтэ ушаруулха, Минии Эзэн байһые тэдээндэ гэршэлхэ ёһотой бэлэйл.

Эзэкээл 22:8

Нангин газарнуудыем хүндэлнэгүйт, субботын үдэрые сахинагүйт.

Эзэкээл 44:24

Зарга хэрэгүүдэй гарабал, тэдэ Минии хуули ёһоор хэрэг шиидхэхэ. Тогтоол, һургаалнуудайм ёһоор тэдэ шажанай нангин һайндэрнүүдые үнгэргэхэ, амаралтын үдэр сахидаг байхые жэншэдгүй харгалзалан байха юм.